Mark 6:15 - Sa Ugud Apudyus

¹⁵ Ḵanan da udum, “Siya'ḵ Profeta Elijah we ummuli.” Da udum os, ḵananda, “Siya osa'tta profeta we isun da profetana si awe.”

Mark 6:15 ပူးပေါင်းရင်းမြစ်များ

Matthew 16:14

Ḵananda, “Ḵanan da udum, siḵa'ḵ John we Ambobonyag. Da udum, ḵanandae siḵa'ḵ Profeta Elijah. Da udum os, ḵanandae siḵa'ḵ Profeta Jeremiah baḵon nu osa'tta profeta si awe.”

Matthew 21:11

Ḵanan da tagu we nibuḻun ḵan Jesus, “Siya'ḵ Jesus we profeta we iNazareth si probinsiya'd Galilee.”

Mark 6:16

Dingngoḻ ḵad Herod da ḵingwan Jesus, ḵanana, “Siya'ḵ John we Ambobonyag we impapungtuḻḵu uḻuna woḵ ummuli!”

Mark 8:28

Summongbat da disipuluna woḵ ḵananda, “Ḵanan da udume siḵa'ḵ John we Ambobonyag. Da udum, ḵanandae siḵa'ḵ Profeta Elijah. Da udum os, ḵanandae siḵa osa'tta profeta atte awe.”

Luke 1:17

Ḵad siya umuna nu aḵ Apu ya itton ni Ispiritu Santu ḵabooḻanae isuna innatodna ḵan Profeta Elijah we profeta we an-uuggudon Apudyus atte awe. Antimpuyugona somsomoḵ da an-amae nansubog ya ipaulina bos da lawwenge tagu ḵan Apudyus ta maun-unan da somsomoḵda. Ḵoona ḵaḵnat ta misaganada'tte dumaḵngan Apu.”

Luke 7:16

Pun naḵimtan da losane tagu woḵ indaydayawda bos aḵ Apudyus. Ḵananda, “Atopay! Sa annae profeta we ummali ḵan ditaḵu, amod pagay ḵabooḻana!” Ḵanan os da udum, “Ummali'ḵ Apudyus ta badangana ditaḵu we taguna!”

Luke 7:39

Innilan ḵad ni Pharisee ye nangayag ḵan Jesus da ḵingwan ni bubai, ḵanana'tte somsomoḵna, “Nu tuttuwae profeta annae tagu, igammuna oḵyan ain ḵinatatagun ni annae bubai ye angap-appus ḵan siya! Ḵabasbassuḻan!”

Luke 9:19

Ḵananda, “Siḵa'ḵ John we Ambobonyag. Da udum, ḵanandae siḵa'ḵ Profeta Elijah. Da udum os, ḵanandae siḵa osa'tta profeta si awe ye ummuli.”

Luke 9:8

Da udum ḵad ḵananda, “Siya'ḵ Profeta Elijah we nampaila.” Ḵanan os da udum, “Osa'tta profeta we ummuli si awe.”

John 1:21

Pun ḵanandae nangimus, “Ḵad ngaiḵa nu? Siḵa'ḵ Profeta Elijah?” Ḵanana, “Naid! Daḵanaḵpun.” Pun ḵananda bos, “Siḵa ḵad ain profeta we an-uuggudon Apudyus we uuwayonni?” Ḵanan os John, “Naid! Daḵanaḵpun.”

John 1:25

Ḵanandae nangimus ḵan siya, “Ḵad nu daḵanḵapun aḵ Kristu baḵon nu aḵ Profeta Elijah baḵon nu sa profeta we uuwayonni, ngaipaḵa dam-on ambonyag nu?”

John 6:14

Innilan ḵad da amode tagu da nakaskasdaawe sinyale ḵingwan Jesus ḵananda, “Sana pagay tuttuwae profeta we inkarin Apudyus we umali si annae lubung.”

John 7:40

Dingngoḻ ḵad da tagu inugudna, ḵanan da udum, “Siya tuttuwae inuuwway taḵu we profeta.”

John 9:17

Pun ḵasin da Pharisee nan-imus atte laḻaḵi woḵ ḵananda, “Ḵad nu diniyat Jesus da atam, ngai ḵanam si mipanggob ḵan siya?” Ḵanana, “Siya profeta.”