Matthew 21:31 - Sa Ugud Apudyus

³¹ Pun ḵanan Jesus, “Dinu'tta annae duwa nanuttuwa si pion amada?” Ḵananda, “Sa panguḻu.” Pun ḵanan Jesus ḵan dida, “Ibagaḵ ḵan diḵayu ḵatuttuwaan, sa ḵabasbassuḻane tagu we isun da andadagup atta bugis ya da puta, umun-unada nu diḵayu umoy si ampangatan Apudyus.

Matthew 21:31 ပူးပေါင်းရင်းမြစ်များ

Matthew 12:50

Te ngaimane angwa si pinion Amaḵ ad langit, dida da mibelang aḵ inaḵ ḵan susunudḵu.”

Matthew 18:3

woḵ ḵanana, “Ibagaḵ ḵan diḵayu ḵatuttuwaan, nu adi ḵayu ambalbaliwe isun ni annae abeng, adiḵayupun paat midoga si ampangatan Apudyus.

Matthew 20:16

Pun ḵanan Jesus we nangiyanungus, “Sinsadi, adu da tagu we nangatu we mipababa ya da nababae tagu sinsadi, mipangatuda si umali ye aḻgaw.”

Matthew 21:30

“Pune sadi, ummoy os ama si udidi woḵ isuna bos imbagana ḵan siya. Ḵanana, ‘On Ama, annae iyyaḵ,’ yaḵon adipun ummoy.”

Matthew 5:18

Ibagaḵ ḵan diḵayu ḵatuttuwaan, taḵon ay nu mawawan langit ḵan luta, naippun paat mataḻaḵ, taḵon ay simpattoḵe Lintog Apudyus inggana'ḵ mituttuwa da panggob Apudyus.

Matthew 5:46

Te nu abus aḵ ayatonyu da tagu we angayat ḵan diḵayu, gungunaan ḵad ain Apudyus diḵayu? Naid te taḵon ay da andadagup atta bugis ḵoonda bos ḵaḵna.

Matthew 6:5

Pinagatupan Jesus woḵ ḵanana, “Ḵad nu alluwaḻu ḵayu, adi ḵayu oḵyan miyisu'tta ḵapappaila te pipiondae sumisiḵade alluwaḻu'tta sinagoga ya da ḵaḻsa ta ilan da tagu dida. Ibagaḵ ḵan diḵayu ḵatuttuwaan, nagagangpute inawatda da gungunada.

Matthew 7:21

Pinagatupan Jesus woḵ ḵanana, “Daḵampun aḵ losane angibaga ḵan saḵone ḵanana, ‘Apu, Apu,’ maḵaḻnoḵ si ampangatan Apudyus. Yaḵon da maḵaḻnoḵ, abus da angwa'tta pinion Amaḵ ad langit.

Matthew 9:9

Unipun atte ummoyon aḵ Jesus, innilana osae andadagup atta bugise nangngadan aḵ Matthew we tutuḵdu'tte opisinan da andadagup atta bugis. Ḵanana ḵan siya, “Tun-udonaḵ ta ambalinoḵ siḵa'ḵ disipuluḵ.” Lummibbat ay aḵ Matthew woḵ nitun-ud ḵan siya.

Luke 15:10

Ḵanan Jesus we nangiyanungus, “Annaya ibagaḵ ḵan diḵayu, ḵatti bos gangganas ni bubai si nangdasana si nataḻaḵe palatana, anggangganas aḵ Apudyus ya da anghelna nu awad ambabawi'tta basuḻna ya agaynae angwa taḵon ay ossaane ḵabasbassuḻan.”

Luke 19:22

Ḵanan ni Ari, ‘Lawwengḵae sammilu! Sa imbagam siya anguwisḵu ḵan siḵa. Iniiggammume sangngaanaḵ ya aḻaḵ daḵampun aḵ nallingtaḵ ya apitoḵ os daḵampun aḵ immuḻaḵ.

Luke 7:29

Da inninggaw sidi ye tagu ya da andadagup atta bugis, binonyagan John losan dida. Dingngoḻda ḵad da imbagan Jesus we mipanggob ḵan siya ḵananda, “Naun-unan pagay aḵ Apudyus!”

John 3:3

Ḵanan Jesus, “Ibagaḵ ḵan siḵa ḵatuttuwaan, nu adi tagu miyanaḵ ḵasin, adipun maḵwae midoga si ampangatan Apudyus.”

John 3:5

Ḵanan Jesus, “Ibagaḵ ḵan siḵa ḵatuttuwaan, adipun maḵwae midoga tagu si ampangatan Apudyus nu adi miyanaḵ atte danum ya sa Ispiritu Santu.

Acts 17:30

Sa awe, inan-anusan Apudyus da ḵingwan da tagu te daandapun igammuwon. Yaḵon sinsadi, imbilinnae losane tagu ibabawida da basuḻda ya agaydae angwa.

Romans 3:19

Igammu taḵu we sa Ugud Apudyus we nigili'tte awe naatod ḵan ditaḵu we Judyu we anuttuwa si lintogna. Pun adipun maḵwae awad angibaga ḵanane naippun basuḻna. Te losane tagu sumangu ḵan Apudyus we maḵuwis.

Romans 5:20

Innatod Apudyus lintog ta angigammuwandae amo ummaduadu basuḻ da tagu. Yaḵon taḵon ay nu ummaduadu basuḻ da tagu, amo ummamdan ḵinabaḻun Apudyus.

2 Peter 3:9

Sa ḵasomsomḵan da udume tagu, itaḻyan Apudyus we angituttuwa'tta inkarina yaḵon daḵampun aḵ tuttuwa. Sa ḵatuttuwaan, anuanusana diḵayu te adinapun pione awad ossaan aḵ madusa yaḵon siya piona ibabawin oḵyan da losane tagu da basuḻda ya agaydae angwa.