Matthew 23:23 - Sa Ugud Apudyus

²³ “Ḵaddagu ḵayu, diḵayu we mimistulun ni lintog ya da Pharisee. Ḵapappaila ḵayu! Te ittonyu ḵasimpuḻun ni apityu ḵan Apudyus, taḵon ay da muḻae amapiya'tta tipoy. Yaḵon adiyupun tuttuwaon ḵapatogane biline ituttudun ni lintog, isun da angwaanyu'tta maun-unan atta asintataguyu, ḵumadagu'tta asintataguyu ya mataḻgodan ḵayu. Ḵasapuḻane ḵoonyu da anna ḵad adiyu bos maliwatan da udum.

Matthew 23:23 ပူးပေါင်းရင်းမြစ်များ

Matthew 12:7

Ḵanan ni nigili si Ugud Apudyus, ‘Ḵan saḵon, amo napatpatog ḵumadagu ḵayu'tta asintataguyu nu sa angidatunanyu'tta ayam ya da udume datun ḵan saḵon.’ Nu inigammuyu oḵyan pion ni anna ugudon, adiyu oḵyan pabasuḻon da tagu we ippun basuḻda.”

Matthew 23:13

Pun ḵanan Jesus, “Ḵaddagu ḵayu, diḵayu we Pharisee ḵan mimistulun ni lintog. Ḵapappaila ḵayu! Te taḵon ay nu tuttuduwanyu oḵyan da tagu si inondae midoga si ampangatan Apudyus, adiyupun ḵoon anna ḵad isunan iyyonobyu sawange maḵwae lumnoḵanda. Taḵon ay diḵayu we mismu, adiyupun iyunude paipangat ḵan Apudyus ḵad adiyupun iyunud da udume maḻyad os paipangat ḵan siya.

Matthew 9:13

Te adiyaḵpun ummali ta ayagaḵ da naun-unane tagu yaḵon ummaliyaḵ ta ayagaḵ da ḵabasbassuḻan ta ambabawida'tta basuḻda ta ansinagungda ḵan Apudyus. Pun inḵayu adaḻon nigili ye Ugud Apudyus we ḵanana, ‘Ḵan saḵon, napatpatog ḵumadagu ḵayu'tta asintataguyu nu sa angidatun ḵayu'ḵ ayam ya da udume datun ḵan saḵon.’ ”

Luke 11:42

“Ḵaddagu ḵayu we Pharisee! Te ittonyu ḵasimpuḻun ni apityu ḵan Apudyus, taḵon ay da muḻae amapiya'tta tipoy. Yaḵon adiyupun tuttuwaon ḵapatogane biline ituttudun ni lintog, isun da angwaanyu'tta ummun-un atta asintataguyu ya ayatonyu'ḵ Apudyus. Ḵasapuḻane ḵoonyu da anna ḵad adiyu bos maliwatan da udum.

Luke 18:12

Te ḵan saḵon, amigwaaḵ allaun si sindumingguwan ta alluwaḻuwaḵ ya ittoḵ os ḵasimpuḻun ni losane tangdanḵu.’