Philippians 1:18 - Sa Ugud Apudyus

¹⁸ Yaḵon taḵon ay nu ḵatti ḵoonda, ippun ḵanana te lawweng man ḵan ambaḻu panggobda, siya ampatog miwaḻagawag mipanggob ḵan Kristu ḵad sanat allaylaydaḵ. Daḵampun aḵ abus sadi yaḵon pagapagatupaḵe allaylayad,

Philippians 1:18 ပူးပေါင်းရင်းမြစ်များ

Matthew 23:13

Pun ḵanan Jesus, “Ḵaddagu ḵayu, diḵayu we Pharisee ḵan mimistulun ni lintog. Ḵapappaila ḵayu! Te taḵon ay nu tuttuduwanyu oḵyan da tagu si inondae midoga si ampangatan Apudyus, adiyupun ḵoon anna ḵad isunan iyyonobyu sawange maḵwae lumnoḵanda. Taḵon ay diḵayu we mismu, adiyupun iyunude paipangat ḵan Apudyus ḵad adiyupun iyunud da udume maḻyad os paipangat ḵan siya.

Mark 12:40

Allelawonda da baḻu ta aḻanda da ḵuḵuwada ya da boḻoyda ḵad anduanduwonda da luwaḻuda si sinagung da adu we tagu ta analingodda'tta ḵoḵoḵḵonda. Ḵad sana amo amadagson atte madusaanda.”

Luke 9:45

Yaḵon adidapun naawatan piona ḵanan ya nitaḻu ḵan dida ta adida maawatan. Ḵad maḵimutdae angimus ḵan siya mipanggob si sana.

Luke 9:50

Yaḵon ḵanan Jesus, “Adiyu igimau te ngaimane adipun sumullagi ḵan diḵayu, buḻunyu.”

Romans 3:9

Pun un-unnoy taḵu ḵad aine Judyu nu da Gentil? Naid! Inug-uggud taḵu we losane tagu iturayan ni basuḻ, Judyu man baḵon nu Gentil.

Romans 6:15

Ngai ḵad ain pion ni sana ḵanan? Nu matagu taḵu gapu'tte ḵinabaḻun Apudyus we daḵampun si anuttuwaan taḵu'tte lintog, pagatupan taḵu ḵad aine bumasuḻ? Adipun maḵwa!

1 Corinthians 10:19

Pioḵ ḵamman ibagae matattagu da sinan-apudyus ya awad ḵamman nansabaliyan da nidatun ḵan dida ya da udume maḵan?

1 Corinthians 14:15

Ngai ḵad ain ḵooḵ nu? Alluwaḻuwaḵ atte ipaspasmoḵ ni Ispiritu Santu we maawatan ni somsomoḵḵu. Ḵad anḵantaaḵ atta naispirituwane ḵanḵanta ya anḵantaaḵ os atta ḵanḵantae maawatan ni somsomoḵḵu.

1 Corinthians 15:11

Pun taḵon ay nu saḵon nangiwaḻagawag ḵan diḵayu baḵon nu da udume apostol, ippun toḵon ni ituttuduni ye siya pinatiyu.

Philippians 1:19

te igammuḵe sa ampaḵaḻamaḵ si ḵasasaadḵu sinsadi, ambanag atte masaḻaḵnibaḵ gapu si luwaḻuyu ḵan badang ni Ispiritun Jesu Kristu.