Revelation 13:8 - Sa Ugud Apudyus

⁸ Ḵad daydayawon da losane tagu si annae lubung sanae ḵaog-ogyate ayam yaḵon da tagu we nigili da ngadanda'tte iblu we nigiliyan da ngadan da awad da biyagda'ḵ inggana, adidapun daydayawon sanae ḵaog-ogyate ayam. Te sa daan ni lubung maḵwaan, nagagangpute nigili da ngadan da sanae tagu si iblun ni biyage sa ḵuwan ni Ubbu we Karnero we nagongat.

Revelation 13:8 ပူးပေါင်းရင်းမြစ်များ

Matthew 25:34

“Pun saḵone Ari, asiḵ ḵanane angibaga'tta tagu we awad si madawinanḵu, ‘Awwayyu, diḵayu we binindisyunan Amaḵ ta gangganasonyu da laḵsunyu we midog-anyu si ampangatan Apudyus we nisaganae inggawanyu inggan ni naḵwaan ni lubung.

Luke 10:20

Taḵon ay os nu lamogyu paḻyawon da aḻan, daḵampun aḵ siya gapunae allaylayad ḵayu. Sa gapunae allaylayad ḵayu oḵyan, nigili da ngadanyu'd langit.”

John 1:29

Mabigat ḵad, innilan John aḵ Jesus we annate umali woḵ ḵanana, “Ilanyu! Annaya Karneron Apudyus we innatodna'ḵ midatun ta angaan atta basuḻ da tagu'tte lubung.

Ephesians 1:4

Sa daan ni lubung maḵwaan, pinilin Apudyus ditaḵu'ḵ miyossaan ḵan Kristu ta ambaḻu ugali taḵu ya ippun ḵadellawan taḵu si antotollongna. Gapu si ayatna,

Philippians 4:3

Siḵa ḵad ose mataḻgodane buḻunḵu, badangam ḵappos da sanae bubai ta an-asipakawanda ya mipaḻ-og an-ossaananyu. Te pummangogdae naḵaḵewaaḻ ḵan saḵon atte nangiwaḻagawagaḵ si Ambaḻu we Damag, nidoga da Clement ya da udume naḵaḵewaaḻ ḵan saḵone awad da ngadanda si iblu we nigiliyan da ngadan da awad biyagda'ḵ inggana.

Titus 1:2

Ḵooḵ da sadi ta namnamaonda biyag aḵ inggana. Aḵ Apudyus adipun paat antultulli, inkarina sadi ye biyag atte daan ni lubung maḵwaan.

Revelation 12:15

Pun imbug-is ni dragon amode danume isun di tawwang ta maanud oḵyan sadi ye bubai.

Revelation 13:12

Awad ḵan siya da losane ḵaḻabbongan ni ummunae ḵaog-ogyate ayam ya siya usaronae anserbi ḵan siya. Ḵad ipatutnae daydayawon da losane tagu'd luta sanae ummunae ḵaog-ogyate ayame napilatan sugatnae tigangayna iḵatoy.

Revelation 17:8

Sa ayame innilam, inninggaw atte awe yaḵon naippun sinsadi. Ḵad sa umali ye aḻgaw, tumoḵwaḻe maḻpu si abute ippun patinggan ni ḵaadaḻomna. Ḵad ḵasapuḻane umoy atte dusae ippun anungusna. Ḵad da losane tagu si lubunge adipun nigili da ngadanda'tte iblu we nigiliyan da awad de biyagda'ḵ ingganae insaganan Apudyus atte daan ni lubung maḵwaan, mataagdae angila'tte sadi ye ḵaog-ogyate ayam te inninggaw atte awe, naippun sinsadi ya asi tumoḵwaḻ atte umali ye aḻgaw.”

Revelation 21:27

Yaḵon naippun maḵaḻnoḵ atta ngaimane ibelang Apudyus aḵ ḵaissawe isun da angwa'tta ampabain ya da losane tuliyan yaḵon abus da nigili da ngadanda si iblun ni Ubbu we Karnero we nigiliyan da awad da biyagda'ḵ inggana'ḵ maḵwae lumnoḵ.

Revelation 3:10

Te tinuttuwayu da bilinḵu we anusanyu iyattom ampaḵaḻamanyu, saḻaḵnibaḵ diḵayu'tte ampaḵimute ampaḵaḻamane madam-an dumatong si intero we lubung ta mapadas da losane tagu'd luta.

Revelation 3:20

Dongngonyu, annaaḵe sumisiḵad ya anḵugḵugḵug atta sawang da boḻoyyu. Nu awad angngoḻ atte gingaḵ ya buḵatana lewangan, lumnoḵaḵ ya an-ubung ḵani ye angan.

Revelation 3:5

Da tagu we angngog atte lawweng, ansilupda si itaḵ ya adiḵpun paat ḵaanon ngadanda si iblu we nigiliyan da ngadan da awad de biyagda'ḵ inggana. Ibabaggaḵ si sinagung Amaḵ ya da anghelnae dida da taguḵ.

Revelation 5:12

Ḵanandae nangidangsoḻ, “Sa Ubbu we Karnero we napatoy, ḵaḻabbonganae awaton ḵabooḻan, ḵinabaḵnang, ḵinalaing, ḵinapigsa, ḵinapatog, ḵinadayaw ḵan anggappiyaan.”

Revelation 5:13

Naabus ḵad, dingngoḻḵu imbagan da losane awad ad langit, ad luta ya ad daḻom atte lutae igaw da natoy ya sa baybay. Losan atta ḵingwan Apudyus, ḵananda, “Ḵan siyae tutuḵdu'tte trono ya sa Ubbu we Karnero, mabindisyunan, mapatgan, madaydayaw ya mabigbig ḵabooḻanda'ḵ inggainggana.”

Revelation 6:1

Pun innilaḵe niloḵtan ni Ubbu we Karnero osa'tta pitu we maḻḵan ni naḻuḵube ḵopel woḵ dingngoḻḵu isunan ḵiduḻe gingan ni osa'tta opate matattagu we ḵingwam. Ḵanana, “Umaliḵa!”