Philippians 2:29 - Sa Ugud Apudyus

²⁹ Pun amod oḵyan layadyu we amadatong ḵan siya te nibelange sinusunnud taḵu gapu si niyossaanana ḵan Apu. Da tagu we isun Epaphroditus bagaynae mapatganda,

Philippians 2:29 ပူးပေါင်းရင်းမြစ်များ

Luke 9:5

Nu awad ili'ḵ ayanyu ya adidapun diḵayu mangiliyon, tenanyu. Ḵad nu inḵayun, ipaḻpagyu da gabu'tta dapanyu ta igammuwondae dida asi ḵigad si madusaanda te adidapun dingngoḻ diḵayu.”

John 13:20

Ibagaḵ ḵan diḵayu ḵatuttuwaan, ngaimane angawat atta ibuunḵu, saḵon awatona. Ḵad sa angawat ḵan saḵon, awatona bos nangibuun ḵan saḵon.”

Acts 2:46

Inaḻgawe andatdatongda ya an-os-ossaandae andayaw atte templo we boḻoy Apudyus. Ḵad sillalaylayaddae anḵaḵaḵan atte tinapay atta boḻoyda ya sipupusu layadda.

Acts 28:10

Adu da innatoddae atodda ḵan diḵani woḵ anna ḵade inḵanin, indatongda da losane ḵasapuḻan ni ye ambaat.

Acts 8:8

Pun sillalaylayad da tagu si sadi ye siyudad.

Romans 10:15

Ḵad ngai bos inon da tagu we umoy angiwaḻagawag nu naippun angibuun ḵan dida? Te ḵanan ni nigili ye Ugud Apudyus, “Ambaḻu ta anna da umali ye angiwaḻagawag si Ambaḻu we Damag!”

Romans 16:2

Nu dumatong sinat, mangiliyonyu gapu'tte pammatiyu ḵan Apu Jesus te labbongnae ḵatti ḵoon da tagun Apudyus. Ḵad ngaimane ḵasapuḻana, badanganyu oḵyan te adu da tagu we binadangana taḵon ay saḵon.

1 Corinthians 16:10

Ḵad nu umali'ḵ Timothy sinat, ilanyu ta ummanyu mangiliyon ta adi umogyat ḵan diḵayu te siya bos osae angwa'tta paḵwan Apudyus we isun os ni ḵooḵ.

1 Corinthians 16:18

Te sinoḻgagda somsomoḵḵu ya isuna bose sinoḻgagda da somsomoḵyu. Labbongnae mabigbig da tagu we ḵaḵna.

2 Corinthians 10:18

Te sa tuttuwae awaton Apudyus, daḵampun aḵ sa angiyisḵaḻ si long-agna yaḵon sa iyisḵaḻ Apudyus.

2 Corinthians 7:2

Ipailayu oḵyan ayatyu ḵan diḵani. Ippun ḵingwani'ḵ lawweng atta ngaimane tagu, ippun ossaan aḵ dinadailni ḵan ippun ossaan aḵ kinulukni ya ginundawayanni.

Philippians 2:28

Pun pioḵ pagaye paoyonon ta lumayad ḵayu ḵasin nu ilanyu ya lumin-awa bos somsomoḵḵu.

Colossians 4:10

Aḵ Aristarchus we buḻunḵu we baḻud ya aḵ Mark we ḵapingsan Barnabas, pakumustaonda diḵayu. Inawatyu bilin atte mipanggob ḵan Mark, ḵad nu umali bumisita, mangiliyonyu we ustu.

1 Thessalonians 5:12

Ḵodawonni ḵan diḵayu susunudḵu ḵan Kristu ta patganyu da angipapati antuttudu, da angipangat, da angayyuwan ya da amagbaga ḵan diḵayu ta pumigsa ḵayu'tte pammati ḵan Apu.

1 Timothy 5:17

Sa mipanggob atta angipangpangu'tta namati ye ambaḻu angidaḻananda, ibelangyu oḵyan dida'ḵ mapadayawan ya ustu tangdanda. Amod ay da angiwaḻagawag si Ambaḻu we Damag ya da antuttudu.

Hebrews 13:17

Tuttuwaonyu da angipangpangu ḵan diḵayu ya unudonyu da bilinda te dida angayyuwan ḵan diḵayu ta sissiyae ampigsa pammatiyu te ḵasapuḻane songbatanda ḵan Apudyus nu ḵingwada da ḵewaaḻda. Tuttuwaonyu dida ta maganasandae angwa'tta ḵewaaḻda. Nu adiyu dida tuttuwaon, andadauyda ya naippun ittona'ḵ bumaḻuwanyu.

3 John 1:10

Pun nu umaliyaḵ sinat, ibagaḵ ḵan diḵayu da ḵingwana ya da ibagabagana mipanggob ḵan diḵani te ippun ḵinatuttuwaan ni ipappabasuḻna ḵan ditaḵu. Ḵad daḵampune abus da sanae banag aḵ dam-ona ḵingwa te adinapun os mangiliyon da susunud taḵu ḵan Kristu we umoy si iliyu. Ḵad iyadina bos da ammangili ḵan dida ya paḻyawona dida'tta namati ye magimugimung.