Revelation 12:12 - Sa Ugud Apudyus

¹² Pun ad langit ya diḵayu losane awad sidi anggangganas ḵayu, yaḵon ḵaddagu ḵayu we awad ad luta ya sa baybay. Te nan-osog aḵ Satan si igawyu ḵad amod de sangana te inigammunae aḵit daan si timpuna.”

Revelation 12:12 ပူးပေါင်းရင်းမြစ်များ

Luke 15:10

Ḵanan Jesus we nangiyanungus, “Annaya ibagaḵ ḵan diḵayu, ḵatti bos gangganas ni bubai si nangdasana si nataḻaḵe palatana, anggangganas aḵ Apudyus ya da anghelna nu awad ambabawi'tta basuḻna ya agaynae angwa taḵon ay ossaane ḵabasbassuḻan.”

Luke 2:14

“Madaydayaw aḵ Apudyus ad langit. Anna lin-awa'tta tagu'd lutae mas-omana.”

Hebrews 10:37

Te ḵanan ni Ugud Apudyus, “Sin-aḵitane abus ya sa awade umali, dumatonge adipun mitantan.

2 Peter 3:8

Yaḵon annaya ḵasapuḻane adiyu maliwatan, ay-ayatoḵe buḻbuḻun. Sa ḵasomsomḵan Apudyus atte ḵaandun ni sin-aḻgawe abus, isuna sillibu we tawon ya sa sillibu we tawon isuna sin-aḻgaw.

Revelation 10:6

woḵ nansapata'tte ngadan Apudyus we matattagu'ḵ ingganae nangwa'tta langit, luta, baybay ya da losane awad ḵan dida. Ḵanana, “Naippun oḵyan ogon mitaḻyanan da maḵwa.

Revelation 11:10

Da adipun namati ye inggaw ad luta, anggayagayada ya an-asiatodda gapu si layadda'tte natoyan da annae duwae profetan Apudyus te dida gapun ni ampaḵaḻamanda.

Revelation 11:14

Nagangput ḵumagwae ampaḵimute ampaḵaḻaman. Sissiyae awad de ḵumaḵlu we madam-an dumatong.

Revelation 12:9

Ḵad niballu'd luta daḵoḻe dragone nidoga da anghelna. Aḵ Satan sanae nampailae uḻog si awe. Siya nangallelaw atta tagu si intero we lubung.

Revelation 13:6

Pun insaḻadnae nan-ugud aḵ misullagi ḵan Apudyus, misullagi si ngadanna ḵan inggawana ya da inggaw ad langit.

Revelation 18:20

“Diḵayu we awad ad langit, anggangganas ḵayu'tte nadadailana. Diḵayu we tagun Apudyus, da apostol ya da profetana, maganasan ḵayu bos te dinusan Apudyus sanae siyudad gapu'tta losane ḵingwana ḵan diḵayu.”

Revelation 8:13

Pun innilaḵ buḵawe antattayap ad ngatu we indangsoḻna ḵanane, “Ḵaddagu! Ḵaddagu! Ḵaddagu da losane inggaw ad luta nu anangguyub da tuḻu we nabun-ane anghel.”

Revelation 9:12

Nagangput ummunae ampaḵimute ampaḵaḻaman. Yaḵon awad de duwae daampun dumatong.