Matthew 23:27 - Sa Ugud Apudyus

²⁷ “Ḵaddagu ḵayu, diḵayu we mimistulun ni lintog ya da Pharisee. Ḵapappaila ḵayu! Te siya iissuyu da libone napintuḻan aḵ itaḵ, ḵad ambaḻubaḻu ḵatollonganda'k lasin. Yaḵon ad daḻom, napnuda'tta tung-aḻ da nanḵaḵatoy ya da losane ḵaḵaissawan.

Matthew 23:27 ပူးပေါင်းရင်းမြစ်များ

Matthew 23:28

Sanat iissuyu we sa ḵatollonganyu'tta tagu, naun-unan ḵayu. Yaḵon ad daḻom si somsomoḵyu, napnu si ḵapappaila ya adiḵayupun tumuttuwa'tta pinion Apudyus.”

Luke 11:44

Ḵad ḵaddagu ḵayu bos te isuyu da libone mitataḻu! Gusgusdan da tagu we naippun igammuda.”

Acts 23:3

Pun ḵanan Paul ḵan siya, “Siḵae sinan ḵuwis, asin Apudyus siḵa tippapon! Mipaniḵa si didinge mapintuḻan si itaḵ. Tumutuḵduḵa si sanate anumaḻya ḵan saḵone nibatay si lintog taḵu yaḵon nilisalisnu sanate lintog te impatippapnu saḵon.”

Galatians 6:12

Da angipatute ampasogyat ḵayu, dida da maḻyad angipaila si ḵinabaḻuda'tte antotollong da tagu. Ipatutda sadi te adidapun pione ampaḵaḻamda. Te igammudae nu ituttududae umanay natoyan Kristu'tte kros, ampaḵaḻamon da buḻunda dida.