Revelation 12:5 - Sa Ugud Apudyus

⁵ Nibuḵnag ḵad abengnae laḻaḵi, naḻapsut woḵ naiyoy si tronon Apudyus te sa umali ye aḻgaw siya ambaline pangat atta losane ili ye usarona bastune ḵaga ya aaddi ye oḻgona da adipun anuttuwa si ḵaḻabbongana.

Revelation 12:5 ပူးပေါင်းရင်းမြစ်များ

Matthew 1:25

Yaḵon adinapun tintindoḵ si daannapun angiyanaḵan si abengna. Ummanaḵ ḵad, nginadanana'ḵ Jesus.

Mark 16:19

Nagangput ḵad da imbagan Apu Jesus ḵan dida, nipangatu'd langit woḵ tummuḵdu'tte madawinan Apudyus.

2 Corinthians 12:2

Awad de igammuḵe osae namati ḵan Kristu atte naḻaḵpus nasawaḻan aḵ opate tawone nipangatu'tte ḵumaḵlu we langit. Adiḵpun igammu nu abus ispirituna'ḵ ummoy baḵon nu nidoga long-agna. Aḵ Apudyus abus aḵ angigammu. Sa igammuḵ, nipangatu annae tagu si igaw Apudyus ad langit.

2 Corinthians 12:4

Ḵad ad langit, dingngoḻna banage adipun maḵwae maugud ya adipun os maḵwae mibaga.

Revelation 11:12

Maabus ḵad, dongngon da duwae profetan Apudyus andangsoḻe gingae maḻpu'd langite ḵanana ḵan dida, “Umali ḵayu sina.” Pune sadi nipangatuda'tte libuu we umoy ad langit ḵad itotollong da ḵabusuḻda dida.

Revelation 12:13

Inigammun ḵad ni dragone niballu'd luta, dinogdogna bubai ye nangiyanaḵ atte laḻaḵi ye abeng.

Revelation 12:2

Sa anna ḵade bubai, umaannaḵ ya ummibil gapu'tte sigab ni buwangna.

Revelation 19:15

Sa nangadanan aḵ Ugud Apudyus, awad ḵan siya antadome ispadae maḻpu si sungadnae siya usaronae angngog atta ḵinailin di ili. Sa angipangatana ḵan dida, usarona bastune ḵaga ya dusaonae ustu da ngaimane adi amigbig si ḵaḻabbongana. Ipailana ampaḵimute sangan ni maḵabooḻe Apudyus atta basuḻ. Te sa anusaana ḵad ḵan dida, isuna angasotan ni tagu'tta de grape atte aassotan ta mapospos baḻatda.