Matthew 13:30 - Sa Ugud Apudyus

³⁰ Samaḻnae midisan dumaḵoḻ da sabsabug atta pagoy inggana'ḵ iyyaani. Asiḵ ibaga'tta an-ani ta unaonda ḵaanon da sabsabug ya binobodda dida ta soggonda ḵad asidaot aniyon da pagoy ya impomponda si aḻangḵu.’ ”

Matthew 13:30 ပူးပေါင်းရင်းမြစ်များ

Matthew 13:25

Masusuyopda ḵad atte sillabiyan, ummoy ni ḵabusuḻna iwwagawag buḵoḻ ni sabsabug atta niyosoḵe pagoy woḵ ummoyon.

Matthew 13:29

“Ḵanana, ‘Naid te uni ḵad midoga mibagut da pagoy atta sabsabug nu bagutonyu dida.

Matthew 25:32

Ḵad losane tagu si annae luta, andatdatongda si sinagungḵu ya ansinaoḵ didae isun ni angwan ni angayyuwan atta ayame ansinaona da karnero ya da kalding.

Matthew 25:41

“Ḵad ibagaḵ atta tagu si madawigiḵ ḵanane, ‘Diḵayu we naḵoddongan aḵ madusa, inḵayun! Inḵayu si annanayune apuye nisasaggana ḵan Satan ya da bubuḵ-unona.

Matthew 3:12

Naḵasaganae anguwis atta tagu ḵad mipani anḵuḵuwisna'tte tagu we naḵasaganae antopa si de wheat. Sa bogas ni de wheat, dagupona ya igappotna'tte aḻangna. Yaḵon sa losane dugi, aminona aḻan ya soggona'tte apuye adipun masobsoban.”

Luke 3:17

Naḵasaganae anguwis atta tagu ḵad mipani anḵuḵuwisna'tte tagu we naḵasaganae antopa si de wheat. Sa bogas ni de wheat, dagupona ya igappotna'tte aḻangna. Yaḵon sa losane dugi, aminona aḻan ya soggona'tte apuye adipun masobsoban.”

John 15:6

Ngaimane adipun iinggaw ḵan saḵon, isuna pangae miballu ya maḻangu. Mauppun da panga ḵad miballuda'tte apuy ya masgobda.

1 Corinthians 4:5

Pun adiyu ḵuwison da asintataguyu'tte daampun timpuna. Uwayonyu ustu we timpu we dumaḵngan Apu ta siya anḵuwis. Te siya angitoḵwaḻ atta losane mitataḻu ya siya bos angipaigammu si panggob da pusuda. Sanat timpu we asin Apudyus padayawan tagu sigun atta ambaḻu we ḵingwana.

1 Timothy 5:24

Sa mipanggob os atte ampiliyam atta angipangpangu, somsomḵome awad da tagu we nalawage maila da basuḻda'tte daandapun maḵuwis. Yaḵon da udum, nitataḻu da basuḻda yaḵon aaddi ye asi maigammu si anungus ni aḻgaw.