Philippians 3:10 - Sa Ugud Apudyus

¹⁰ Pioḵ da sana ta igammuwoḵ aḵ Kristu we ustu ya sa ḵabooḻan ni ummuliyana. Ḵad daḵampun aḵ abus sadi, padasoḵ oḵyan ose ampaḵaḻam ya miyisuwaḵ ḵan siya si natoyana

Philippians 3:10 ပူးပေါင်းရင်းမြစ်များ

Matthew 20:23

Ḵanan Jesus ḵan dida, “Tuttuwae lamogyu maanusane ampaḵaḻame isuḵ. Yaḵon naippun ḵaḻabbongaḵe ampili nu ngai da tumuḵdu si madawinanḵu ḵan madawigiḵ te da annae saad insaganan Amaḵ atta nagangpute pinilina.”

John 10:18

Naippun paat maḵaaḻa'tte biyagḵu yaḵon sipupusuwaḵe angitod. Anna ḵabooḻaḵe angitod atte biyagḵu ya anna bos ḵabooḻaḵe amauli. Sa imbilin Amaḵ, ḵasapuḻane ḵooḵ.”

John 17:3

Ḵad sana biyag aḵ inggana, siya angigammuwandae siḵa abus aḵ tuttuwae Apudyus ya saḵon aḵ Jesu Kristu we imbuunnu.

Romans 8:17

Ḵad gapu ta abeng Apudyus ditaḵu, maḵatawid taḵu'tta ipaḻaḵsun Apudyus atta taguna ḵad maḵatawid taḵu'tta impatawidna ḵan Kristu. Nu midoga taḵu si ampaḵaḻaman Kristu, midoga taḵu bos si madayawana.

Romans 8:29

Te da pinilin Apudyus misaḻad atte laplapu, inunana dida dinutuḵan aḵ ambalin aḵ isun Jesu Kristu we Abengna ta aḵ Jesus nambalin aḵ panguḻu'tta adu we susunud ḵan Kristu.

Romans 8:36

Te sa ḵanan ni nigili ye Ugud Apudyus, “Gapu ḵan siḵa Apu, pasige sasagganaonni ḵatoy ḵad isunin karnero we madam-an misida.”

2 Corinthians 1:10

Ḵad tuttuwae siya nangiligsi ḵan diḵani'tte ḵaog-ogyate ḵatoy ḵad igammuni ye pagatupana iligsi diḵani. Siya bos namnamaonni ye angiligsi ḵan diḵani.

2 Corinthians 1:5

Te sa ḵaadun da ampaḵaḻamanni ye isun ni nampaḵaḻaman Kristu, ḵaḵnat os isun ni amapigsaan Apudyus atta pammatini mipagapu ḵan Kristu.

2 Corinthians 13:4

Te taḵon ay nu awad osa'ḵ ḵananae anḵuya'ḵ Kristu atte natoyana'tte kros, matattagu gapu'tte ḵabooḻan Apudyus. Pun isuna bos ḵan diḵani ye isunin anḵuya gapu si niyossaananni ḵan Kristu yaḵon nu mipanggob si ḵoonni ḵan diḵayu, ipailani ḵabooḻanae naḻpu ḵan Apudyus gapu si maḵabuḻbuḻunanni ḵan Kristu atte matattaguwana.

Galatians 2:20

Te mibelange naḵaḵatoyaḵ ḵan Kristu atte kros. Pun sinsadi, daḵampun ogon aḵ saḵon matattagu yaḵon aḵ Kristu we anna ḵan saḵon. Sa biyagḵu sinsadi, matattaguwaḵ si pammati atte Abeng Apudyus we nangayat ḵan saḵon ya nangitod si biyagna gapu ḵan saḵon.

Galatians 6:17

Inggana sinsadi, ippun oḵyan pos ogon amaḵaḻam ḵan saḵon gapu'tte nangituttuduwaḵ si mipanggob atte kros te sa long-agḵu we napillapillatan, sana angipailae tuttuwae nanserbiyaḵ ḵan Jesus.

Ephesians 4:13

inggana'ḵ an-ossaan pammati taḵu ya madog-an an-aawat taḵu ḵan ambubuḻunan taḵu ḵan Kristu we Abeng Apudyus. Ḵad ambalin taḵu'ḵ naangsan si pammati ya sa ugali taḵu miyisu si ḵabaḻun ni ugalin Kristu we naippun nangkurangana.

Philippians 3:8

Ḵad daḵampun aḵ abus sadi, ibelangḵu we ippun pulus anun da losan nu iyisuḵ si nangigammuwaḵ ḵan Jesu Kristu we Apuḵ te napatpatog aḵ adayu nu da ngaiman. Para ḵan siya, imballuḵ losan da sadi ya ibelangḵu we dimoḵda ta maḵwae ganaboḵ maḵabuḻbuḻunaḵ ḵan Kristu,

Colossians 1:24

Sinsadi allaylayadaḵ atta ampaḵaḻamaḵ te igammuḵe bumaḻuwanyu te da sanae ampaḵaḻamaḵ dogan ni ampaḵaḻamane nilaḵ-am Kristu para'tta losane namati ye isun di long-agna.

Colossians 2:13

Sa naḻaḵpuse aḻgaw, isun di natoy ḵayu si mipanggob ḵan Apudyus gapu'tta basuḻyu ya gapu ta diḵayu we Gentil naippun igammuyu si mipanggob atte Lintog Apudyus. Yaḵon sinsadi, indogan Apudyus diḵayu'tte baru we biyage innatodna ḵan Kristu te pinakawanna da losane basuḻ taḵu.

Colossians 3:1

Gapu ta nidoga ḵayu si ummuliyan Kristu, singtonyu da banage awad ad langit si igaw Kristu we tutuḵdu si madawinan Apudyus we maḵapangat ḵan siya.

1 Peter 1:3

Madaydayaw aḵ Apudyus we sa Apudyus ya Aman Jesu Kristu we Apu taḵu. Gapu si amode ḵadaguna, niyanaḵ taḵu ḵasin te innatodna ḵan ditaḵu baru we biyag mipagapu si ummuliyan Jesu Kristu. Pun awad de namnamaon taḵu we aaddi ye mituttuwa,

2 Peter 1:13

Sa ḵasomsomḵaḵ, ustu ipaspasmoḵḵu ḵan diḵayu da sana si sissiyae matattaguwaḵ.

1 John 2:3

Nu tuttuwaon taḵu da bilin, naippun duwaduwanae igammu taḵu'ḵ Apudyus.

1 John 2:5

Yaḵon ngaimane anuttuwa'tte Ugud Apudyus, tuttuwae ippun angkurangan ni ayatna ḵan siya. Ḵad ngaimane ḵananae iinggaw ḵan Apudyus, ḵasapuḻane unudona ugalin Jesu Kristu. Ḵad nu ḵoon taḵu ḵatti, sanat angigammuwan taḵu we iinggaw taḵu ḵan Apudyus.

Revelation 1:18

ya saḵon matattagu. Natoyaḵ yaḵon ilam ḵad saḵon, matataguwaḵ aḵ inggana. Saḵon os asi ḵigad atte ḵatoy ya anna ḵan saḵon tuḻbiḵe amuḵat ad Hades we igaw da natoy.