Philippians 3:18 - Sa Ugud Apudyus

¹⁸ Te adu da ḵabusuḻ Kristu we angngesnges-elanda natoyana'tte kros gapu'tta antataguda. Nangampigae imbagaḵ sana ḵan diḵayu si awe yaḵon iḵasinḵu ibagae sana ya maḵaluwaaḵ si somsomḵoḵ mipanggob ḵan dida.

Philippians 3:18 ပူးပေါင်းရင်းမြစ်များ

Luke 19:41

Madam-an ḵad da Jesus ad Jerusalem, innilana sanae siyudad woḵ naḵaibil gapu si daguna.

Acts 20:19

Nanserbiyaḵ ḵan Apu Jesus we napakumbaba. Ḵad naaḻuboy os luwaḵ si lawweng ni somsomoḵḵu gapu si namaḵapaḵaḻaman da dogaḵe Judyu ḵan saḵon te nan-uunudandae gongaton saḵon.

Romans 9:2

Ansigab somsomoḵḵu gapu'tta susunude ganaḵ Israel ya adiyaḵpun maḵaḵasḵasmoḵ.

1 Corinthians 1:18

Te sa damag mipanggob si natoyan Kristu atte kros, dinodong-og atta tagu we naḵoddongan aḵ madusa. Yaḵon ḵan ditaḵu we taguwon Apudyus, siya ḵabooḻan Apudyus we anagu ḵan ditaḵu.

1 Corinthians 6:9

Adiyupun ḵamman igammu we da angwa'ḵ lawweng adidapun gangganason da laḵsunda si midog-anda si ampangatan Apudyus? Adiyu allelawon da long-agyu te da angadaḻug atta daḵampun aḵ asawada, da andayaw atta sinan-apudyus, da laḻaḵi ye angadaḻug atta asillaḻaḵida ya da bubai ye angadaḻug atta asimbubaida, da maḵadagdagas ya da laḻaḵi ye mabayadan,

2 Corinthians 11:13

Te da annae tagu sinan apostolda, allelawonda da tagu'tta losane ḵoonda ḵad ipailadae isun di tuttuwae apostol Kristu dida.

2 Corinthians 11:29

Te nu ḵumuya osa, ḵumuyaaḵ os. Ḵad nu awad masulisug aḵ maḵabasuḻ, sumangaaḵ atte nanulisug.

2 Corinthians 2:4

Te sa sadi ye nanuḻataḵ ḵan diḵayu, lawwelawweng ḵan ansigab somsomoḵḵu woḵ nantodtod luwaḵ. Yaḵon adiḵpun insuḻat sadi ta pioḵe paḻawengon somsomoḵyu yaḵon nanuḻataḵ ta ipaigammuḵ amode ayatḵu ḵan diḵayu.

Galatians 1:7

Sa ḵatuttuwaan, ippun udum aḵ Ambaḻu we Damag yaḵon ibagaḵ anna te awad da udume angulu'tta somsomoḵyu ya padpadasonda baliḵtadon Ambaḻu we Damag mipanggob ḵan Kristu.

Galatians 2:14

Yaḵon innilaḵ sumullagi si ḵatuttuwaan ni Ambaḻu we Damag we ḵoonda, ḵanaḵ ḵan Peter si sinagung da losan, “Taḵon ay nu Judyuḵa, nalligligammuḵa si udume ugalin da Judyu we isun di daḵanḵapun aḵ Judyu. Ḵad nu ḵingwam ḵatti, ngaipam os ay ipatut paunud atta Gentil ugali taḵu?”

Galatians 2:21

Adiḵpun idiyan ḵinabaḻun Apudyus. Nu maun-unan tagu si sinagung Apudyus gapu'tte anuttuwaana'tte lintog, naippun ain anun ni natoyan Kristu!

Galatians 5:21

An-aḵ-apaḻda, ambarbartekda, maḵaḵwada'tta mapatuḻ-ayane laylayad ya da udume isun da sana. Imbagabagaḵ ḵan diḵayu si awe ya anna bose ibagaḵe da angwa'tta isun da anna, adidapun gangganason da laḵsunda si midog-anda si ampangatan Apudyus.

Galatians 6:12

Da angipatute ampasogyat ḵayu, dida da maḻyad angipaila si ḵinabaḻuda'tte antotollong da tagu. Ipatutda sadi te adidapun pione ampaḵaḻamda. Te igammudae nu ituttududae umanay natoyan Kristu'tte kros, ampaḵaḻamon da buḻunda dida.

Galatians 6:14

Yaḵon ḵan saḵon, ippun udum aḵ isḵaḻḵu, abus natoyan Jesu Kristu we Apu taḵu'tte kros te gapu si sanate natoyana, da patpatgon da tagu we adipun amati ippun patogda ḵan saḵon ya ippun os patogḵu ḵan dida.

Ephesians 4:17

Pun gapu si ḵaḻabbongane innatod Apu ḵan saḵon, ipatutḵu we adi taḵu oḵyan mabiyage isun da tagu we adipun amati ḵan Apudyus te ippun anun da somsomoḵda.

Philippians 1:4

Te inggan ni nangisaḻdanyu we namati inggana sinsana, binadanganaḵ si ḵewaaḻḵu we angipaigammu si Ambaḻu we Damag. Pun pasige amod de layadḵu we angiluwaḻu ḵan diḵayu losan.

1 Thessalonians 4:6

Ḵasapuḻane ippun oḵyan bumasuḻ ḵan diḵayu baḵon nu angallelaw si sunudna ḵan Kristu mipagapu'tte ḵaḵnae gunay te aaddi ye aḵ Apu bumaḻos atta ngaimane angwa'tte ḵatti. Sana da imbilibilinni ḵan diḵayu.

2 Thessalonians 3:11

Ibagani anna te dingngoḻni ye awad ḵanu da udum ḵan diḵayu we baduuḻe anḵewaaḻ yaḵon siya ampawotanda bumiyangda'tta ḵoon da buḻunda.

2 Peter 2:10

Sindumallu dusan da angunud atta pipionda ya adidapun bigbigon ḵaḻabbongan Apudyus. Da sadi ye angituttudu si daḵampun aḵ tuttuwa, antuḻoddae angwa'tta lawweng ya ipatutda pipionda. Adidapun os maḵimute an-ugud aḵ lawweng mipanggob atta madaydayawe anghel.

Jude 1:13

Mipanida bos si daḵoḻe tupiyaḵ atte baybaye itupitupiyaḵna itoḵwaḻ da ḵaissawe taḻbutab da ḵababbaine ḵoḵoḵḵonda. Isuda bos da bituwon ad langite ansayasayape nalimuda si ustu we aayyonda. Pun sana gapunae insaganan Apudyus ḵagiḵbotane inggawanda'ḵ inggana.