Philippians 1:19 - Sa Ugud Apudyus

¹⁹ te igammuḵe sa ampaḵaḻamaḵ si ḵasasaadḵu sinsadi, ambanag atte masaḻaḵnibaḵ gapu si luwaḻuyu ḵan badang ni Ispiritun Jesu Kristu.

Philippians 1:19 ပူးပေါင်းရင်းမြစ်များ

Acts 16:7

Dummatongda ḵad atte boddong ni probinsiya'd Mysia, umoyda oḵyan atte probinsiya'd Bithynia yaḵon adimpun ni Ispiritu Santu we imbuun Jesus ḵan dida iyyunud.

Romans 8:28

Igammu taḵu we losane banage maḵwa antitimpuyugda ta ambanag atte bumaḻuwan da angay-ayat ḵan Apudyus ya da pinilina sigun atte panggobna.

Romans 8:9

Yaḵon ḵan diḵayu, daḵampun ogon si gagangaye pipion ni long-ag angituray ḵan diḵayu yaḵon sa Ispiritu Santu angituray ḵan diḵayu nu tuttuwae siya iinggaw ḵan diḵayu. Ngaimane tagu we naippun Ispiritu Santu we inkarin Jesus, daḵampun aḵ tagun Kristu.

1 Corinthians 4:17

Sadi gapunae imbuunku'ḵ Timothy sinat, we ibelangku'ḵ abengḵu we ay-ayatoḵ ḵan mataḻgodane abeng ḵan Apu taḵu. Umali ta ipaspasmoḵna ḵan diḵayu inoḵe nangunud atte ugalin Kristu we intuttuduḵ atta losane namati ye magimugimung atta ḵinailin di ili.

2 Corinthians 1:11

Bumadang ḵayu bose angiluwaḻu ḵan diḵani. Te nu adu da angiluwaḻu ḵan diḵani, adu bos da anggappiya ḵan Apudyus gapu'tte bindisyune innatodna ḵan diḵani mipagapu'tta adu we luwaḻu.

Galatians 3:5

Imusoḵ ḵasin ḵan diḵayu, innatod ḵamman Apudyus Ispiritu Santu ya sa angwaana'tta nakaskasdaaw ḵan diḵayu te tinuttuwayu lintog baḵon nu gapu si andongoḻanyu ya amatiyanyu si Ambaḻu we Damag?

Galatians 4:6

Gapu ta abeng Apudyus ditaḵu, imbuunna Ispirituna we inkarin ni Abengna ta iinggaw ḵan ditaḵu. Ḵad gapu'tte Ispirituna, Ama usaron taḵu we angawag ḵan Apudyus si alluwaḻuwan taḵu ḵan siya.

Philippians 1:18

Yaḵon taḵon ay nu ḵatti ḵoonda, ippun ḵanana te lawweng man ḵan ambaḻu panggobda, siya ampatog miwaḻagawag mipanggob ḵan Kristu ḵad sanat allaylaydaḵ. Daḵampun aḵ abus sadi yaḵon pagapagatupaḵe allaylayad,

1 Peter 1:11

Inniggada ḵabooḻandae an-imus nu ḵamaan ni maḵwaana ya ngai inonae mituttuwa, impaigammun ni Ispiritun Kristu ḵan dida mipanggob atte ampaḵaḻamana ya madayawana'tte ampangatana.