Revelation 1:11 - Sa Ugud Apudyus

¹¹ Ḵanana, “Igilim atte iblu da ilam ta idagasnu'tta pitu we gimung da namati'd Ephesus, Smyrna, Pergamum, Thyatira, Sardis, Philadelphia ya ad Laodicea.”

Revelation 1:11 ပူးပေါင်းရင်းမြစ်များ

Acts 16:14

Osa'tta nandongoḻ ḵan diḵani'ḵ Lydia we iThyatira we allaḵlaḵu'tta nanginginae sinnun ya andaydayaw ḵan Apudyus. Nandodongngoḻ ḵad, sinilawan Apu somsomoḵna woḵ namati.

Acts 18:24

Inninggaw Judyu we iyAlexandria we ummoy ad Ephesus we Apollos ngadanna. Allainge antuttudu ya adu bos inigammuna si mipanggob atte nigili ye Ugud Apudyus.

Acts 20:17

Pun sa inninggawanni'd Miletus, nambuun aḵ Paul aḵ umoy angayag atta angipangpangu'tta namati ye magimugimung ad Ephesus.

1 Corinthians 15:32

Nu daḵampun aḵ umuli da natoy, ngai gay lawa maganabḵu we sumangu'tta ḵumane tagu we isuḵ nin maḵapatoy atta ḵumane ayam sina'd Ephesus? Nu daḵampun aḵ umuli da natoy, adi un-unnoyna unudoḵ uuggudone ḵanana, “Angaangan taḵu ya uminuinum taḵu te appigat matoy taḵu.”

1 Corinthians 16:8

Yaḵon inggawaḵ yan sina'd Ephesus inggana'ḵ maḻaḵpus Gayagayani ye Judyu we ngannonni Pentecost.

Ephesians 1:1

Saḵon aḵ Paul we apostol Jesu Kristu mipagapu'tte pinion Apudyus. Annaya suḻatḵu ḵan diḵayu we tagun Apudyus ad Ephesus we ipapatidae amati ḵan Jesu Kristu.

Colossians 2:1

Te pioḵe ipaigammu we inniggaḵ ḵabooḻaḵe anḵewaaḻ para ḵan diḵayu we iColossae ya iLaodicea ya da losane daampun angila ḵan saḵon,

1 Timothy 1:3

Timothy, adim maliwatan imbagaḵ ḵan siḵa si ayonaḵ ad Macedonia. Ḵodawoḵ ḵan siḵae inggawḵa'd Ephesus ta bilinom da udume tagu sinat ta agaydae angituttudu si tinutuli ye tuttudu.

Revelation 1:17

Sa nangil-aḵ ḵan siya nisubuḵaḵ atte sinagungnae isun di natoy. Yaḵon inappadana saḵon si madawinane imana woḵ ḵanana, “Adiḵa maḵimut te saḵon ummuna ḵan anguddidi,

Revelation 1:19

Pun igilim da losane ipailaḵ ḵan siḵae maḵwa sinsadi ya da maḵwa'tte umali ye aḻgaw.

Revelation 1:2

Inggiliḵ da losane nipaila ḵan saḵon. Ḵad pinanoḵnoḵaḵe tuttuwa Ugud Apudyus ya da impaigammun Jesu Kristu.

Revelation 1:20

Ḵaḵna nitataḻu we ḵapaoyan da pitu we bituwone innilam atte madawinane imaḵ ya da pitu we buḻawane sasap-aḻan da silaw. Da pitu we bituwon, dida da anghel we angayyuwan atta pitu we gimung da namati. Da pitu ḵade buḻawane sasap-aḻan da silaw, dida da pitu we gimung da namati.”

Revelation 1:4

Annaya suḻatḵu'tta pitu we gimung da namati'tte probinsiya'd Asia. Awad oḵyan ḵan diḵayu ḵinabaḻu ḵan lin-awae maḻpu ḵan Apudyus we inninggaw si awe, iinggaw sinsana ya aḵ inggana. Naḻpu bos atta pitu we ispiritu we inggaw si sangun ni tronona.

Revelation 1:8

Ḵanan Apu we Apudyus, “Saḵon nangadanan aḵ Alpha ḵan Omega. Saḵon Apudyus we maḵabooḻ atta losane inninggaw si awe, iinggaw sinsana ya aḵ inggana.”

Revelation 10:4

Isaḻadḵu oḵyane angigili'tta imbagan da ḵiduḻ yaḵon dingngoḻḵu gingae naḻpu'd langite ḵanana, “Adim igili imbagan da pitu we ḵiduḻ. Ilimodnu dida.”

Revelation 14:13

Dingngoḻḵu bos gingae naḻpu'd langite ḵanana, “Igilim anna: Inggana sinsadi, pian da tagu we matoye niyossaan ḵan Apu Jesus.” Ḵanan ni Ispiritun Apudyus, “Tuttuwae pianda te maillonganda'tte ansigabe ḵewaaḻda ya magungunaanda gapu'tte ambaḻu we ḵingwada.”

