Revelation 12:9 - Sa Ugud Apudyus

⁹ Ḵad niballu'd luta daḵoḻe dragone nidoga da anghelna. Aḵ Satan sanae nampailae uḻog si awe. Siya nangallelaw atta tagu si intero we lubung.

Revelation 12:9 ပူးပေါင်းရင်းမြစ်များ

Matthew 13:39

Ḵad sa ḵabusuḻe nangiwagawag si sabsabug, siya'ḵ Satan. Sa iyyaani siya anungus ni timpu ḵad da anghel an-ani.

Matthew 24:24

Te ampaila da umallelawe tagu ya ibagadae dida Kristu ya awad os da angibagae dida profeta. Ḵad angipailada'tta amo nakaskasdaaw ta amanoḵnoḵe awad ḵabooḻanda ta allelawonda da tagu, taḵon ay da pinilin Apudyus nu maḵwa.

Matthew 25:41

“Ḵad ibagaḵ atta tagu si madawigiḵ ḵanane, ‘Diḵayu we naḵoddongan aḵ madusa, inḵayun! Inḵayu si annanayune apuye nisasaggana ḵan Satan ya da bubuḵ-unona.

Matthew 4:1

Pune sadi, impuyut ni Ispiritu Santu aḵ Jesus atte bumbummaaw ta padason Satan sulisugon.

Matthew 4:10

Ḵanan Jesus, “Ḵumassadḵa, Satan! Te ḵanan ni nigili'tte Ugud Apudyus, ‘Sa Apu we Apudyusnu, siya abus aḵ dayawom ḵan anserbiyam.’ ”

Matthew 4:5

Pun intallay Satan aḵ Jesus atte siyudad Apudyus ad Jerusalem woḵ pinataḵdogna'tte ḵataḵnangan ni templo we boḻoy Apudyus,

Matthew 4:8

Pun inḵasin Satan intallay aḵ Jesus si antaḵnataḵnange beleg woḵ impailana ḵan siya da losane ampangatan atte lubung ya da ḵinabaḵnangda,

Luke 10:18

Ḵanan Jesus, “Innilaḵ aḵ Satan we naottage naḻpu'd langite isun di ḵilat.

Luke 13:16

Pun sinsadi, anna ḵan ditaḵu annae bubai ye ganaḵ Abraham we nampaḵaḻamon Satan si nasawaḻan aḵ waḻu we tawon. Ḵasapuḻan ḵammane mapuḵayan atte ampaḵaḻamana si umillongan?”

Luke 22:3

Pun nillumnoḵ aḵ Satan ḵan Judas Iscariot we osa'tta nasawaḻan aḵ duwae disipulun Jesus,

Luke 22:31

Pun ḵanan Jesus ḵan Peter, “Simon, dongngom ḵappos ibagaḵ. Ḵindaw Satan gundawaynae amappadas ḵan diḵayu losan ta ilana nu awad misina ḵan diḵayu we isun ni misinaan ni dugi'tte wheat nu matop-an.

Luke 8:12

Da naottag atte daḻan, mipanida'tta tagu we dongngonda Ugud Apudyus. Pun umoy aḵ Satan ya ḵinaanna da Ugud Apudyus atta somsomoḵda ta adidapun amati ḵan matagu.

John 12:31

Sinsadi ḵuwison Apudyus da tagu si annae lubung ya sinsadi aḵ Satan we pangat da tagu we adipun amati, maabaḵ.

John 14:30

“Adipun ogon andu maḵaug-uggudaḵ ḵan diḵayu te annate umali'ḵ Satan we pangat da adipun amati ḵan saḵon. Naippun ḵabooḻana ḵan saḵon,

John 16:11

Nankamalida mipanggob atte anḵuwisan Apudyus te da tagu we adipun amati naḵoddonganda'ḵ dusaon Apudyus te nagangpute inḵoddongnae dusaona'ḵ Satan we pangat da adipun amati.

John 8:44

Iissuyuḵ amayu we Satan. Ḵad siya pionyu ḵoon da pion ni amayu. Pumappatoy si inggan ni lapuna ḵad ippun ḵoona'ḵ ḵatuttuwaan te naippun ḵatuttuwaan ḵan siya. Nu antultulli, siya ugalina te tuliyan ya maḻpuwan da tuli.

Acts 26:18

Ibuunḵu siḵa ḵan dida ta igammuwonda ḵatuttuwaan ta masilawan da somsomoḵda ya an-awidanda da lawweng ya ansagungda si padda. Ḵad an-awidanda ḵabooḻan Satan ḵad ansagungda si ḵabooḻan Apudyus ta amatida ḵan saḵon ḵad mapakawan da basuḻda ya mibelangda'tta intotoḵḵon Apudyus aḵ taguna.’

Acts 5:3

Yaḵon ḵanan Peter, “Ananias, ngaipam iyunude aḵ Satan anḵewaaḻ atte somsomoḵnu ya nantultulliḵa si Ispiritu Santu atte nangitaḻuwam si udume bayad ni lutayu?

