Philippians 4:17 - Sa Ugud Apudyus

¹⁷ Yaḵon pioḵ ipaigammu ḵan diḵayu we siya singtoḵ madog-an oḵyan gungunayu, daḵampun atte ittonyu.

Philippians 4:17 ပူးပေါင်းရင်းမြစ်များ

John 15:16

Daḵampun aḵ diḵayu namili ḵan saḵon yaḵon saḵon namili ḵan diḵayu. Ḵad dinutuḵaḵ diḵayu'ḵ umoy amunga'ḵ adu ya annanayun oḵyan bungayu. Ta ngaimane ḵodawonyu ḵan Amaḵ mipagapu'tte ḵaḻabbongaḵ, ittona.

John 15:8

Nu amunga ḵayu'ḵ adu, sana midayawan Amaḵ ya sana amanoḵnoḵe diḵayu da disipuluḵ.

Romans 15:28

Ḵad nu gangputoḵ itton da annae nadagup, iyyaḵ ad Spain ya ansadangaḵ sinat.

2 Corinthians 11:16

Iḵasinḵu bos ibagae adiyu oḵyan ḵanane nadongdong-oganaḵ. Yaḵon nu siya ḵananyu, awatonaḵe osae nadong-og ta anusanyu dongngon nu ansoḵaḻaḵ os aḵ aḵit.

2 Corinthians 9:5

Pun simsimmoḵḵu we un-unnoyna gay paunaoḵ da susunud taḵu ḵan Kristu ta andaḵdaḵngonda da inkariyu we ittonyu. Ta dumatong ḵani ḵad, naḵasagana da badangyu. Ḵad sadi angipailae amod de ayatyu we angitode daḵampun aḵ napatut ḵayu.

Philippians 1:11

Gapu ḵan Jesu Kristu, adu da naun-unane banage ḵoonyu. Te nu ḵatti, dayawon da tagu'ḵ Apudyus ya bigbigonda ḵinabaḻuna.

Philippians 4:11

Daḵampun aḵ ibagaḵ sana gapu ta angkurang da ḵasapuḻaḵ. Te saḵon ḵad, pinaingsaḵe mat-op atte ngaimane ḵasasaadḵu.

1 Thessalonians 2:5

Iniiggammuyu we daḵampun paat aḵ nan-uḻ-uḻnug ḵani ya aḵ Apudyus anaḵdoḻe daḵampun paat aḵ an-ugud ḵani ta awad maganabni.

1 Timothy 3:3

Daḵampun aḵ bartekero, gumugulu yaḵon naanus, daḵampun aḵ subbogan ya daḵampun aḵ ḵamommod si pilaḵ.

1 Timothy 6:10

Te sa ḵamommod da tagu si pilaḵ, siya maḻpuwan da losane kalasin di lawweng. Ḵad gapu si ḵamommod, nan-awidan da udume tagu pammatida ḵan Apudyus, ḵad ampaḵaḻamda si adu we salidudun da somsomoḵda.

Titus 1:7

Sa gapuna oḵyane ambaḻu ugalina ippun mipabasuḻ ḵan siya. Siya angipangpangu'tte gimunge nitaḻgodan ni ḵewaaḻ Apudyus. Pun ḵasapuḻane adi ampasindayaw, adi allasu sumang-ana ya adi pasig mabartek. Adipun oḵyan os gumuggulu ya adipun ḵamommod atte pilaḵ.

Titus 3:14

Ilam os ta paingsaonda da doga taḵu'tte pammati ye angwa'tta ambaḻu ta badanganda da tuttuwae anḵasapuḻ ta ambaḻu ambanagan da biyagda.

Hebrews 6:10

Naun-unan aḵ Apudyus, adinapun maliwatan da ambaḻu we ḵingwayu ya sa ayatyu ḵan siyae impailayu si bummadanganyu'tta buḻunyu we tagun Apudyus ya sissiyae badanganyu dida.

1 Peter 5:2

Annaya da bilinḵu ḵan diḵayu. Ummanyu ayyuwanan da tagun Apudyus we intaḻgodna ḵan diḵayu we isudan karnero. Adi ḵayu oḵyan mapattupattut yaḵon allaylayad ḵayu oḵyane angayyuwan ḵan dida te sadi pinion Apudyus. Ḵoonyu ḵewaaḻyu we daḵampun aḵ gapu si angamgamanyu si pilaḵ yaḵon gapu si ayatyu we anserbi ḵan Apudyus ya da buḻunyu.

2 Peter 2:15

Nan-awidandae angwa'tta ambaḻu ya nalimuda. Inunudda ugalin Balaam we abeng Beor we naḵabasuḻ gapu'tte pipionae pabayad si ḵoonae lawweng.

2 Peter 2:3

Ḵad gapu si ḵamommodda, da sanae tagu tultulliyan diḵayu si nangnangwada'ḵ ug-uggud ḵad usaronda diḵayu ta angaḻ-anda'ḵ pilaḵda. Yaḵon nabayage naḵasagana dusada ya adipun masuyop anadail ḵan dida.

Jude 1:11

Ḵaddaguda te gattoḵe ampaḵimut dusada! Te unudonda lawwenge ugalin Cain, ḵad sa basuḻda isuna basuḻ Balaam we ḵamommod si pilaḵ ya sullagiyonda bos da angipangpangu ḵan didae isun ni ḵingwan Korah ḵan Moses atte awe. Gapu'tta ḵoḵoḵḵonda, madusada'ḵ ingganae isun ni dusan Korah.