Revelation 11:18 - Sa Ugud Apudyus

¹⁸ Da sumusullagi ḵan siḵa, amod de ansasangada yaḵon sinsadi dummatong timpu we sumang-am ya dusaom dida, te sana timpu we anguwisam atta losane nanḵaḵatoy. Ḵad sinsadi bos timpu we gungunaam da sammilume da profetam ya da losane tagume angisipog ḵan siḵa, da nababa ya da nangangatu. Ḵad dadailom os da nanadail atta tagu'd luta.”

Revelation 11:18 ပူးပေါင်းရင်းမြစ်များ

Matthew 5:12

Amo allaylayad ḵayu te daḵodaḵoḻ gungunayu'd langit. Te da sadi ye ḵoonda iissuna da ḵingwan da tagu we namaḵapaḵaḻam atta profeta si awe.”

Luke 1:50

Siyae ḵumadagu'tta angisipog ḵan siya. Siya pasige ḵumadagu atta tagu'tte losane timpu.

Hebrews 9:27

Niḵoddonge amingsan tagu matoy, magangput ḵad, maḵuwis ḵan Apudyus.

Revelation 10:7

Te sa timpu we anangguyub ḵumapitu we anghel, mituttuwa nilimode planun Apudyus we sa imbagana'tta profetanae an-uuggudonae nanserserbi ḵan siya.”

Revelation 11:2

Yaḵon adim isongon paway atte lasin ni templo te naitod atta Gentil ta oḻgonda ḵan ipangatanda siyudad Apudyus si opatpuḻu ya duwae buḻan.

Revelation 13:10

Da niḵoddonge mibaḻud, aaddi ye mibaḻudda ḵad da niḵoddonge mapatoy si ispada, aaddi ye mapatoyda si ispada. Pun ḵasapuḻane da tagun Apudyus attomanda da losane ampaḵaḻamanda ya ipapatida da pammatida.

Revelation 13:16

Impatut os ni sanae ḵumagwae ayame nammaḻḵa'tta losane tagu'tta madawinane imada baḵon nu da ḵidayda. Taḵon ay da nangatu we tagu ya da ḵamḵama, da babaḵnang ya da ḵaḵapus, da musassu ya da daḵampun aḵ musassu, impatutnae mamaḻḵaanda.

Revelation 14:10

uminumda bos si ampigsae bayas Apudyus we adipun naḵamsan. Sa piona ḵanan mapadasda ummamdane andudusan Apudyus we ippun ḵadaguna te ummamdan sangana. Ḵad ampaḵaḻamda'tte gumilgillayabe apuy ya sa sulfur atte antotollong da anghelna ya sa Ubbu we Karnero.

Revelation 15:1

Naabus ḵad, innilaḵ sabali ye ampatog ya nakaskasdaawe sinyal ad langit. Inggaw da pitu we anghel we nitaḻgod ḵan dida pitu we ampaḵaḻaman. Sana anungus da ampaḵaḻaman te sana migangputan da dusae impaidatong Apudyus ad luta gapu'tte sangana.

Revelation 15:7

Pun sa osa'tta opate matattagu we ḵingwam, iwwaḻasna'tta pitu we anghel da pitu we maḻuḵunge buḻawane napnuda'tte sangan Apudyus we matattagu'ḵ inggana.

Revelation 18:6

Pun da losane ḵingwanae namaḵaḻam atta tagu, maḵwa bos ḵan siya. Ḵad masubbat aḵ amigwa da ḵingwanae, nu sintasa impainumnae bayas atta tagu, duwan tasa subbatna.

Revelation 19:15

Sa nangadanan aḵ Ugud Apudyus, awad ḵan siya antadome ispadae maḻpu si sungadnae siya usaronae angngog atta ḵinailin di ili. Sa angipangatana ḵan dida, usarona bastune ḵaga ya dusaonae ustu da ngaimane adi amigbig si ḵaḻabbongana. Ipailana ampaḵimute sangan ni maḵabooḻe Apudyus atta basuḻ. Te sa anusaana ḵad ḵan dida, isuna angasotan ni tagu'tta de grape atte aassotan ta mapospos baḻatda.

Revelation 19:18

Umali ḵayu ta inḵayu ḵanon da long-ag da ari, da suḻdadu ya da pangatda, da ḵabayu ya da nangabayu ya da losane tagu we nangidiyan ḵan Apudyus, musassu baḵon nu daḵampun, nangatu baḵon nu nababa.”

Revelation 19:5

Pune sadi dingngoḻḵu gingae naḻpu si trono we ḵanana, “Idayawyu Apudyus taḵu, losan ḵayu we anserbi ya angisipog ḵan siya, nangatu man baḵon nu nababa.”

Revelation 20:12

Innilaḵ os da natoye nangatu ya nababae summisiḵadda'tte sinagung ni trono. Inninggaw da naḻpu'd Hades we igaw da nanḵaḵatoy ya da nanḵaḵatoy atte baybay. Pun nabuḵyag iblu we nigiliyan da ngadan da awad da biyagda'ḵ inggana. Nabuḵyag os da iblu we nigiliyan da losane ḵingwan da tagu woḵ naḵuwis da sin-ossaossa sigun atta ḵingwadae nigili'tta annae iblu.

Revelation 20:15

Ḵad ngaimane adipun nigili ngadanna'tte iblu we nigiliyan da ngadan da awad da biyagda'ḵ inggana, niballuda si igaw ni gumilgillayabe apuy ḵan sulfur.

Revelation 22:12

Ḵanan Jesus, “Dongngonyu anna. Madam-an umaliyaḵ. Ḵad nu umaliyaḵ, idatongḵu gungunae ittoḵ si sin-ossaossae sigun atta ḵingwana.