Revelation 11:9 - Sa Ugud Apudyus

⁹ Tuḻun aḻgaw ya gogwae ilan da tagu we lumaus da ladag. Da sanae tagu, maḻpuda'tta losane ili ya da losane tribu ya da tagu we nansabasabali gingada ḵan naḻpuwanda. Ḵad adidapun iyunude milibonda.

Revelation 11:9 ပူးပေါင်းရင်းမြစ်များ

Matthew 7:2

Te sa inon ni anḵuḵuwisyu'tta udum, siya bos inon ni anḵuḵuwis Apudyus ḵan diḵayu. Nu umamdan inonyu we anguwis atta udum, umamdan os inon Apudyus we anguwis ḵan diḵayu.

Revelation 10:11

Inninggaw nangibaga ḵan saḵon ḵanane, “Ḵasapuḻane ḵasinnu ipadtu da maḵwa'tta ḵinailin di ili ya da grupun da tagu we nansabasabali gingada ḵan ḵublitda ya da arida.”

Revelation 11:11

Yaḵon maḻaḵpus ḵad tuḻun aḻgaw ya gogwa, sa angose maḻpu ḵan Apudyus we angitod atte biyag lumnoḵ ḵan dida ya summiḵadda. Ḵad amod de ogyat da angila ḵan dida.

Revelation 13:7

Niyunud ose maḵagubat atta tagun Apudyus ḵad oḻgona dida. Ḵad naittan aḵ ḵaḻabbongane ampangat atta losane ili ya da losane tribu ya da tagu we nansabasabali gingada ḵan naḻpuwanda.

Revelation 17:15

Pinagatupan ni anghel we nangibaga ḵan saḵon woḵ ḵanana, “Da tawwange innilame tummutuḵduwan ni puta, dida da amoamode tagu'tta losane ili ya da tagu we nansabasabali gingada ḵan naḻpuwanda.

Revelation 5:8

Innaḻana ḵad naḻuḵube ḵopel, ummoy losan da opate ḵingwam ya da duwampuḻu ya opate angipangpangu we nanalluḵu si sinagung ni Ubbu we Karnero. Sin-ossaossa ḵan dida nangdon aḵ arpae sa usarondae andayaw ya sa buḻawane maḻuḵunge napnu'tte incenso we luwaḻun da tagun Apudyus.

Revelation 5:9

Ḵanandae angiḵanḵanta'tta baru we ḵanta, “Siḵa ḵallabbong angaḻa si naḻuḵube ḵopel ya alloḵta'tte maḻḵa. Te napatoyḵa woḵ sa daḻam nanubutnu'tta tagu ta ambalindae tagun Apudyus. Ḵad maḻpuda'tta losane ili ya da losane tribu ya da tagu we nansabasabali gingada ḵan naḻpuwanda.