Philippians 4:14 - Sa Ugud Apudyus

¹⁴ Yaḵon taḵon ay nu ḵatti, ambaḻu ḵingwayu we bummadang ḵan saḵon si timpu we nampaḵaḻamaḵ.

Philippians 4:14 ပူးပေါင်းရင်းမြစ်များ

Matthew 25:21

“Pun ḵanan ni Apuna, ‘Ḵingwam ambaḻu we ḵewaaḻ! Ambaḻuḵa ḵan mataḻgodanḵae sammilu. Gapu ta mataḻgodanḵa si aḵite intaḻgodḵu ḵan siḵa, iggaḵ siḵa'ḵ angayyuwan atta adu we banag. Awwaynu ta maḵagangganasḵa ḵan saḵon.’

Romans 15:27

Simsimmoḵdae bummadang. Sa ḵatuttuwaan, labbongnae badanganda da ḵapus ad Jerusalem ta milaḵ-am da Gentil atta naispirituwane bindisyun da Judyu ḵad labbongna bose anserbi da Gentil atta Judyu.

Galatians 6:6

Sa matuttuduwan atte Ugud Apudyus, ḵasapuḻan oḵyane ibillayana antuttudu ḵan siya'tta losane ambaḻu we awad ḵan siya.

Philippians 1:7

Ḵad ambaḻu bos nu ḵatti sosomkoḵ atte mipanggob ḵan diḵayu te ummamdan ayatḵu ḵan diḵayu. Ḵad nidoga ḵayu ḵan saḵone nangipadas si ḵinabaḻun Apudyus si inninggawaḵ atte babaḻḻudan ya siya bos naḵwa si dam-oḵ namanoḵnoḵan ya tinaḵdoḻaḵe tuttuwa Ambaḻu we Damag mipanggob ḵan Kristu.

Philippians 4:18

Sinsadi masawasawaḻ da ḵasapuḻaḵ te inawatḵu ḵan Epaphroditus da losane indagasyu. Ḵad da sanae indagasyu, isunan ambangu we midatun ḵan Apudyus we mat-opana ḵan lumayadana.

1 Timothy 6:18

Bilinom os dida ta ḵoonda da adu we ambaḻu we banag ta da adu we ambaḻu we ḵoonda isudan tuttuwae binaḵnang. Allaayda oḵyan ya ibillayanda da buḻunda.

Hebrews 10:33

Udumna ḵad insultuwonda ḵan ampaḵaḻamonda diḵayu'tte sinagung da adu we tagu. Sillaḻabi ḵad os, midoga ḵayu ampaḵaḻam atta buḻunyu.

Hebrews 10:34

Te ḵinadaguwanyu da buḻunyu we nibabaḻud. Ḵad taḵon ay nu sinamsamda da ḵuḵuwayu, inan-anusanyu ginangganas te mismu we igammuyu we awad de nabaḻbaḻu ya annanayune ḵuḵuwayu'd langit.

Hebrews 13:16

Adi taḵu maliwatane angwa'tta ambaḻu ya allaay taḵu we angitod atta anḵasapuḻ te ḵatti datune mas-oman Apudyus.

Revelation 1:9

Saḵon aḵ John we sunudyu ḵan Kristu ya buḻunyu we nangiyattome nampaḵaḻam gapu'tte niyossaanan taḵu ḵan Jesu Kristu si ampangatana. Gapu'tte nangiwaḻagawagaḵ si Ugud Apudyus ya sa namanoḵnoḵaḵ si mipanggob ḵan Jesus, naḵoddonganaḵ aḵ madusa woḵ inniyoyda saḵon ad Patmos, sa ban-oge ili ye niliḵwos ni baybay.