Revelation 19:9

Pun ḵanan ni anghel ḵan saḵon, “Igilim anna: Pian da tagu we naayagan aḵ midoga maḵaḵan atte kasar ni Ubbu we Karnero.” Pun pinagatupana woḵ ḵanana, “Sana tuttuwae Ugud Apudyus.”

Revelation 2:1

Ḵanana, “Annaya isuḻatnu'tte anghel we angayyuwan atta namati ye magimugimung ad Ephesus, ‘Saḵon aangdon atta pitu we bituwon atte madawinane imaḵ ya anadtaddaḻan si gawan da pitu we buḻawane sasap-aḻan da silaw. Annaya ibagaḵ ḵan diḵayu.

Revelation 2:12

Ḵanana bos, “Annaya isuḻatnu'tte anghel we angayyuwan atta namati ye magimugimung ad Pergamum, ‘Saḵon aangdon si antadome ispadae nansupang ngaḻabna. Annaya ibagaḵ ḵan diḵayu.

Revelation 2:18

Ḵanana bos, “Annaya isuḻatnu'tte anghel we angayyuwan atta namati ye magimugimung ad Thyatira, ‘Saḵon Abeng Apudyus we isunan gumilgillayabe apuy atana ya isunan sumelape gambang da suḵina. Annaya ibagaḵ ḵan diḵayu.

Revelation 2:24

“ ‘Yaḵon diḵayu we udum ad Thyatira, adiḵayupun nampaidaḻan si annae lawwenge tuttuduna ya naippun inadaḻyu si ḵanandae naadaḻome tuttudun Satan. Pun adiḵpun ogon dog-an biline unudonyu.

Revelation 2:8

Ḵanana bos, “Annaya isuḻatnu'tte anghel we angayyuwan atta namati ye magimugimung ad Smyrna, ‘Saḵon ummuna ḵan anguddidi. Saḵon os natoy woḵ ummuli. Annaya ibagaḵ ḵan diḵayu.

Revelation 21:5

Pun ḵanan ni tummuḵdu'tte trono, “Ilam, pabaruwoḵ da losane awad.” Ḵanana bos ḵan saḵon, “Igilim da annae imbagaḵ te mataḻgodanda ya tuttuwada.”

Revelation 22:10

Pun pinagatupana woḵ ḵanana, “Adim ililimod mipanggob atta nipadtu we da nigili'tte annae iblu te madam-an mituttuwaanda.

Revelation 22:16

Ḵanana bos, “Saḵon aḵ Jesus we nangibuun si anghelḵu'ḵ anaḵdoḻ si ḵatuttuwaan da anna ḵan diḵayu ta ipaigammuyu'tta gimung da namati. Saḵon ganaḵ Ari David we nipadtu si awe ya nangadanan aḵ ambigattone sa ampigsa silawna.”

Revelation 3:1

Ḵanana bos, “Annaya isuḻatnu'tte anghel we angayyuwan atta namati ye magimugimung ad Sardis, ‘Saḵon aangdon atta pitu we Ispiritu Santu ya da pitu we bituwon. Annaya ibagaḵ ḵan diḵayu. Igammuḵ da ḵooḵoonyu, igammuḵe sa antotollong da tagu, ampigsa da pammatiyu yaḵon sa ḵatuttuwaan, natoy da pammatiyu.

Revelation 3:14

Ḵanana bos, “Annaya isuḻatnu'tte anghel we angayyuwan atta namati ye magimugimung ad Laodicea, ‘Saḵon nangadanan aḵ Amen te saḵon mataḻgodan ya tuttuwae anaḵdoḻ. Ḵad Saḵon os laplapun da losane ḵingwan Apudyus. Annaya ibagaḵ ḵan diḵayu.

Revelation 3:4

“ ‘Yaḵon annat da aḵit ḵan diḵayu'd Sardis we adipun nangwa'ḵ lawwenge isun di adipun naḵaissawan silupda. Sa umali ye aḻgaw, dida da maḵataddaḻan ḵan saḵone ansilup aḵ itaḵ te labbongda.

Revelation 3:7

Ḵanana bos, “Annaya isuḻatnu'tte anghel we angayyuwan atta namati ye magimugimung ad Philadelphia, ‘Saḵon abus aḵ gattoḵe nasantuwan ḵan ḵatuttuwaan. Saḵon aangdon si tuḻbiḵ Ari David we piona ḵanan, sa ḵaḻabbongan atte ampangatan Apudyus. Ngaimane iyunudḵu we lumnoḵ atte ampangataḵ, naippun maḵatupod. Ḵad ngaimane adiḵpun iyunud, tuttuwae adipun maḵaḻnoḵ! Annaya ibagaḵ ḵan diḵayu.