Matthew 12:31 - Sa Ugud Apudyus

³¹ Pun sa ibagaḵ ḵan diḵayu, ngaimane basuḻ da tagu ya da an-ugud aḵ lawweng mipanggob ḵan Apudyus maḵwae pakawanon Apudyus. Yaḵon sa angamsew atte mipanggob si Ispiritu Santu, adipun maḵwae pakawanon Apudyus.

Matthew 12:31 ပူးပေါင်းရင်းမြစ်များ

Luke 12:10

“Sa osa bos, nu awad an-ugud aḵ lawweng mipanggob ḵan saḵone Abeng Di Tagu, maḵwae pakawanon Apudyus. Yaḵon sa an-ugud aḵ lawweng mipanggob si Ispiritu Santu, adimpun Apudyus maḵwae pakawanon.

Acts 7:51

Pinagatupan Stephen woḵ ḵanana, “Diḵayu we tummungitong! Isuyun pagano we adipun amati ḵan Apudyus ya tuḻtuḻḻongonyu ḵatuttuwaan. Isuyu bos da danaḵḵoḻyu we pasigda sullagiyon Ispiritu Santu.

Hebrews 10:26

Te nu gagaḻ-on taḵu we bumasuḻ si nagangpute inigammu taḵu mipanggob si ḵatuttuwaan, naippun ogon midatun aḵ amapoḻḵas atta basuḻ.

Hebrews 10:29

Maguḻa magay madusaan ni tagu we angam-amsew si Abeng Apudyus ya ibelangnae naippun patog ni daḻae angipanoḵnoḵ si tuḻag Apudyus we siya amapoḻḵas atta basuḻ ḵan an-ugud aḵ lawweng atte Ispiritu Santu we siya angipail-an Apudyus atte ḵinabaḻuna.

Hebrews 6:4

Te da tagu we nan-awidanda da pammatida, adipun ogon maḵwae ambabawida'tta basuḻda ya agaydae angwa ta ḵasinda bos amati ḵan Apudyus. Te nalawlawagan da somsomoḵda, napadasanda amode nainlangitane atod Apudyus ya inawatda Ispiritu Santu. Ḵad napadasanda ḵinabaḻun ni Ugud Apudyus ḵan giniḵnada ḵabooḻane mipaila si umali ye timpu.

1 John 1:9

Yaḵon nu ibabagga taḵu da basuḻ taḵu, aḵ Apudyus mataḻgodan ḵan naun-unane amakawan atta basuḻ taḵu ya papoḻḵasona ditaḵu'tta losane ḵinalaweng taḵu.

1 John 5:16

Nu awad osa'ḵ angila si sunudna ḵan Kristu we maḵabasuḻ, iluwaḻuna oḵyan ta itton Apudyus ḵan siya biyag aḵ inggana. Sa pioḵ ibaga, iluwaḻuwan taḵu tagu amod ay nu daḵampun aḵ ambanag si ḵatoy naḵabasuḻana. Te awad de basuḻe ambanag si ḵatoy yaḵon daḵampun aḵ ḵanaḵe iluwaḻuwan taḵu oḵyan.