Philippians 2:21 - Sa Ugud Apudyus

²¹ Te da udume tagu, siya abus aḵ singsingtonda pipion ni somsomoḵda, daḵampun si pinion Jesu Kristu ḵoonda.

Philippians 2:21 ပူးပေါင်းရင်းမြစ်များ

Matthew 16:24

Pun ḵanan Jesus atta disipuluna, “Ngaimane pionae mitun-ud ḵan saḵon, ḵasapuḻane an-awidana long-agna, buḵudona de krosna ya mitun-ud ḵan saḵon.

Luke 14:26

“Ngaimane maḻyade mitun-ud ḵan saḵon, ḵasapuḻane daḵdaḵoḻ ayatna ḵan saḵon nu sa ayatna'tta amana ḵan inana, sa asawana ya da abengna, da sunudna ya taḵon ay mismu we long-agna te nu adina ḵoon ḵaḵna, adipun maḵwae ambalin aḵ disipuluḵ.

Acts 13:13

Pun ḵesan da Paul ya da buḻunna'd Paphos woḵ nalluganda si bapur woḵ dummatongda'd Perga, osae ili si probinsiya'd Pamphylia. Dummatongda ḵad sidi, tinenan John Mark dida woḵ nipauli'd Jerusalem.

Acts 15:38

Yaḵon adimpun Paul pion te tinenan John Mark dida si inninggawanda'd Pamphylia ya adinapun pinagatupane bummadang si ḵewaaḻda.

1 Corinthians 10:24

Daḵampun oḵyan aḵ abus bumaḻuwan taḵu'ḵ somsomḵon taḵu yaḵon sa bumaḻuwan os da udum.

1 Corinthians 10:33

Unudonyu saḵone pasigḵu ibagabagay biyagḵu'tta losane tagu. Te sa singsingtoḵ, daḵampun aḵ bumaḻuwaḵ yaḵon sa bumaḻuwan da adu ta mataguda.

1 Corinthians 13:5

adipun angwa'tta ḵababbain baḵon nu ipasulinna piona. Ḵad adipun os allasu sumang-ana ya adinapun os sosomḵon lawwenge ḵingwan da udum ḵan siya.

2 Corinthians 1:5

Te sa ḵaadun da ampaḵaḻamanni ye isun ni nampaḵaḻaman Kristu, ḵaḵnat os isun ni amapigsaan Apudyus atta pammatini mipagapu ḵan Kristu.

Philippians 2:4

Sa sosomḵonyu oḵyan, daḵampun si bumaḻuwanyu we abus yaḵon sa bumaḻuwan oḵyan os da buḻunyu.

2 Timothy 1:15

Inigammume tigangay ta losan atta namati'd Asia, nan-awidanda saḵon, nidoga da Phygelus ḵan Hermogenes.

2 Timothy 3:2

Te sa ugalin da tagu'tte sadi, abus aḵ ayatonda long-agda, ḵamommodda si pilaḵ, itaḻayagda da long-agda ya ansoḵaḻ da somsomoḵda. Amsewonda da buḻunda, adidapun tuttuwaon da amada ḵan inada, ippun igammudae anggappiya ya adidapun amati ḵan Apudyus.

2 Timothy 4:10

te tinenanaḵ ḵan Demas woḵ ummoy ad Thessalonica te pipiona nainlubungan. Aḵ Crescens ḵad os, ummoy ad Galatia ya aḵ Titus, ummoy ad Dalmatia.

2 Timothy 4:16

Sa damu we nasumaḻyaaḵ, ippun pulus ummali'ḵ buḻunku'ḵ nangitaḵdoḻ ḵan saḵon. Losanda tinenan saḵon. Adin oḵyan pos Apudyus pabasuḻon dida'tte ḵingwadae lawweng ḵan saḵon.