Revelation 11:8 - Sa Ugud Apudyus

⁸ ya anḵabadong da ladagda'tte ḵaḻsa'tte daḵodaḵoḻe siyudade nipattoḻan ni Apuda'tte kros we sadi mipani'd Sodom ya ad Egypt.

Revelation 11:8 ပူးပေါင်းရင်းမြစ်များ

Matthew 10:15

Ibagaḵ ḵan diḵayu ḵatuttuwaan, nu dumatong anguwisan Apudyus atta losane tagu, nadagdagson dusan da tagu si sadi ye ili nu sa dusan da iSodom ḵan iGomorrah.”

Acts 9:4

Pun naottag woḵ dingngoḻna gingae ḵanana ḵan siya, “Saul, Saul, ngaipam saḵon ampaḵaḻamon?”

Hebrews 13:12

Ḵad isuna bos naḵwa ḵan Jesus we natoy atte lasin ni ili ta papoḻḵasona da tagu'tta basuḻda mipagapu'tte mismu we daḻana.

Hebrews 6:6

Gapu ta nan-awidanda da pammatida, adipun paat maḵwae ambabawida'tta basuḻda ya agaydae angwa te isun di impattoḻda ḵasin Abeng Apudyus atte kros ya imbabbainda si sinagung da adu we tagu.

2 Peter 2:6

Dinusan os Apudyus da siyudad ad Sodom ḵan Gomorrah. Te singgobna da tagu ya da ilida inggana'ḵ dummapuḻda ya nambalinona dida'ḵ ampaniyan da adipun amati ḵan siya.

Jude 1:7

Isun os ni naḵwa'tta ummili'd Sodom ḵan Gomorrah ya da nampaliḵwose ili. Naḵabasuḻda ḵad atte dagdagas ya da losane pipion da long-agda, singgob Apudyus dida ya da ilida. Pun sadi oḵyan angipaila ḵan ditaḵu we dusaon Apudyus da adipun amati si apuye ippun maḵdopana'ḵ inggana.

Revelation 11:13

Sa sadi ye oras, inggaw os ummamdane lunige anadail atte ḵasimpuḻun ni sadi ye siyudad woḵ sadi nanḵaḵatoyan da pitullibu we tagu. Pun ummogyat da nabun-an woḵ andayawda'tte ḵinangatun Apudyus we awad ad langit.

Revelation 11:9

Tuḻun aḻgaw ya gogwae ilan da tagu we lumaus da ladag. Da sanae tagu, maḻpuda'tta losane ili ya da losane tribu ya da tagu we nansabasabali gingada ḵan naḻpuwanda. Ḵad adidapun iyunude milibonda.

Revelation 14:20

Pune sadi, naasot da binuḻasanae grape atte aassotane awad atte lasin ni siyudad. Pun nan-ayus daḻae naḻpu si aassotan da de grape atte tuḻunggasut ya duwampuḻu we kilomitro ḵaanduna ya ḵigad atte bagang ni ḵabayu ḵaadaḻomna.

Revelation 14:8

Pun nipasani gumminga osae anghel woḵ ḵanana, “Nadadail! Nadadail nandindinamage siyudad ad Babylon. Da ummili sidi, binartekda da tagu'tta losane ili'tte ampigsae bayasda, piona ugudone inawisda didae umunud atta ḵaissawe ugalida.”

Revelation 16:19

Nanḵaḵlu nandindinamage siyudad ḵad losane siyudad atta ili'd luta naaminda nadadail. Pun tuttuwae adimpun Apudyus naliwatane nanusa'tta ummili si daḵoḻe siyudad ad Babylon yaḵon impainumna ḵan dida innamin bayase siya mipaniyan ni ḵaog-ogyate dusae naḻpu si sangana.

Revelation 17:1

Naabus ḵad, ummadani ḵan saḵon osa'tta pitu we anghel we aangdon atta pitu we maḻuḵung woḵ ḵanana ḵan saḵon, “Umaliḵa ta ipailaḵ dusan ni nandindinamage putae tummuḵdu si igaw ni adu we tawwang.

Revelation 17:5

Sa ngadanna ḵade nigili'tte ḵidayna, adipun maigammu piona ḵanan. Ḵanana, “Babylon we nandindinamage inan da puta ya maḻpuwan da losane ḵaissawe naḵwa'd luta.”

Revelation 18:10

Gapu si ogyatdae midoga ḵan siya si dusana, tumaḵdogda'tte adayu ya ḵananda, “Ḵaddaguḵa! Aman aḵay siyudad ad Babylon we nandindinamag ḵinabaḵnangna ḵan ḵabooḻana! Te sa sin-orasan, nadanatong dusana woḵ nadadail!”

Revelation 18:18

ya oottaponda asuḵe maḻpu si nasgobe siyudad. Sa an-oottapanda ḵad, ḵanandae nangidangsoḻ, “Naippun paat miyisuwan ni sanae nandindinamage siyudad!”

Revelation 18:2

Ḵananae nangiyipḵaw, “Nadadail! Nadadail nandindinamage siyudad ad Babylon. Nambaline inggawan da dimunyu ya losane kalasin da aḻan. Ḵad losane kalasin di ayam ḵan sissiwite mibelange ḵaissaw, sidi inggawanda ḵan sumuḵbutanda.

Revelation 18:21

Pun inggaw anḵosdoḵosdoḻe anghel we nangoppat si daḵodaḵoḻane batu woḵ imbintugna si baybay, ḵanana, “Ḵaḵna maḵwa'tte nandindinamage siyudad ad Babylon te madadaile ustuustu ya adipun ogon mipaḻ-og.

Revelation 18:24

Sa sanae siyudad ad Babylon pummoy-asan da daḻan da profeta ya da udume taguna. Losane nagongat ad luta, pummoy-as daḻada si sanate siyudad.”