Romans 16:18

Te da ḵassadi ye tagu, daḵampun ḵan Apu taḵu we Kristu anserbiyanda yaḵon da long-agda ya da pipionda. Ḵad mipagapu'tte allin-awae an-uugudda ya ḵinasiḵapda, allelawonda da tagu we ippun ḵon igammuda.

Romans 16:20

Adipun manunnuwan ya aḵ Apudyus we maḻpuwan ni lin-awa oḻgona'ḵ Satan we isun di gusgusdan taḵu. Awad oḵyan ḵan diḵayu ḵinabaḻu we maḻpu ḵan Apu Jesu Kristu.

2 Corinthians 11:14

Ḵad adi taḵu oḵyan mataag si sana te taḵon ay aḵ Satan maḵwa gay ipailana long-agna'ḵ isun di ambaḻu we anghel Apudyus.

2 Corinthians 11:3

Yaḵon umogyataḵ aḵ maallelaw somsomoḵyu ya maawis ḵayu'tta sabali ye tuttudu ḵad nan-awidanyu sipupusu ḵan ampoḻḵase somsomoḵyu ḵan Kristu we isuna naḵwa ḵan Eve we inallelaw ni uḻog.

2 Corinthians 12:7

Gapu ḵad ta adimpun Apudyus pione ansoḵaḻaḵ gapu'tta ḵinangatun ni nakaskasdaawe impailana ḵan saḵon, iyyunudnae angigga'ḵ Satan aḵ saḵite isun di lutlut-uḵona long-agḵu ya ampaḵaḻamaḵ ta adiyaḵ ansoḵaḻ.

2 Corinthians 2:11

ta adi taḵu maallelaw ya maabaḵ ḵan Satan te iniiggammu taḵu da panggobna.

2 Corinthians 4:4

Adidapun amati te aḵ Satan we apudyus da tagu si annae lubung si sanae timpu, tatallingdana da somsomoḵda ta adida ilan silawe maḻpu'tte Ambaḻu we Damag mipanggob si ḵinangatun Kristu we ḵais-isun Apudyus.

Ephesians 4:14

Ḵad nu miyisu taḵu ḵan siya, aditaḵupun ogon isun di abenge allasu mabaliwan ni somsomoḵna ya maallelaw atta tinutuli ye ituttudun da tuliyan.

2 Thessalonians 2:3

Adi ḵayu maallelaw atta ngaimane ibagada ḵan diḵayu. Te adipun dumatong sanate aḻgaw inggana'ḵ umaduadu da tagu we sumusullagi ḵan Apudyus ḵad mipaila ḵaḻawengane niḵoddonge madusa'd Infiernu.

1 Timothy 2:14

Ḵad daḵampun ḵan Adam naallelaw yaḵon sa bubai, pun siya ummunae naḵabasuḻ ḵan Apudyus.

2 Timothy 3:13

Yaḵon da lawweng ya da angallelaw atta buḻunda, amo iggaiggadae angallelaw atta buḻunda ya isuna bose maallelawda.

Hebrews 2:14

Gapu ta tagu da annae abeng Apudyus we maḵwae matoy, nambalin aḵ Jesus aḵ tagu we isuda. Ḵingwana sana ta mipagapu si matoyana, oḻgona'ḵ Satan we anna ḵabooḻana si ḵatoy

1 Peter 5:8

Ansasaggana ḵayu ḵan an-annad ḵayu. Te sa ḵabusuḻ taḵu we aḵ Satan, andaḵidaḵiwase isun di ngumoḻngoḻngoḻe layone ansingisingit aḵ sokmaḻona.

1 John 5:19

Sa ḵumagwa, igammu taḵu we abeng Apudyus ditaḵu taḵon ay nu impangatan Satan da losane tagu we adipun amati.

Jude 1:9

Taḵon ay pangat da anghel we aḵ Michael, adipun nan-ugud aḵ lawweng ta ḵuwisona'ḵ Satan atte nansongbatanda ḵan Satan mipanggob atte ngai ḵaḻabbonganae angaḻa si ladag Moses. Abuse ḵanana, “Aḵ Apudyus asi anuppaḵ ḵan siḵa.”

Revelation 12:12

Pun ad langit ya diḵayu losane awad sidi anggangganas ḵayu, yaḵon ḵaddagu ḵayu we awad ad luta ya sa baybay. Te nan-osog aḵ Satan si igawyu ḵad amod de sangana te inigammunae aḵit daan si timpuna.”

Revelation 12:3

Inninggaw os osae sinyal ad langite nampaila daḵodaḵoḻe dragone dilaag, pitu uḻunae losan nakoronaan ya sa sakkudnae simpuḻu.

Revelation 12:7

Pun binnumtaḵ gubat ad langit woḵ aḵ Michael ya da buḻunnae anghel, naḵagubatda'tte dragon ya da buḻunna bose anghel.

Revelation 12:8

Pun naabaḵ dragon ya da buḻunna woḵ ippun ogon igawda'd langit.

