Philippians 2:22 - Sa Ugud Apudyus

²² Yaḵon aḵ Timothy ḵad, iniiggammuyu we ambaḻu ugalina te innilayu we isunin an-ama si ḵewaaḻni ye angiwaḻagawag atte Ambaḻu we Damag.

Philippians 2:22 ပူးပေါင်းရင်းမြစ်များ

Acts 16:2

Ambaḻu ḵaugudan Timothy atta susunud ḵan Kristu ad Lystra ya ad Iconium.

Romans 5:4

Ḵad sa ḵinaattom siya ibungana ambaḻu we ugali. Ḵad sa ambaḻu we ugali siya ibungana namnama taḵu.

1 Corinthians 16:10

Ḵad nu umali'ḵ Timothy sinat, ilanyu ta ummanyu mangiliyon ta adi umogyat ḵan diḵayu te siya bos osae angwa'tta paḵwan Apudyus we isun os ni ḵooḵ.

1 Corinthians 4:17

Sadi gapunae imbuunku'ḵ Timothy sinat, we ibelangku'ḵ abengḵu we ay-ayatoḵ ḵan mataḻgodane abeng ḵan Apu taḵu. Umali ta ipaspasmoḵna ḵan diḵayu inoḵe nangunud atte ugalin Kristu we intuttuduḵ atta losane namati ye magimugimung atta ḵinailin di ili.

2 Corinthians 2:9

Te sa gapunae nanuḻataḵ, pioḵ pappadason diḵayu ḵan igammuwon nu tumuttuwa ḵayu'tta losane imbagabagaḵ ḵan diḵayu.

2 Corinthians 8:22

Ḵad anna bos osae sunud taḵu ḵan Kristu we ibuunni ḵan da Titus we umali sinat. Napadasni ḵan napanoḵnoḵanni ye bumabbadange tagu ya pipionae umali sinat te daḵoḻ taḻgodna ḵan diḵayu.

2 Corinthians 8:24

Pun sa ḵoonyu, ipailayu ayatyu ḵan dida ta igammuwon da gimung da namati sina ta panoḵnoḵanyu ḵan didae tuttuwa da iyyisḵaḻni mipanggob ḵan diḵayu.

2 Corinthians 8:8

Sa annae ibagaḵ daḵampun aḵ bilinḵu. Yaḵon pioḵ ipaigammu ḵan diḵayu laylayad da udume bumadang ta dida unudonyu ta angigammuwaḵe sipupusu ayatyu.

Philippians 1:12

Susunudḵu ḵan Kristu, pioḵ ipaigammu ḵan diḵayu we sa naḵwa ḵan saḵon, daḵampun aḵ lawweng nambanagana yaḵon ambaḻu te ummadu da tagu we amati si Ambaḻu we Damag.

Philippians 1:16

Da sana ḵad, iwwaḻagawagda Ambaḻu we Damag gapu si ayatda ḵan saḵon te naawatandae siya gapun ni nibaḻudaḵ dinutuḵanaḵ ḵan Apudyus aḵ anaḵdoḻ si ḵatuttuwaan ni Ambaḻu we Damag.

Philippians 1:7

Ḵad ambaḻu bos nu ḵatti sosomkoḵ atte mipanggob ḵan diḵayu te ummamdan ayatḵu ḵan diḵayu. Ḵad nidoga ḵayu ḵan saḵone nangipadas si ḵinabaḻun Apudyus si inninggawaḵ atte babaḻḻudan ya siya bos naḵwa si dam-oḵ namanoḵnoḵan ya tinaḵdoḻaḵe tuttuwa Ambaḻu we Damag mipanggob ḵan Kristu.

Philippians 2:20

Ibuunḵu te siya abus aḵ buḻunḵu we angisaḵit ḵan diḵayu, naippun udum aḵ igammuḵ.

1 Timothy 1:18

Da sanae imbilinḵu ḵan siḵa Timothy we imbelangḵu'ḵ abengḵu, mibatay atte nipadtu si awe atte mipanggob ḵan siḵa. Adim maliwatan da nipadtu si awe ta tumoḻodḵae maḵagubat atta losane lawweng.

1 Timothy 1:2

Annaya suḻatḵu ḵan siḵa Timothy ye ibelangku'ḵ tuttuwae abengḵu'tte pammati ḵan Jesu Kristu. Awad oḵyan ḵan siḵa ḵinabaḻu, ḵadagu ḵan lin-awae maḻpu ḵan Apudyus we Ama taḵu ya aḵ Jesu Kristu we Apu taḵu.

1 Timothy 4:6

Nu ituttudum da annae bilin atta susunud ḵan Kristu sinat, ambaḻuḵae anserbi ḵan Jesu Kristu. Ḵad ipailame amo naawatam ḵatuttuwaan mipanggob si pammati ya sa ambaḻu we tuttudu we inunudnu.

2 Timothy 1:2

Annaya suḻatḵu ḵan siḵa Timothy ye imbelangḵu'ḵ abengḵu we ay-ayatoḵ. Awad oḵyan ḵan siḵa ḵinabaḻu, ḵadagu ḵan lin-awae maḻpu ḵan Apudyus we Ama taḵu ya aḵ Jesu Kristu we Apu taḵu.

2 Timothy 3:10

Yaḵon ḵan siḵa Timothy, igammum da losane mipanggob atte intuttuduḵ, sa ugaliḵ ya sa panggobḵu si annae biyagḵu, sa pammatiḵ, anusḵu ḵan an-aayatḵu'tta buḻunḵu ya sa nangipapattiyaḵe nangunud ḵan Apudyus.

Titus 1:4

Annaya suḻatḵu ḵan siḵa Titus we imbelangḵu'ḵ abengḵu gapu si pammati taḵu. Awad oḵyan ḵan siḵa ḵinabaḻu ḵan lin-awae maḻpu ḵan Apudyus we Ama taḵu ya aḵ Jesu Kristu we anagu ḵan ditaḵu.