Matthew 9:35 - Sa Ugud Apudyus

³⁵ Ginaḵagaḵay Jesus da losane siyudad ḵan losane ili. Nantuttudu'tta sinagogada ya iwwaḻagawagna Ambaḻu we Damag mipanggob si ampangatan Apudyus ḵan ḵinaanna bos da losane kalasin di saḵit ya da ampaḵaḻaman da tagu.

Matthew 9:35 ပူးပေါင်းရင်းမြစ်များ

Matthew 10:1

Sin-aḻgawan ḵad, inayagan Jesus da nasawaḻan aḵ duwae disipuluna. Pun innatodna ḵaḻabbongan ḵan didae amaḻyaw atta aḻan ya angaan atta losane kalasin di saḵit ya da ampaḵaḻaman da tagu.

Matthew 11:1

Ginangput ḵad Jesus binilin da nasawaḻan aḵ duwae disipuluna, ummoyon woḵ ummoy nantuttudu ya iwwaḻagawagna Ambaḻu we Damag atta adani ye ili.

Matthew 11:5

Da naḵuḻap, maḵailada, da napilay, maḵataddaḻanda, da naleprosy, naḵaan saḵitda, da natuḻong, maḵadongoḻda, da natoy, nataguda ḵasin ḵad miwaḻagawag Ambaḻu we Damag atta ḵapus.

Mark 1:14

Naabus ḵade nibaḻud aḵ John, nipauli'ḵ Jesus atte probinsiya'd Galilee ta umoyna iwaḻagawag Ambaḻu we Damag we naḻpu ḵan Apudyus.

Mark 6:56

Ngaimane ummayan Jesus we ili, daḵoḻ man baḵon nu ban-og, iyyuwayda pagay da nasaḵit ḵan siya'tta ayanae andadaḵngan da tagu. Ḵad nandagdagudae taḵon ay nu abuse tokkon da nasaḵit gayadan ni silupna. Pun losan da nandoḵ atte silupna, naḵaan da saḵitda.

Mark 6:6

Nataag atte ippun pammatida ḵan siya. Pune sadi, ummoy aḵ Jesus nantuttudu'tta nampaliḵwose ili.

Luke 13:22

Pun pinagatupan Jesus we ummoy ad Jerusalem yaḵon nansadang atta siyudad ḵan ḵinailin di ili ye nilausana ta antuttudu.

Acts 10:38

Igammuyu we dinutuḵan Apudyus aḵ Jesus we iNazareth ya innatodna Ispiritu Santu ya sa ḵabooḻana ta dinumane ayana, ḵoona da ambaḻu ya ḵinaanna da ampaḵaḻaman da nampaḵapaḵaḻamon Satan te anna'ḵ Apudyus ḵan siya.

Acts 2:22

Pinagatupan Peter woḵ ḵanana, “Susunude ganaḵ Israel, dongngonyu annae ibagaḵ ḵan diḵayu. Aḵ Jesus we iNazareth, pinanoḵnoḵan Apudyus ḵan diḵayu we imbuunna mipagapu'tta nakaskasdaaw ya da sinyale ḵingwan Apudyus ḵan diḵayu mipagapu ḵan siyae iniiggammuyu.