Revelation 13:6 - Sa Ugud Apudyus

⁶ Pun insaḻadnae nan-ugud aḵ misullagi ḵan Apudyus, misullagi si ngadanna ḵan inggawana ya da inggaw ad langit.

Revelation 13:6 ပူးပေါင်းရင်းမြစ်များ

Matthew 12:34

Diḵayu we ganaḵ ni uḻog! Ngai inonae ambaḻu da ugudonyu si gagangaye lawweng ḵayu? Te sa mapopompon atta somsomoḵyu, siya ugudon da sungadyu.

Matthew 15:19

Te sa somsomoḵ, siya maḻpuwan ni losane somsomḵon ni tagu we isun da sana; adaḻugona daḵampun aḵ asawana, an-aḵaw, pumatoy, maḵadagdagas, taḵdoḻana da tinutuli ya an-ugud aḵ lawweng atta asintataguna.

John 1:14

Sa Ugud, nambalin aḵ tagu woḵ inninggaw ḵan ditaḵu. Amod de ḵinabaḻuna ya ḵatuttuwaan da losane imbagabagana. Innilani ḵan siya nakaskasdaawe ugalin Apudyus te siya abus aḵ Abeng we naḻpu ḵan Amana.

Romans 3:13

Isunan nabubuḵtane libon da sungadda ḵad pasige tinutuli da ugudonda. Ḵad da ugude ibungangayda isunan gitan di uḻog.

Colossians 1:19

Te pinion Apudyus we losane ḵinaapudyusna awad atte Abengna.

Colossians 2:9

Sa ḵatuttuwaan mipanggob ḵan Kristu, nambalin tagu yaḵon awad ḵan siya da losane ḵinaapudyus Apudyus.

Hebrews 9:2

Sa sadi ye tuldae ḵingwada, awad de duwae kuwartu. Sa umunae kuwartu, sadi ngannonda Nasantuwane Kuwartu we inggawan da sasap-aḻan da silaw, sa lamisaan ya da tinapaye midatun ḵan Apudyus.

Hebrews 9:24

Te adipun nillumnoḵ aḵ Kristu si Ḵasantuwane Kuwartu we ḵingwan di tagu ḵan abuse ladawan ni tuttuwae igaw Apudyus. Yaḵon siyae mismu nillumnoḵ ad langit ya awad sinsadi ye angitaḵdoḻ ḵan ditaḵu si sinagung Apudyus.

Revelation 11:12

Maabus ḵad, dongngon da duwae profetan Apudyus andangsoḻe gingae maḻpu'd langite ḵanana ḵan dida, “Umali ḵayu sina.” Pune sadi nipangatuda'tte libuu we umoy ad langit ḵad itotollong da ḵabusuḻda dida.

Revelation 12:12

Pun ad langit ya diḵayu losane awad sidi anggangganas ḵayu, yaḵon ḵaddagu ḵayu we awad ad luta ya sa baybay. Te nan-osog aḵ Satan si igawyu ḵad amod de sangana te inigammunae aḵit daan si timpuna.”

Revelation 15:5

Naabus ḵad, innilaḵe nabuḵtan Ḵasantuwane Kuwartu si templo'd langite igaw ni nigili ye bilin Apudyus.

Revelation 18:20

“Diḵayu we awad ad langit, anggangganas ḵayu'tte nadadailana. Diḵayu we tagun Apudyus, da apostol ya da profetana, maganasan ḵayu bos te dinusan Apudyus sanae siyudad gapu'tta losane ḵingwana ḵan diḵayu.”

Revelation 21:3

Pun inggaw andangsoḻe gingae dingngoḻḵu we naḻpu'tte trono we ḵanana, “Andiya miḵamboḻoyan Apudyus atta tagu ḵad bigbigonae taguna dida ya bigbigon os da tagu we anna ḵan dida Apudyusda.

Revelation 4:1

Naabus ḵad, intapḵu we nabuḵtan sawang ad langit. Dingngoḻḵu bos isun ni dingngoḻḵu we isunan gingan di tangguyube ḵanana ḵan saḵon, “Umaliḵa sina'd langit ta ipailaḵ ḵan siḵa da ḵasapuḻane maḵwa si umali ye aḻgaw.”

Revelation 4:4

Sa nampaliḵwos atte trono, inggaw os da duwampuḻu ya opate trono we tummutuḵduwan da duwampuḻu ya opate angipangpangu. Nampassilupda'ḵ itaḵe silup ya nakoronaanda'ḵ buḻawan.

Revelation 5:13

Naabus ḵad, dingngoḻḵu imbagan da losane awad ad langit, ad luta ya ad daḻom atte lutae igaw da natoy ya sa baybay. Losan atta ḵingwan Apudyus, ḵananda, “Ḵan siyae tutuḵdu'tte trono ya sa Ubbu we Karnero, mabindisyunan, mapatgan, madaydayaw ya mabigbig ḵabooḻanda'ḵ inggainggana.”

Revelation 7:15

Pun sana gapunae awadda si sinagung ni tronon Apudyus we anserserbi ḵan siya si templona'tte inaḻgaw ya nilabi. Sa awad atte trono, patilayune buḻunna dida ya taltalliḵunana dida.

Revelation 7:9

Naabus ḵad sadi, innilaḵ os da amoamode tagu we adidapun mabelange naḻpu'tta losane ili ya da losane tribu ya da tagu we nansabasabali gingada ḵan naḻpuwanda. Sumisiḵadda'tte sinagung ni trono ya sa Ubbu we Karnero. Nampassilupda'ḵ itaḵe langgoyod ya nampaḵ-odonda'ḵ tubu we isun di baing ta angipail-anda si layadda.