Philippians 1:3 - Sa Ugud Apudyus

³ Nu iḵagasmoḵḵu diḵayu, anggappiyaaḵ ḵan Apudyus we anserbiyaḵ.

Philippians 1:3 ပူးပေါင်းရင်းမြစ်များ

Romans 6:17

Yaḵon anggappiyaaḵ ḵan Apudyus te taḵon ay nu musassun ni basuḻ diḵayu'tte awe, sinsana tuttuwae insisimoḵyu tuttuwaon ḵatuttuwaane nituttudu ḵan diḵayu.

1 Corinthians 1:4

Patilayunaḵ anggappiya ḵan Apudyus gapu'tte ḵinabaḻunae impailana ḵan diḵayu mipagapu si niyossaananyu ḵan Jesu Kristu.

1 Thessalonians 3:9

Ngai inonni ye anggappiya ḵan Apudyus para ḵan diḵayu ta lamogna subbat laylayadni'tte sinagung Apudyus gapu ḵan diḵayu?

2 Thessalonians 1:3

Susunudḵu ḵan Kristu, ḵasapuḻane patilayun ḵani anggappiya ḵan Apudyus gapu ḵan diḵayu, ḵad mibagay nu ḵoonni ḵaḵna te pumigsapigsa da pammatiyu ḵad amo madog-adog-an ayat ni sin-ossaossa ḵan diḵayu we an-asiayat.

2 Timothy 1:3

Anggappiyaaḵ ḵan Apudyus we anserbiyaḵe ampoḻḵas somsomoḵḵu we isun ni nanseserbin da danaḵḵoḻ taḵu. Alluwaḻuwaḵ ḵad ḵan Apudyus atte inaḻgaw ḵan nilabi, adiḵpun maliwatane anggappiya ḵan Apudyus gapu si pammatim.