Philippians 2:17 - Sa Ugud Apudyus

¹⁷ Ḵad gapu ta madam-an angongatanda ḵan saḵon, allaylayadaḵ taḵon ay nu ḵasapuḻane mibuḵbuḵ daḻaḵe midoga si datune midatun gapu si pammatiyu ḵan Apudyus. Pun maḵagangganasaḵ ḵan diḵayu losan.

Philippians 2:17 ပူးပေါင်းရင်းမြစ်များ

Acts 20:24

Adipun ampatog ḵan saḵon nu mataguwaḵ baḵon nu matoyaḵ. Sa biyagḵu ampatog atte angigangputaḵ si ḵewaaḻe innatod Apu Jesus ḵan saḵone sa angiwaḻagawagaḵ si Ambaḻu we Damag mipanggob si ḵinabaḻun Apudyus.

Acts 21:13

Pun summongbat aḵ Paul woḵ ḵanana, “Ngaipa ḵayu sin-iibil ya paḻawengonyu somsomoḵḵu? Te naḵasaganaaḵe mibaḻud ya taḵon ay nu matoyaḵ ad Jerusalem mipagapu ḵan Apu Jesus.”

Romans 12:1

Pun susunud ḵan Kristu, ḵodawoḵ ḵan diḵayu we gapu'tte ḵadagun Apudyus idatunyu da long-agyu ḵan siya'ḵ matattagu we datun ya mitotoḵḵon ḵan Apudyus ya mas-omana. Sana ustu we inonyu we andayaw ḵan siya.

Romans 15:16

ta anserbiyaḵ ḵan Jesu Kristu si antuttuduwaḵ atta Gentil. Anserbiyaḵe isun di padi atte angiwaḻagawagaḵ si Ambaḻu we Damag we naḻpu ḵan Apudyus ta ambalin da Gentil aḵ datune mas-oman Apudyus te intotoḵḵon ni Ispiritu Santu dida'ḵ taguna.

2 Corinthians 12:15

Ḵan saḵon, amo lumayadaḵ taḵon ay nu aminoḵ gastuwon pilaḵḵu ya ippun ogon ḵosdoḻḵu ḵan ngaimane awad ḵan saḵon para ḵan diḵayu. Taḵon ay nu ummaḵit ayatyu ḵan saḵon, amoamod ayatḵu ḵan diḵayu.

2 Corinthians 4:12

Pun tuttuwae pasigni tataggaḻon ḵatoy yaḵon ambanag si mataguwanyu'ḵ inggana.

2 Corinthians 6:10

Taḵon ay andadauy ḵani, pasig ḵani bos allaylayad. Ḵapus ḵani yaḵon mipagapu'tte tuttuduni adu da bummaḵnang atta naispirituwane banage itton Apudyus. Naippun ḵuḵuwani yaḵon ḵuwani da losan gapu'tte pammatini ḵan Apudyus.

2 Corinthians 7:4

Antaḻgodaḵ ḵan diḵayu ya ipasindayawḵu diḵayu ya pumigsa pammatiḵ mipagapu ḵan diḵayu. Taḵon ay nu ampaḵaḻamaḵ, allaylayadaḵ gapu ḵan diḵayu.

Philippians 1:20

Igammuḵe taguwonaḵ gapu'tte namnamaḵ ya sa pioḵ pagay, adiyaḵpun mabain si sinagung Apudyus gapu si adiḵpun daydayawon yaḵon amo tumuḻodaḵ pagay sinsanae isuna awe ta mipagapu'tte long-agḵu midayaw aḵ Kristu, matattaguwaḵ man baḵon nu matoyaḵ.

Philippians 2:18

Ḵad isunae allaylayad ḵayu ya maḵalaylayad ḵayu oḵyan os ḵan saḵon.

Philippians 2:30

te tigangay matoy gapu si ḵewaaḻe impaḵwan Kristu ḵan siya ḵad impustana biyagna si bumadangana ḵan saḵon atte ḵamaidyu.

Philippians 4:18

Sinsadi masawasawaḻ da ḵasapuḻaḵ te inawatḵu ḵan Epaphroditus da losane indagasyu. Ḵad da sanae indagasyu, isunan ambangu we midatun ḵan Apudyus we mat-opana ḵan lumayadana.

Colossians 1:24

Sinsadi allaylayadaḵ atta ampaḵaḻamaḵ te igammuḵe bumaḻuwanyu te da sanae ampaḵaḻamaḵ dogan ni ampaḵaḻamane nilaḵ-am Kristu para'tta losane namati ye isun di long-agna.

1 Thessalonians 2:8

Gapu'tte amode ayatni ḵan diḵayu, allaay ḵani ye nangibillay ḵan diḵayu. Ḵad daḵampun aḵ abus Ambaḻu we Damag we naḻpu ḵan Apudyus yaḵon midoga biyagni gapu ta patpatgonni diḵayu.

2 Timothy 4:6

Te ḵan saḵon, dummatong timpu we idatunḵu biyagḵu we isun di mainume maisig atte altar ya madam-ane tenaḵ annae lubung.

1 Peter 2:5

Gapu si umadaniyanyu ḵan Jesu Kristu, mipani ḵayu bos si matattagu we batu we mausar si antaḵadan atte boḻoye ḵuwan Apudyus aḵ anserbiyanyu we papadi ye nitotoḵḵon para ḵan siya ya idatunyu da datun para ḵan siyae abuse mas-omana mipagapu ḵan Jesu Kristu.

1 John 3:16

Pun ditaḵu ḵad os, sa nangittan Jesu Kristu si biyagna'ḵ natoy para ḵan ditaḵu, naḵasagana taḵu oḵyane angitod atta biyag taḵu para'tta susunud taḵu ḵan Kristu.