Matthew 20:20 - Sa Ugud Apudyus

²⁰ Pune sadi, ummoy ummadani asawan Zebedee ya da duwae abengnae laḻaḵi ḵan Jesus. Pun nanalluḵu si sinagung Jesus woḵ ḵanana, “Apu, awad de pioḵ ḵodawon.”

Matthew 20:20 ပူးပေါင်းရင်းမြစ်များ

Matthew 10:2

Annaya da ngadan da nasawaḻan aḵ duwae apostol Jesus, aḵ Simon we nginadananda'ḵ Peter, aḵ Andrew we sunudna, da James ḵan John we abeng Zebedee,

Matthew 14:33

Pun awad ay osa ḵan didae inninggaw si bangka nandayaw ḵan siya, ḵananda, “Tuttuwae siḵa Abeng Apudyus.”

Matthew 15:25

Yaḵon sa sadi ye bubai, amo ummoy nanalluḵu si sinagung Jesus woḵ ḵanana, “Apu, ḵadaguwanaḵ ḵappos ta badanganaḵ.”

Matthew 2:11

Dummatongda ḵad atte boḻoy, nillumnoḵda woḵ innilada abeng ya aḵ Mary ye inana. Nanalluḵuda ta andayawda ḵan siya. Pun binuḵtanda da iiggaan da ampapatoge atodda woḵ innatodda ḵan siya buḻawan, sa ambangu we incenso we ngannonda frankincense ya sa ampatoge lanae ngannonda myrrh.

Matthew 27:56

Da sana ḵad da Mary Magdalene, sa asawan Zebedee ya aḵ Mary ye inan da James ḵan Joseph.

Matthew 28:17

Innilada ḵad, nandayawda ḵan siya yaḵon da udum ḵan dida nanduwaduwada.

Matthew 4:21

Pinagatupan ḵad Jesus we nanaddaḻan innilana bos da duwae ansunud, da James ḵan John we abeng Zebedee. Inninggawda si bangka ḵan Zebedee ye amadae angisagana si tabuḵuḻda. Pun inayagan Jesus dida.

Matthew 8:2

Baag-en ummadani ḵan siya laḻaḵi ye naleprosy woḵ ḵananae nanalluḵu, “Apu, nu piom, lamognu ḵaanon saḵitḵu.”

Mark 15:40

Inninggaw os da bubai ye nan-oottap. Dida da Mary Magdalene ya aḵ Mary ye inan da Joses ḵan James we nginadananda'ḵ ḵaabengan ya aḵ Salome.