Philippians 3:15 - Sa Ugud Apudyus

¹⁵ Ḵatti oḵyan sosomḵon taḵu losane nanaḵman si pammati. Yaḵon nu awad nisabali somsomoḵna ḵan diḵayu, aḵ Apudyus angipaigammu ḵan siya si ustu.

Philippians 3:15 ပူးပေါင်းရင်းမြစ်များ

Matthew 5:48

Pun ḵasapuḻane ippun angkuranganyu we isun Apudyus we Amayu'd langite ippun angkurangana.”

Luke 11:13

Pun diḵayu we ḵabasbassuḻan, igammuyu we angitod si ambaḻu'tta abengyu, maguḻaman aḵ Amayu'd langit adina itton Ispiritu Santu atta anḵodaw ḵan siya?” Sana mungimung ni tutttudun Jesus mipanggob atte luwaḻu.

John 6:45

Te ḵanan ni inggilin da profeta si awe, ‘Tuttuduwan Apudyus da losane tagu.’ Ḵad ngaimane andongoḻ ya an-adaḻ ḵan Amaḵ, dida da umali ḵan saḵon.

John 7:17

Ngaimane pionae angwa'tta pinion Apudyus, igammuwona nu maḻpu ḵan Apudyus da tuttuduḵ baḵon nu maḻpu si mismu we ḵaḻabbongaḵ.

Romans 15:1

Ditaḵu we ampigsa da pammati taḵu, ḵasapuḻane anusan taḵu da anḵuya da pammatida. Daḵampun aḵ abus bumaḻuwan taḵu'ḵ somsomḵon taḵu.

1 Corinthians 14:20

Susunudḵu ḵan Kristu, daḵampun oḵyan aḵ inaabbeng ansosomsomoḵyu. Yaḵon isuyu oḵyan uttinge ippun igammuna si lawweng ya sa mipanggob ḵan Apudyus, isuyu oḵyan ansosomsomoḵ ni naangsan.

1 Corinthians 2:6

Yaḵon awad de ḵinalainge ituttuduni'tta naangsan si pammati, daḵampun aḵ naḻpu'tte ḵinalaing da tagu si sanae timpu ya ḵinalaing da pangat si sanae timpu we amungtu ḵabooḻanda.

Galatians 5:10

Antaḻgodaḵ ḵan Apu we adiyupun patiyon daḵampun aḵ tuttuwae tuttudu. Dusaon Apudyus alliwong ḵan diḵayu taḵon ay ngai ḵasasaadna.

Ephesians 1:17

Ḵad ḵodaḵodawoḵ si madaydayawe Ama taḵu we Apudyus ḵan aman Apu taḵu we Jesu Kristu mipagapu si Ispiritu Santu we ittona oḵyan ḵan diḵayu ḵinalaing ḵan ipaigammuna mipanggob ḵan siya.

Colossians 1:28

Iwaḻagawagni'ḵ Kristu atta losane tagu we usaronni losane laingni ye amagbaga ya angituttudu'tta losane tagu ta da pammatida ippun oḵyan kurangna'tte antotollong Apudyus yaḵon amo maangsanda'tte niyossaananda ḵan Kristu.

Colossians 4:12

Aḵ Epaphras ḵad, osae kagrupuwanyu we angipapuute anserbi ḵan Jesu Kristu, pakumustaona bos diḵayu ya ipapatina iluwaḻuwan diḵayu ta pumigsa da pammatiyu, ta adi ḵayu anduwaduwae angunud si pinion Apudyus.

1 Thessalonians 4:9

Yaḵon sa mipanggob si ayat atta sunud si pammati, naippun ibagani te aḵ Apudyus we mismu nanuttudu ḵan diḵayu'tte inonyu we an-asiayat.

2 Timothy 3:17

ta ippun angkurangan taḵu we anserbi ḵan Apudyus yaḵon naḵasagana taḵu we angwa'tta losane kalasin di ambaḻu.

Hebrews 5:14

Yaḵon da namati ye maḵaawat atte naadaḻome tuttudu'tte Ugud Apudyus, isuda da nanaḵmane tagu we ḵanonda anḵosdoḻ. Te lamogda imatunan ambaḻu ḵan lawweng.

1 John 2:5

Yaḵon ngaimane anuttuwa'tte Ugud Apudyus, tuttuwae ippun angkurangan ni ayatna ḵan siya. Ḵad ngaimane ḵananae iinggaw ḵan Apudyus, ḵasapuḻane unudona ugalin Jesu Kristu. Ḵad nu ḵoon taḵu ḵatti, sanat angigammuwan taḵu we iinggaw taḵu ḵan Apudyus.