Philippians 2:15 - Sa Ugud Apudyus

¹⁵ ta naippun idellawda ḵan diḵayu we abeng Apudyus ya ambaḻu da losane ugaliyu. Te taḵon ay nu maḵaigaw ḵayu'tta lawweng ya ḵabasbassuḻane tagu si annae lubung, naippun oḵyan angkuranganyu ta miyisu ḵayu'tta bituwone lumanglangḻang silawda'tte labi.

Philippians 2:15 ပူးပေါင်းရင်းမြစ်များ

Matthew 10:16

Pinagatupan os Jesus woḵ ḵanana, “Sosomḵonyu anna. Ibuunḵu diḵayu'tta lawweng ya ḵaog-ogyate tagu ḵad isuyun karnero we umoy atte lugar we igaw da tanane asu. Ḵad ḵasapuḻane nalaing ḵayu we isun da uḻog ya adiyu ḵoon lawwenge isun da kalapati.

Matthew 17:17

Ḵanan Jesus we summongbat, “Diḵayu we ippun pammatiyu ḵan lawwelawweng somsomoḵyu we tagu si sanae lunap! Ḵamaan ni inggawaḵ ḵan diḵayu ya asi ḵayu amati ḵan saḵon? Ḵamaan ni ampatinggaan ni anusḵu ḵan diḵayu?” Ḵanana'tte aman ni abeng, “Idatongnu abeng ḵan saḵon.”

Matthew 5:45

ta mipailae diḵayu tuttuwae abeng Amayu'd langit. Te ḵan siya, iyyunudna inite ḵingwana'ḵ lumangḻang atta naun-unane tagu we isuna bos atta tagu we angwa'tta lawweng ya innatodna bos udan ta maudanan lutan da tagu we angwa'tta pinion Apudyus ya da tagu we angwa'ḵ lawweng.

Matthew 5:48

Pun ḵasapuḻane ippun angkuranganyu we isun Apudyus we Amayu'd langite ippun angkurangana.”

Luke 1:6

Naun-unandae an-asawa'tte antotollong Apudyus ya ippun nangkuranganda si nanuttuwaanda'tta losane lintogna ya sa tuttuduna.

Luke 6:35

Yaḵon ayatonyu da ḵabusuḻyu ya ḵoonyu da ambaḻu ḵan dida, ḵad pagawatanyu dida taḵon ay nu adiyupun namnamaone ipaulida. Nu ḵoonyu ḵaḵna, daḵoḻ gungunayu ya miyiyap ḵayu'tta abeng ni Ḵangatuwane Apudyus. Te aḵ Apudyus, an-anggom atta lawweng ya da adipun antawili.

John 5:35

Aḵ John, mipani'tte silawe lumangḻang ta silawana da somsomoḵyu. Ḵad ginangganasyu we nandongoḻ ḵan siya si sin-aḵitan.

Acts 2:40

Adu we ugud imbagbagan Peter ḵan dida woḵ ḵananae nandagdagu, “Iligsiyu long-agyu si annae lunap!”

Acts 20:30

Awad da udum ḵan diḵayu we mismu we asi umali ye ambalinonda ḵatuttuwaan aḵ tinutuli ta awisonda da namati ta mitun-udda ḵan dida.

Romans 16:19

Allaylayadaḵ gapu ḵan diḵayu te nan-asidongoḻ atta ḵinailin di ili tummuttuwaanyu gapu si namatiyanyu. Ḵad pioḵ ose lumaing ḵayu mipanggob si ambaḻu yaḵon ippun oḵyan igammuyu si mipanggob atta lawweng.

1 Corinthians 1:8

Papigsaona da pammatiyu inggana si anungus ni aḻgaw ta ippun mapabasuḻanyu'tte timpu we mipauliyan Apu taḵu we Jesu Kristu.

2 Corinthians 6:17

Pun ḵanan os Apudyus, “Tenanyu dida ya misina ḵayu ḵan dida. Ḵad adiyu tokkon da ngaimane mibelang aḵ ḵaissaw ta awatoḵ diḵayu.

Ephesians 5:27

Ḵingwana ḵatti ta umali ḵade angayag ḵan ditaḵu we namati ḵan siya, ambaḻu ugali taḵu si antotollongna ya ippun ḵadellawan taḵu we isun ni bubai ye mikasar we ambaḻubaḻu ya ippun ḵaissawna ḵan dipiḵtuna.

Philippians 1:10

ta lamogyu imatunan ya piliyan ḵabaḻuwan. Te nu ḵatti, ambaḻubaḻu ugaliyu ya ippun oḵyan ḵingwayu'ḵ mipabasuḻ ḵan diḵayu si ḵasine umaliyan Jesu Kristu.

Philippians 3:6

Pun nu mipanggob si angipadasane angipapati, nampaḵaḻamoḵ da namati ḵan Jesus. Pun nu mipanggob si naun-unan ni tagu gapu'tte nanuttuwaanda'tta lintog Moses, naippun nangkurangaḵ.

