Matthew 19:29 - Sa Ugud Apudyus

²⁹ Ḵad ngaimane tenana boḻoyna, susunudna, amana baḵon nu inana, da abengna ya da lutana gapu ḵan saḵon, anginsinggasute ḵaadu awatona nu da tinenana ḵad maittan si biyag aḵ inggana.

Matthew 19:29 ပူးပေါင်းရင်းမြစ်များ

Matthew 10:22

Ḵad sasangngaan os diḵayu'tta losane tagu gapu si pammatiyu ḵan saḵon. Yaḵon ngaimane angiyattom atta losane ampaḵaḻaman ya gogomgomana pammatina, matagu'ḵ inggana.

Matthew 13:23

Da naottag ḵad atte alluta, isuda da tagu we dongngonda Ugud Apudyus ya maawatanda ḵad ḵoonda da adu we ambaḻu we banage mas-oman Apudyus we isun da muḻae amunga'ḵ adu. Da udum singgagasut, da udum sin-oonompuḻu ya da udum sintuḵlumpuḻu.”

Matthew 13:8

Da udum ḵade buḵoḻ naottagda si alluta, pun tummubuda woḵ namungada. Da udume buḵoḻ, namungada'ḵ singgagasut, da udum sin-oonompuḻu ya da udum sintuḵlumpuḻu.”

Matthew 16:25

Te ngaimane angipatog atte long-agna, matoy pos pagay. Yaḵon sa angiḵatoy gapu si pammatina ḵan saḵon, itton Apudyus ḵan siya biyag aḵ inggana.

Matthew 19:16

Sin-aḻgawan ḵad, baag-en inninggaw osae babaḻu we ummoy ḵan Jesus woḵ ḵanana, “Mistulu, ngai ambaḻu we ḵooḵ ta itton Apudyus ḵan saḵon biyag aḵ inggana?”

Matthew 25:34

“Pun saḵone Ari, asiḵ ḵanane angibaga'tta tagu we awad si madawinanḵu, ‘Awwayyu, diḵayu we binindisyunan Amaḵ ta gangganasonyu da laḵsunyu we midog-anyu si ampangatan Apudyus we nisaganae inggawanyu inggan ni naḵwaan ni lubung.

Matthew 25:46

Pune sadi ḵanan Jesus we nangiyanungus, “Da annae tagu, madusada'ḵ inggana yaḵon da naun-unane tagu, mataguda ḵan Apudyus aḵ inggana.”

Matthew 5:11

Pian ḵayu nu potogonda diḵayu ya ampaḵaḻamon diḵayu ḵan an-ugudan diḵayu'ḵ lawweng gapu'tte pammatiyu ḵan saḵon.

Matthew 6:33

Yaḵon umunae ipatpatogyu ampangatan Apudyus ya unudonyu maun-unane antatagu we piniona woḵ ittona da ḵasapuḻanyu.

Luke 14:26

“Ngaimane maḻyade mitun-ud ḵan saḵon, ḵasapuḻane daḵdaḵoḻ ayatna ḵan saḵon nu sa ayatna'tta amana ḵan inana, sa asawana ya da abengna, da sunudna ya taḵon ay mismu we long-agna te nu adina ḵoon ḵaḵna, adipun maḵwae ambalin aḵ disipuluḵ.

Luke 5:11

Pun intaḵdangda da bangkada'tte taḻantag woḵ tinenanda da losan ta mitun-udda ḵan Jesus.

Luke 6:22

Pian ḵayu nu sasangngaan diḵayu'tta tagu, ya nu laḵsigonda diḵayu, potogonda diḵayu, ya am-amsewonda diḵayu gapu'tte pammatiyu ḵan saḵone Abeng Di Tagu.

John 15:19

Nu isuyu da tagu we adipun amati, ayatonda diḵayu. Yaḵon gapu ta piniliḵ diḵayu'ḵ amati, sadi gapunae sasangngaan diḵayu.

John 4:36

Da an-ani ḵad matangdananda, da anagup atta tagu awatonda biyag aḵ inggana. Ḵad da angimuḻae isun da angibaga'tte ugudḵu ya da an-ani ye bumadang ta awatonda ugudḵu, anggangganasda losan.

Acts 9:16

Ipailaḵ ḵan siya ummamdane ampaḵaḻamanae asina laḵ-amon mipagapu'tte ngadanḵu.”

1 Corinthians 2:9

Yaḵon sa ḵanan ni nigili ye Ugud Apudyus, “Sa adimpun da tagu innila ya adidapun dingngoḻ baḵon nu adidapun simsimmoḵ, sadi insaganan Apudyus para'tta angayat ḵan siya.”

2 Corinthians 5:16

Pun inggana sinsadi, adinipun bigbigon ngaimane tagu we ambatay si nainlubungane ḵasomsomḵan. Taḵon ay nu ḵatti inonni ye namigbig ḵan Kristu si awe, adinipun ogon ḵoon sinsana.

Philippians 3:8

Ḵad daḵampun aḵ abus sadi, ibelangḵu we ippun pulus anun da losan nu iyisuḵ si nangigammuwaḵ ḵan Jesu Kristu we Apuḵ te napatpatog aḵ adayu nu da ngaiman. Para ḵan siya, imballuḵ losan da sadi ya ibelangḵu we dimoḵda ta maḵwae ganaboḵ maḵabuḻbuḻunaḵ ḵan Kristu,

1 Peter 4:14

Pian ḵayu nu maang-angyag ḵayu gapu si pammatiyu ḵan Kristu te sadi angigammuwanyu we iinggaw ḵan diḵayu madaydayawe Ispiritun Apudyus.

3 John 1:7

Te ummoyda ta iwaḻagawagda mipanggob ḵan Apu Jesus woḵ adidapun inawat badange naḻpu'tta adipun namati.