Revelation 13:14

Pun inallelawna da adipun namati'd luta gapu'tta nakaskasdaawe sinyale niyunude ḵingwana si nanserserbiyana si ummunae ḵaog-ogyate ayam. Pun imbagana ḵan dida ta angwada'ḵ sinan-ayame dayawondae isun ni ummunae ayame nasugat atte ispada yaḵon sissiyae natagu.

Revelation 16:14

Da sanae ispiritu, dimunyuda ḵan lamogda ḵoon da nakaskasdaaw. Ḵad ummoyda ta daguponda da ari'tta losane ili'tte lubung ta umoyda gubaton aḵ Apudyus we maḵabooḻ atta losan si ampatoge aḻgawna.

Revelation 18:2

Ḵananae nangiyipḵaw, “Nadadail! Nadadail nandindinamage siyudad ad Babylon. Nambaline inggawan da dimunyu ya losane kalasin da aḻan. Ḵad losane kalasin di ayam ḵan sissiwite mibelange ḵaissaw, sidi inggawanda ḵan sumuḵbutanda.

Revelation 18:23

Ḵad naippun os ogon da matonggane silaw ya naippun ogon ankasar. Sanat da dusan ni Babylon te da allaḵlaḵu si sadi ye siyudad, ansosoḵaḻ da somsomoḵda ya ngannonda dida ḵabaḵnangan ad luta. Ḵad da ummili sidi, inallelawda da tagu'd luta'tta tulidae isun da buyun.

Revelation 19:20

Yaḵon nadoḵmaan ḵaog-ogyate ayam ya sa sinan profeta we nangipaila'tta nakaskasdaawe sinyal si nanserserbiyana si annae ayam. Da annae sinyal, dida da inusarnae nangallelaw atta tagu we namaḻḵaan atte maḻḵan ni ḵaog-ogyate ayam ya da nandaydayaw atte naḵwae ḵais-isuna. Da annae duwae sissiyae matattagu, niballuda si igaw ni gumilgillayabe apuy ḵan sulfur.

Revelation 2:13

Igammuḵe sa iliyu, siya ampangatan Satan yaḵon taḵon ay nu ḵatti, adiyupun nan-awidan pammatiyu ḵan saḵon. Igammuḵ os naḵwa ḵan Antipas we mataḻgodane nangitaḵdoḻ si mipanggob ḵan saḵon. Taḵon ay nu gingngatda sinat atte ili ye ampangatan Satan, sissiyae pinagapagatupanyu we amati ḵan saḵon.

Revelation 2:24

“ ‘Yaḵon diḵayu we udum ad Thyatira, adiḵayupun nampaidaḻan si annae lawwenge tuttuduna ya naippun inadaḻyu si ḵanandae naadaḻome tuttudun Satan. Pun adiḵpun ogon dog-an biline unudonyu.

Revelation 2:9

Igammuḵe nampaḵaḻam ḵayu ya ḵapus ḵayu yaḵon sa ḵatuttuwaan, baḵnang ḵayu! Igammuḵ ose awad da Judyu we anginsultu ḵan diḵayu yaḵon daḵandapun aḵ tagun Apudyus nu adi dida da tagun Satan.

Revelation 20:10

Ḵad aḵ Satan we nangallelaw ḵan dida, asi miballu si igaw ni gumilgillayabe apuy ḵan sulfur we sa niballuwan ni ḵaog-ogyate ayam ya sa sinan profeta. Ḵad ampaḵapaḵaḻamda'tte inaḻgaw ya nilabi'ḵ inggainggana.

Revelation 20:8

Ḵad umoyna allelawon da ngannonda Gog ya Magog we da tagu'tta ḵinailin di ili'tta opate dugyun ni luta. Dagupona dida ta maḵagubatda. Sa belangda ḵad isuda gallis atte taḻantag ni baybay.

Revelation 3:9

“ ‘Dongngonyu anna. Awad da Judyu sinate tagun Satan. Ḵanandae dida tagun Apudyus yaḵon daḵampun te tuliyanda. Sa umali ye aḻgaw ipatutḵu we umoyda analluḵu si sinagungyu ḵad asida igammuwone ay-ayatoḵ diḵayu.

Revelation 9:1

Naabus ḵad, nanangguyub ḵumalimae anghel woḵ innilaḵ bituwone naottag sina'd lutae naḻpu'd langit. Sa annae bituwon naittan aḵ tuḻbiḵe anuḻbiḵna si onob ni abute ippun patinggan ni ḵaadaḻomna.

Revelation 9:20

Yaḵon da nabun-ane tagu we adipun nanḵaḵatoy gapu'tta sanae ampaḵaḻaman, adidapun nambabawi'tta basuḻda ya adidapun iyyagaye angwa. Sissiyae adidapun iyyagaye nanaydayaw atta aḻan ya da sinan-apudyus we naḵwa si buḻawan, palata, gambang, batu ya da ḵayu we ḵingwan di tagu we sinan-apudyus we adidapun maḵaila, maḵadongoḻ ya adidapun maḵataddaḻan.