Matthew 13:35 - Sa Ugud Apudyus

³⁵ Ḵingwana ḵaḵna ta mituttuwa impaibagan Apudyus atte profetanae ḵanana, “Da pani, siya inoḵe maḵaugud ḵan dida. Ibagaḵ ḵan dida da daampun mipaigammu'tte inggan ni naḵwaan ni lubung.”

Matthew 13:35 ပူးပေါင်းရင်းမြစ်များ

Matthew 13:14

Da ḵaḵnae tagu, dida mituttuwaan ni impaigilin Apudyus ḵan Profeta Isaiah we ḵanana, “ ‘Taḵon ay nu ummanda dodongngon, adidapun paat maawatan. Ḵad taḵon ay os itotollongda da maḵwa, adidapun imatunan.

Matthew 13:3

Pun imbagana ḵan dida da adu we banage impanina, ḵanana, “Inninggaw tagu we ummoy nawwagawag atta buḵoḻ.

Matthew 25:34

“Pun saḵone Ari, asiḵ ḵanane angibaga'tta tagu we awad si madawinanḵu, ‘Awwayyu, diḵayu we binindisyunan Amaḵ ta gangganasonyu da laḵsunyu we midog-anyu si ampangatan Apudyus we nisaganae inggawanyu inggan ni naḵwaan ni lubung.

Matthew 5:2

woḵ insaḻadnae nantuttudu ḵan dida.

Luke 10:14

Nu dumatong anguwisan Apudyus atta losane tagu, nadagdagson andudusana ḵan diḵayu nu da iTyre ḵan iSidon.

John 17:24

“Ama, pioḵe da innatodnu ḵan saḵon awadda ḵan saḵon atte dinumane igawḵu ta ilanda ḵinaapudyusḵu we innatodnu te inayatnu saḵon atte daan ni lubung maḵwaan.

Acts 15:18

Sana imbagan Apu we impaigammuna si awe.’ ”

1 Corinthians 2:7

Te sa nilimode ḵinalaing Apudyus we ibagabagani, siya simsimmoḵna si daan ni lubung maḵwaan ta midoga taḵu si ḵabaḻuwane antatagu ḵan Apudyus ad langit.

Ephesians 3:5

Naippun nangigammu si anna'tte awe yaḵon sinsana, impaigammun ni Ispiritu Santu ḵan diḵani ye apostol ya da profetanae pinilina'ḵ anserbi ḵan siya.

Ephesians 3:9

Ḵad ipaḵaawatḵu'tta losane tagu inon ni planun Apudyus we mituttuwa. Aḵ Apudyus we nangwa'tta losan, adinapun impaigammu planuna si awe.

Hebrews 1:1

Sa awe adu we timpu ḵan nansabasabali inon Apudyus we nan-ugud atta danaḵḵoḻ taḵu mipagapu'tta profetanae an-uuggudona.

Revelation 13:8

Ḵad daydayawon da losane tagu si annae lubung sanae ḵaog-ogyate ayam yaḵon da tagu we nigili da ngadanda'tte iblu we nigiliyan da ngadan da awad da biyagda'ḵ inggana, adidapun daydayawon sanae ḵaog-ogyate ayam. Te sa daan ni lubung maḵwaan, nagagangpute nigili da ngadan da sanae tagu si iblun ni biyage sa ḵuwan ni Ubbu we Karnero we nagongat.

Revelation 17:8

Sa ayame innilam, inninggaw atte awe yaḵon naippun sinsadi. Ḵad sa umali ye aḻgaw, tumoḵwaḻe maḻpu si abute ippun patinggan ni ḵaadaḻomna. Ḵad ḵasapuḻane umoy atte dusae ippun anungusna. Ḵad da losane tagu si lubunge adipun nigili da ngadanda'tte iblu we nigiliyan da awad de biyagda'ḵ ingganae insaganan Apudyus atte daan ni lubung maḵwaan, mataagdae angila'tte sadi ye ḵaog-ogyate ayam te inninggaw atte awe, naippun sinsadi ya asi tumoḵwaḻ atte umali ye aḻgaw.”