Revelation 12:3 - Sa Ugud Apudyus

³ Inninggaw os osae sinyal ad langite nampaila daḵodaḵoḻe dragone dilaag, pitu uḻunae losan nakoronaan ya sa sakkudnae simpuḻu.

Revelation 12:3 ပူးပေါင်းရင်းမြစ်များ

Revelation 12:1

Pune sadi, nampaila nakaskasdaawe sinyal ad langit. Te nampaila bubai ye nasilupan atte isuna siling ni inite summisiḵad atte soḻag. Nakoronaan atta nasawaḻan aḵ duwae bituwon.

Revelation 12:13

Inigammun ḵad ni dragone niballu'd luta, dinogdogna bubai ye nangiyanaḵ atte laḻaḵi ye abeng.

Revelation 12:17

Pun amo dummallu sangan ni dragon si bubai woḵ ummoy naḵagubat atta udume abengnae da anguunnud atta bilin Apudyus ya sissiyadae amati'tta impaigammun Jesus.

Revelation 12:4

Iwwasiwas ḵad ni dragon ipusna, niballu inḵaḵlun da bituwon ad langit atte luta. Pun tummaḵdog si sinagung ni bubai ye umaannaḵ ta ḵanona abengnae mibuḵnag.

Revelation 12:7

Pun binnumtaḵ gubat ad langit woḵ aḵ Michael ya da buḻunnae anghel, naḵagubatda'tte dragon ya da buḻunna bose anghel.

Revelation 12:9

Ḵad niballu'd luta daḵoḻe dragone nidoga da anghelna. Aḵ Satan sanae nampailae uḻog si awe. Siya nangallelaw atta tagu si intero we lubung.

Revelation 13:1

Pune sadi, innilaḵ ḵaog-ogyate ayame tummoḵwaḻe naḻpu si baybay. Pitu uḻuna ya simpuḻu sakkudna. Naamin nakoronaan da sakkudna ḵad nigili si sin-ossaossae uḻuna angngadanda ḵan Apudyus.

Revelation 13:2

Sa ḵatollongana ḵad isun di leopard yaḵon sa suḵina isuna suḵin ni de bear. Sa sungadna ḵad, isunan sungad di lion. Innatod ni dragon atte ḵaog-ogyate ayam ḵabooḻana ḵan tronona ya sa daḵoḻe ḵaḻabbonganae ampangat.

Revelation 13:4

Pun nandaydayawda si dragon te innatodna ḵaḻabbongana'tte ḵaog-ogyate ayam woḵ nandaydayawda bos atte sadi ye ḵaog-ogyate ayame ḵananda, “Ngai nin ay miyisu si annae ḵaog-ogyate ayam? Ngai nin ay ḵallamog angngog ḵan siya?”

Revelation 15:1

Naabus ḵad, innilaḵ sabali ye ampatog ya nakaskasdaawe sinyal ad langit. Inggaw da pitu we anghel we nitaḻgod ḵan dida pitu we ampaḵaḻaman. Sana anungus da ampaḵaḻaman te sana migangputan da dusae impaidatong Apudyus ad luta gapu'tte sangana.

Revelation 16:13

Naabus ḵad, innilaḵ da tuḻu we aḻane isudan ḵatollongan di tuḵaḵ, sa osa ḵad naḻpu si sungad ni dragon, naḻpu osa si sungad ni ḵaog-ogyate ayam ya sa osa ḵad os naḻpu si sungad ni sinan profeta.

Revelation 17:12

“Sa simpuḻu ḵade sakkude innilam, dida da simpuḻu we ari ye daandapun ampangat yaḵon maatod ḵan dida ḵaḻabbongandae midoga ampangat atte ampangatan ni ḵaog-ogyate ayam aḵ sin-orasan.

Revelation 17:16

Sa sanae ḵaog-ogyate ayam ya da simpuḻu we sakkudna, amod de sangada si puta. Aḻanda losan da ḵuḵuwana ḵad bodanganda bos. Ḵad ḵanonda bos bogas ni long-agna ya soggonda mabun-an.

Revelation 17:7

Yaḵon ḵanan ni anghel ḵan saḵon, “Ngaipaḵa mataag? Ibagaḵ ḵan siḵae adipun maigammu piona ḵanan sadi ye bubai ya sa ḵaog-ogyate ayame nangabayuwanae pitu uḻuna ya simpuḻu sakkudna.

Revelation 19:12

Sa atana ḵad, isunan gumilgillayabe apuy ya sa uḻuna ḵad, nabaḻangatan atta adu we korona. Ḵad nigili bos ḵan siya ngadanna yaḵon siya abus aḵ angigammu si piona ḵanan.

Revelation 20:2

Pun dinoḵmaana dragone sa nampailae isun di uḻog atte awe ya sa nangngadan os aḵ Satan. Ḵinawadana woḵ imballuna'tte abute ippun patinggan ni ḵaadaḻomna. Naabus ḵad, intuḻbiḵna sawangna ya pinaḵotana'tte maḻḵa ta sinyale adipun maḵwae mabuḵtan ta ippun ogon inonae angallelaw atta tagu'tta ḵinailin di ili inggana'ḵ magangput sillibu we tawon. Maabus ḵad, ḵasapuḻane mapuḵayan ḵasin yaḵon abuse sin-aḵitan.