Revelation 13:7 - Sa Ugud Apudyus

⁷ Niyunud ose maḵagubat atta tagun Apudyus ḵad oḻgona dida. Ḵad naittan aḵ ḵaḻabbongane ampangat atta losane ili ya da losane tribu ya da tagu we nansabasabali gingada ḵan naḻpuwanda.

Revelation 13:7 ပူးပေါင်းရင်းမြစ်များ

Luke 4:6

woḵ ḵanana, “Siḵa angittaḵ atte ḵaḻabbongane angipangat ḵan dida ta anḵuwam da losane binaḵnangda. Te saḵon naattanda, ḵad ittoḵ si ngaimane pioḵ angittan.

John 19:11

Ḵanan Jesus, “Naippun ḵabooḻam ḵan saḵon nu adin Apudyus innatod ḵan siḵa. Pun da nangipuḻang ḵan saḵon ḵan siḵa nadagdagson da basuḻda.”

Revelation 10:11

Inninggaw nangibaga ḵan saḵon ḵanane, “Ḵasapuḻane ḵasinnu ipadtu da maḵwa'tta ḵinailin di ili ya da grupun da tagu we nansabasabali gingada ḵan ḵublitda ya da arida.”

Revelation 11:18

Da sumusullagi ḵan siḵa, amod de ansasangada yaḵon sinsadi dummatong timpu we sumang-am ya dusaom dida, te sana timpu we anguwisam atta losane nanḵaḵatoy. Ḵad sinsadi bos timpu we gungunaam da sammilume da profetam ya da losane tagume angisipog ḵan siḵa, da nababa ya da nangangatu. Ḵad dadailom os da nanadail atta tagu'd luta.”

Revelation 11:7

Maabus ḵade ibagada da impaigammun Apudyus ḵan dida, tumoḵwaḻ ḵaog-ogyate ayame maḻpu si abute ippun patinggan ni ḵaadaḻomna ya maḵagubat ḵan dida. Ḵad angngog ya anggongat ḵan dida,

Revelation 12:17

Pun amo dummallu sangan ni dragon si bubai woḵ ummoy naḵagubat atta udume abengnae da anguunnud atta bilin Apudyus ya sissiyadae amati'tta impaigammun Jesus.

Revelation 17:15

Pinagatupan ni anghel we nangibaga ḵan saḵon woḵ ḵanana, “Da tawwange innilame tummutuḵduwan ni puta, dida da amoamode tagu'tta losane ili ya da tagu we nansabasabali gingada ḵan naḻpuwanda.

Revelation 5:9

Ḵanandae angiḵanḵanta'tta baru we ḵanta, “Siḵa ḵallabbong angaḻa si naḻuḵube ḵopel ya alloḵta'tte maḻḵa. Te napatoyḵa woḵ sa daḻam nanubutnu'tta tagu ta ambalindae tagun Apudyus. Ḵad maḻpuda'tta losane ili ya da losane tribu ya da tagu we nansabasabali gingada ḵan naḻpuwanda.