Matthew 7:6 - Sa Ugud Apudyus

⁶ Pinagatupan Jesus we nangipani mipanggob si adiyu ituttudu Ugud Apudyus atta tagu we angam-amsew ḵan adipun andongoḻ woḵ ḵanana, “Diḵayu ḵad, adiyu itton da ngaimane ampatog atta ngumoḻngoḻe asu te amo ḵumtobda. Ḵad adiyu bos itton ampatoge bongoḻ atta boḻoḵ te gudagudonda.”

Matthew 7:6 ပူးပေါင်းရင်းမြစ်များ

Matthew 15:26

Ḵanan Jesus we nangipani, “Daḵampun aḵ ambaḻu nu ipaḵanta ḵanon ni abeng atte asu.”

Matthew 24:10

Sa sadi ye timpu, adu da an-awidanda da pammatida ḵan saḵon. Ḵad an-asituyuḵda ya sasangngaanda da buḻunda.

Matthew 7:5

Ḵapappailaḵa! Umuna oḵyane ḵaanom setap si atam ta pumataḵ ilam ya lamognu ḵaanon buḻaw si atan ni sunudnu.”

2 Corinthians 11:26

Ippun adi naḵwa ḵan saḵone ḵaog-ogyat atta nambabbaataḵ, isun da dinaḵoḻ da tawwang ya da tulisan atta daḻan. Inggaw os da ḵaog-ogyate ḵingwan da ḵailiyaḵe Judyu ḵan saḵon ya taḵon ay os da Gentil. Ḵaog-ogyat os naḵwa ḵan saḵon atta siyudad ya sa bumbummaaw, sa baybay ya ḵaog-ogyat da ḵingwan da ḵapappailae susunud taḵu ḵan saḵon.

Philippians 3:2

Ummanyu'tta tagu we lawweng da ḵoonda, ipaniḵ dida'tta nadiwase asu te sumusullagida'tte Ambaḻu we Damag. Ipatutdae nu adi masogyatan laḻaḵi, adipun matagu.

Hebrews 10:29

Maguḻa magay madusaan ni tagu we angam-amsew si Abeng Apudyus ya ibelangnae naippun patog ni daḻae angipanoḵnoḵ si tuḻag Apudyus we siya amapoḻḵas atta basuḻ ḵan an-ugud aḵ lawweng atte Ispiritu Santu we siya angipail-an Apudyus atte ḵinabaḻuna.

Hebrews 6:6

Gapu ta nan-awidanda da pammatida, adipun paat maḵwae ambabawida'tta basuḻda ya agaydae angwa te isun di impattoḻda ḵasin Abeng Apudyus atte kros ya imbabbainda si sinagung da adu we tagu.

2 Peter 2:22

Sa naḵwa ḵan dida, panoḵnoḵandae tuttuwa da duwae ug-uggude ḵanana, “Mipauli asu ta ḵanona iyyutana,” ya “sa naamose boḻoḵ, mipauli umoy ambannaaw si piyoḵ.”

Revelation 22:15

Yaḵon adipun maḵaḻnoḵ sidi da ngaimane angwa'tta lawweng, da andadawaḵ, da angadaḻug atta daḵampun aḵ asawada, da pumappatoy, da andaydayaw atta sinan-apudyus ya da losane tuliyan ya da ḵapappaila.”