Philippians 4:21 - Sa Ugud Apudyus

²¹ Pakumustaoḵ da losane tagun Apudyus sinate da niyossaan ḵan Jesu Kristu. Da susunud taḵu ḵan Kristu we buḻunḵu sina, pakumustaonda bos diḵayu,

Philippians 4:21 ပူးပေါင်းရင်းမြစ်များ

Matthew 5:47

Ḵad nu abus ay da ḵailiyanyu'ḵ pionyu ḵaug-uggud, ngai nisabaliyanyu'tta udum? Taḵon ay da Gentil we adipun angigammu ḵan Apudyus ḵoonda bos ḵaḵna.

1 Corinthians 1:2

Ḵad annaya suḻatni ḵan diḵayu'tta magimugimunge namati ḵan Apudyus ad Corinth. Diḵayu da pinilina ya intotoḵḵonna'ḵ taguna gapu'tte niyossaananyu ḵan Jesu Kristu we nidoga da losane tagu'tta ḵinailin di ili ye anḵodaw aḵ ḵadagu ḵan Apuda ya Apu taḵu bos.

Galatians 1:2

Annaya suḻatḵu ḵan diḵayu'tta gimung da namati'tta ili'd Galatia. Da losane susunudḵu ḵan Kristu sinae namati, pakumustaonda bos diḵayu.

Galatians 2:3

Taḵon ay aḵ Titus we buḻunḵu we Gentil, adidapun impatute ampasogyat.

Ephesians 1:1

Saḵon aḵ Paul we apostol Jesu Kristu mipagapu'tte pinion Apudyus. Annaya suḻatḵu ḵan diḵayu we tagun Apudyus ad Ephesus we ipapatidae amati ḵan Jesu Kristu.

Philippians 1:1

Diḵani ḵan da Paul ya aḵ Timothy ye anserbi ḵan Jesu Kristu. Annaya suḻatni ḵan diḵayu losan sinat ad Philippi we tagun Apudyus gapu si niyossaananyu ḵan Jesu Kristu, midoga da angipangpangu ḵan diḵayu ya da deacon.

Philippians 4:7

Te nu ḵoonyu da sana, awad ḵan diḵayu lin-awae itton Apudyus we nakaskasdaawe adipun paat maḵwae maawatan ni somsomoḵ di tagu. Ḵad iissuna guwaḻdae anaḻaḵnib si ḵimut ḵan bimbinsawyu, gapu si midog-anyu ḵan Jesu Kristu.