Revelation 12:1 - Sa Ugud Apudyus

¹ Pune sadi, nampaila nakaskasdaawe sinyal ad langit. Te nampaila bubai ye nasilupan atte isuna siling ni inite summisiḵad atte soḻag. Nakoronaan atta nasawaḻan aḵ duwae bituwon.

Revelation 12:1 ပူးပေါင်းရင်းမြစ်များ

Matthew 12:38

Pune sadi, da udum atta Pharisee ya da mimistulun ni lintog, ḵananda ḵan Jesus, “Mistulu, pionni ye angipailaḵa'ḵ nakaskasdaaw ḵan diḵani ta angigammuwanni nu naḻpu ḵan Apudyus ḵabooḻam.”

Matthew 24:30

Ḵade sadi, awad de maila'd langite sinyal ni madam-an umaliyaḵe Abeng Di Tagu ya da losane grupun da tagu sina'd luta umibilda gapu'tte ogyatda. Ḵad ilanda saḵone Abeng Di Tagu we umali ye midoga'tta libuu ya ilanda bos ummamdane ḵabooḻaḵ ya sa ummamdane ḵinapaddan ni ḵinaapudyusḵu.

Mark 13:25

Maottag da bituwone maḻpu'd langit ḵad miyugayug da losane awad ad langit.

Luke 21:11

Awad os da adu we ampaḵimute lunig, inggi ya saḵit atta adu we lugar. Awad os da ampaḵimut ya nakaskasdaawe sinyal ad langit.

Luke 21:25

Pinagatupan Jesus woḵ ḵanana, “Ḵad awad da nakaskasdaawe sinyale maḵwa'tte init, soḻag ya da bituwon. Ḵad da losane tagu si luta, magulu somsomoḵda ya amo masaliduduwanda gapu'tte andangsoḻe aguduud ni baybay ya sa tupiyaḵna.

John 3:29

Sa ḵasasaadḵu isuna buḻbuḻun ni ankasar we laḻaḵi. Ḵad taḵon ay nu daḵampun ḵan siya angikasar si bubai, amod de layadnae midoga si kasar te dongngona gingan ni buḻbuḻunna. Sadi isuna ḵan saḵone amoamod layadḵu sinsadi gapu ḵan Kristu.

Acts 2:19

Sa umali ye aḻgaw awad da ipailaḵe nakaskasdaaw ad langit ya da sinyal ad lutae daḻa ḵan apuy ya sa angal-alliwoḵe asuḵ.

Romans 13:14

Yaḵon sa ḵoon taḵu oḵyan, unudon taḵu ugalin Apu taḵu we Jesu Kristu ya adi taḵu oḵyan iyunud da pion da long-ag taḵu.

Romans 3:22

Aḵ Apudyus angwa'tta losane tagu'ḵ maun-unan mipagapu si pammatida ḵan Jesu Kristu. Te adimpun Apudyus laḵsigon ngaimane tagu.

2 Corinthians 11:2

Tuttuwae amo angimunaḵ ḵan diḵayu we isun os ni an-iimun Apudyus nu sabali unudonyu. Te isuyun babaḻasange ippun natnattoḵanae intuḻagḵu we miyasawa si os-ossaane laḻaḵi ye siya'ḵ Kristu.

Galatians 3:27

Gapu ta nabonyagan ḵayu'ḵ niyossaan ḵan Kristu, sinsadi annat ḵan diḵayu ugalin Kristu we isunan nansilupyu.

Galatians 4:26

Yaḵon sa bubai ye daḵampun aḵ musassu, mipani'tte baru we Jerusalem we siyudade inggawan Apudyus. Siya isun di ina taḵu losane namati.

Galatians 6:14

Yaḵon ḵan saḵon, ippun udum aḵ isḵaḻḵu, abus natoyan Jesu Kristu we Apu taḵu'tte kros te gapu si sanate natoyana, da patpatgon da tagu we adipun amati ippun patogda ḵan saḵon ya ippun os patogḵu ḵan dida.

Ephesians 5:32

Annat ampatog ḵan naadaḻome tuttudu we sa an-aawatḵu, sa nan-ossaanan da namati ya aḵ Jesu Kristu.

Revelation 1:20

Ḵaḵna nitataḻu we ḵapaoyan da pitu we bituwone innilam atte madawinane imaḵ ya da pitu we buḻawane sasap-aḻan da silaw. Da pitu we bituwon, dida da anghel we angayyuwan atta pitu we gimung da namati. Da pitu ḵade buḻawane sasap-aḻan da silaw, dida da pitu we gimung da namati.”

Revelation 11:19

Pun nabuḵatan templon Apudyus ad langit woḵ naila sidi mapatgane ḵasun ni tuḻag. Inninggaw da nanguliyatyate ḵilat ya sa andangsoḻe ḵiduḻ ya da udume aguduud ya sa lunig ya sa ummamdane daḻaḻu.

Revelation 12:3

Inninggaw os osae sinyal ad langite nampaila daḵodaḵoḻe dragone dilaag, pitu uḻunae losan nakoronaan ya sa sakkudnae simpuḻu.

Revelation 15:1

Naabus ḵad, innilaḵ sabali ye ampatog ya nakaskasdaawe sinyal ad langit. Inggaw da pitu we anghel we nitaḻgod ḵan dida pitu we ampaḵaḻaman. Sana anungus da ampaḵaḻaman te sana migangputan da dusae impaidatong Apudyus ad luta gapu'tte sangana.

Revelation 21:14

Sa pon-ad ḵad ni ḵabitin ni sadi ye siyudad, inggaw da nasawaḻan aḵ duwae danadanaḵḵoḻe batu ḵad sa sin-ossae batu nasin-ossa nigili ngadan da nasawaḻan aḵ duwae apostol ni Ubbu we Karnero.

Revelation 21:23

Sa paddan ni init ḵan soḻag, adipun os ḵasapuḻan te sa silaw ni siyudad, sa ḵinapaddan Apudyus ya sa Ubbu we Karnero.