1 Thessalonians 5:23

Papoḻḵapoḻḵason oḵyan Apudyus we puun ni lin-awa da biyagyu. Ḵad ayyuwanana oḵyan da somsomoḵyu, da ḵalidodwayu ya da long-agyu ta naippun mipabasuḻ ḵan diḵayu'tte umaliyan Apu Jesu Kristu.

1 Timothy 3:10

Ḵasapuḻane umunada mapadas ḵad nu mapanoḵnoḵane ippun mipabasuḻ ḵan dida, maḵwae anserbidae deacon.

1 Timothy 3:2

Pun gapu ta ampatog sanae ḵewaaḻ, ḵasapuḻane ippun ḵadellawana, naannad ḵan lamogna tupodon long-agna. Ḵasapuḻane ossaan asawana ya adi maḵadagdagas. Ḵasapuḻane naangsan, ḵamamangili ya nalainge antuttudu.

1 Timothy 5:14

Pun sa ḵasomsomḵaḵ, nabaḻbaḻu angasawa da ḵaḵosdoḻandae baḻu ta umanaḵda ḵan ipapuutda ilan da ḵaboḻoyda ta ippun wayan da ḵabusuḻ taḵu we angamsew ḵan ditaḵu.

1 Timothy 5:20

Yaḵon nu pagapagatupan ni angipangpangu we maḵabasuḻ, suppaḵam si sinagung ni gimung ta umogyat da udume angwa'tte ḵingwana.

1 Timothy 5:7

Ibilinnu da anna'tta namati sinat ta ippun ipabasuḻ da tagu ḵan dida.

Titus 1:6

Sa angipangpangu'tte gimung, ambaḻu oḵyan ugalinae ippun mipabasuḻ ḵan siya. Ḵasapuḻan ose ossaan asawana ya adi maḵadagdagas. Da abengna ḵad, ḵasapuḻane amatida ya naippun os paat lawweng aḵ ḵaugudanda si mipanggob atte adidapun maḵatupod atta ḵoondae lawweng ya adidapun tumuttuwa.

Titus 2:10

baḵon nu an-aḵaw atta ḵuḵuwada yaḵon ipailada oḵyane pasige tuttuwae mataḻgodanda ta maila ḵinabaḻun da mituttudu we mipanggob ḵan Apudyus we anagu ḵan ditaḵu gapu'tta losane ḵoonda.

Titus 2:15

Sana da ituttudum atta tagu sinat, dam-om dida bagbagaan ya suppaḵam nu awad lawweng aḵ ḵoonda. Sa angwaam atta sadi, ipailam da losane ḵaḻabbongam ta adida siḵa potogon.

Hebrews 7:26

Ḵad aḵ Jesus ḵangatuwane padi taḵu we ustuustu we siya ḵasapuḻan taḵu. Te nasantuwan, ippun ḵadellawana ya ippun basuḻna. Nitotoḵḵon atta ḵabasbassuḻan woḵ nipangatu'd langit.

1 Peter 2:12

Ḵasapuḻane unudonyu ambaḻu we antatagu ta taḵon ay nu ḵanan da adipun amati ye lawweng da ḵoonyu nu ilanda da ambaḻu we ḵoonyu, idayawda'ḵ Apudyus atte umaliyana.

1 Peter 2:9

Yaḵon diḵayu pinilin Apudyus aḵ ḵabaḻyanna ya isuyu da padi ye anserbi ḵan Apudyus we Ari taḵu. Diḵayu ilin da tagu we nitotoḵḵon para ḵan siya ya ampatoge tagunae ḵinuḵuwwana ta ipaigammuyu nakaskasdaawe ḵingwana. Pinilina bos diḵayu ta tenanyu giḵbot ya inggaw ḵayu si nakaskasdaawe paddana.

2 Peter 3:14

Pun ay-ayatoḵe buḻbuḻun, gapu ta sana uuwayon taḵu, igga taḵu ḵabooḻan taḵu ta pumoḻḵas taḵu ya ippun ḵadellawan taḵu'tte antotollong Apudyus ya allin-awa maḵabuḻbuḻunan taḵu ḵan siya.

Revelation 2:5

Pun ḵasapuḻan oḵyane iḵagasmoḵyu ampigsae ayatyu si damu. Ambabawi ḵayu'tta basuḻyu ya agayyu we angwa ya ḵoonyu ḵasin da ḵingwayu si damu. Te nu adi ḵayu ambabawi, umaliyaḵ sinat ta ḵaanoḵ sasap-aḻan da silawyu'tta ustu we igawda.

Revelation 3:9

“ ‘Dongngonyu anna. Awad da Judyu sinate tagun Satan. Ḵanandae dida tagun Apudyus yaḵon daḵampun te tuliyanda. Sa umali ye aḻgaw ipatutḵu we umoyda analluḵu si sinagungyu ḵad asida igammuwone ay-ayatoḵ diḵayu.