Matthew 18:31 - Sa Ugud Apudyus

³¹ Innilan ḵad da doganae sammilu naḵwa, amod de alimuunda woḵ ummoyda'tte ari impilit.

Matthew 18:31 ပူးပေါင်းရင်းမြစ်များ

Matthew 14:9

Ansigab si somsomoḵ ni ari yaḵon gapu ta insapatana'tte sinagung da adu we naayagan, mabaine adi angituttuwa. Pun imbilinnae maatod ḵodawona

Matthew 18:28

“Ummoyon ḵad sadi ye sammilu, inabotna doganae sammilu we nautangan ḵan siya'ḵ singgasute palata. Pun daguse dinoḵmaana woḵ pinsoḻna, ḵanana, ‘Bayadam sinsadi utangnu.’

Matthew 18:30

Yaḵon adinapun ḵinadaguwan woḵ impaibaḻudna inggana'ḵ bayadana utangna.

Matthew 18:32

“Pun impaayag ni ari sammilu woḵ ḵanana, ‘Siḵa ḵaḻawengane sammilu! Pinakawanḵu siḵa'tta losane utangnu si ummam nandagdagu ḵan saḵon.

Mark 3:5

Nallangḻanga ḵad ḵan dida summanga ya ansigab atte pusuna gapu'tte tummungitong somsomoḵda. Ḵanana si naangḵet, “Uyadom imam.” Inuyadna ḵad, nipaḻ-og.

Luke 14:21

“Pun nipauli sammilu woḵ imbagana da losan si apuna. Pun amod de sangan ni apuna woḵ ḵanana si sammiluna, ‘Agagame umoy atte ḵaḻsa ya sa lugar we andaḵdaḵngan da adu we tagu atte ili ta ayagam da ḵapus, da naparalaes, da naḵuḻap ya da napilay ta umalida maḵaḵan.’

Luke 19:41

Madam-an ḵad da Jesus ad Jerusalem, innilana sanae siyudad woḵ naḵaibil gapu si daguna.

Romans 12:15

Maḵalaylayad ḵayu'tta allaylayad ya maḵadomdom ḵayu'tta andomdom.

2 Corinthians 11:21

Mabainaḵe angibagae diḵani ḵad, ippun tuḻodni ye angwa'tte isun ni ḵingwada ḵan diḵayu! Yaḵon nu mipanggob atte tuḻoddae angiyisḵaḻ atta long-agda, ḵooḵ os ta an-ugudaḵe isun di nadongdong-ogan!

Hebrews 13:17

Tuttuwaonyu da angipangpangu ḵan diḵayu ya unudonyu da bilinda te dida angayyuwan ḵan diḵayu ta sissiyae ampigsa pammatiyu te ḵasapuḻane songbatanda ḵan Apudyus nu ḵingwada da ḵewaaḻda. Tuttuwaonyu dida ta maganasandae angwa'tta ḵewaaḻda. Nu adiyu dida tuttuwaon, andadauyda ya naippun ittona'ḵ bumaḻuwanyu.

Hebrews 13:3

Iḵagasmoḵyu da awad si babaḻḻudane isun di nidoga ḵayu ḵan dida ya da mapaḵaḻame isun di midoga ḵayu ampaḵaḻam ḵan dida.