Mark 14:65 - Sa Ugud Apudyus

⁶⁵ Nagangput ḵad, insaḻad da udume nanuptuppa ḵan siya woḵ binungutda atana woḵ ḵabiḵbiḵunganda. Ḵananda, “Nu lamognu pugtuwan, ibagam ḵan diḵani nu ngai da namiḵung ḵan siḵa?” Da nangguwaḻda ḵad os, nilipalipaḵda.

Mark 14:65 ပူးပေါင်းရင်းမြစ်များ

Matthew 27:30

Tinuppatuppaanda ya innaḻada pauḻe oonnana woḵ iyyaplitda si uḻuna.

Mark 10:34

ta ang-angyagonaḵ, tuptuppaanaḵ ḵan ap-aplitonaḵ ya asidaot saḵon gongaton. Yaḵon sa miḵaḵlu we aḻgaw, umuliyaḵ.”

Mark 15:19

Inapliaplitda uḻuna si pauḻ ya tinuppatuppaanda ḵad nanalluḵuda ḵan siyae agindadayaw.

John 18:22

Imbagan ḵad ay Jesus anna, nilipaḵ ni osae guwaḻda bosaḻna woḵ ḵanana, “Ngaipa ḵaḵnat ansosongbatnu si ḵangatuwane padi?”

John 19:3

Pun nampasapasanidae ummoy ḵan siya woḵ ḵanandae nangang-angyag, “Matataguḵae Arin da Judyu!” Pun nilipaḵda.

Acts 23:2

Inugudna ḵad ay sadi, imbilin Ananias we ḵangatuwane padi'tta tagu we adani ḵan Paul ta tippaponda sungadna.

Hebrews 12:2

Isisimoḵ taḵu'ḵ Jesus te siya puun ḵan magangputan ni pammati taḵu. Ḵad adinapun imbaine natoy atte kros para ḵan ditaḵu gapu si gangganase anguuway ḵan siya. Pun sinsadi, awade tutuḵdu si madawinan Apudyus we maḵapangat ḵan siya.