Philippians 1:26 - Sa Ugud Apudyus

²⁶ Maḵwa oḵyan ḵaḵna ta amo andaydayaw ḵayu ḵan Jesu Kristu gapu ḵan saḵon nu mipauliyaḵ sinat ya inggawaḵ ḵan diḵayu.

Philippians 1:26 ပူးပေါင်းရင်းမြစ်များ

John 16:22

Pun isuna bos ḵan diḵayu te andadauy ḵayu sinsadi. Yaḵon sa umali ye aḻgaw, an-asiila taḵu ḵasin ḵad anggangganas ḵayu ya naippun ḵallamog angaan atte layadyu.

John 16:24

Inggana sinsadi, naippun ḵindawyu mipagapu'tte ḵabooḻaḵ. Anḵodaw ḵayu woḵ awatonyu ta naippun kurang ni layadyu.”

2 Corinthians 5:12

Daḵampun aḵ siya panggobni idayawni long-agni'tta annae imbagani. Yaḵon pionni ittan diḵayu'ḵ allapuwanyu we angipasindayaw ḵan diḵani ta lamogyu songbatan da tagu we angipasindayaw atta mailae ḵasasaadda ya daḵampun aḵ sa awad si ustu we ḵasomsomḵanda.

2 Corinthians 7:14

Te impasindayawḵu diḵayu ḵan siya ḵad adiyaḵpun nadismaya'tta imbagaḵ. Te tuttuwa pagay da sadi ye imbagani ya napanoḵnoḵane tuttuwa da sadi ye iyyisḵaḻḵu ḵan Titus.

2 Corinthians 7:4

Antaḻgodaḵ ḵan diḵayu ya ipasindayawḵu diḵayu ya pumigsa pammatiḵ mipagapu ḵan diḵayu. Taḵon ay nu ampaḵaḻamaḵ, allaylayadaḵ gapu ḵan diḵayu.

2 Corinthians 7:6

Yaḵon aḵ Apudyus we alliwliwa'tta andadauy, niliwliwana bos diḵani gapu'tte dummaḵngan Titus.

Galatians 6:4

Pun ḵasapuḻane sa sin-ossaossa usigona nu ustu pagay da ḵoona. Te nu ustu, maḵwae isḵaḻna long-agnae mismu we adinapun iyis-isu'tta ḵoon da buḻunna.

Philippians 3:1

Annaya osan ibagaḵ ḵan diḵayu susunudḵu ḵan Kristu, allaylayad ḵayu oḵyan gapu si niyossaananyu ḵan Apu. Adiyaḵpun mappoge angisassaud atte ibagaḵ ḵan diḵayu ta mabantayan pammatiyu.

Philippians 3:3

Yaḵon sa ḵatuttuwaan ditaḵu ibelang Apudyus aḵ tuttuwae taguna daḵampun ḵan dida te ditaḵu ḵad dayawon taḵu'ḵ Apudyus si ḵabooḻan ni Ispirituna. Allaylayad taḵu bos gapu'tte taḻgod taḵu ḵan Jesu Kristu. Ḵad adi taḵu bos antaḻgod atta ngaimane ḵoḵoḵḵon taḵu'tte long-ag taḵu we anagu ḵan ditaḵu.

Philippians 4:10

Amod de layadḵu si niyossaanaḵ ḵan Apu te sinsadi nawayaan ḵayu bos ḵasine bumadang. Nabayag ḵammose ippun bummadanganyu yaḵon daḵampun aḵ gapu ta naliwatanyu saḵon te igammuḵe naippun wayayu we angipaila si layadyu we bumadang.

Philippians 4:4

Ḵasapuḻane pasig ḵayu oḵyan allaylayad gapu si niyossaananyu ḵan Apu. Ipigwaḵ ibagae allaylayad ḵayu oḵyan.