Mark 14:62 - Sa Ugud Apudyus

⁶² Ḵanan Jesus, “On, saḵon. Sa umali ye aḻgaw, ilanyu saḵone Abeng Di Tagu we tutuḵdu'tte madawinan Apudyus we maḵabooḻ. Ḵad asiyu bos ilan umaliyaḵe mibuḻun atta libuu'd langit.”

Mark 14:62 ပူးပေါင်းရင်းမြစ်များ

Matthew 24:30

Ḵade sadi, awad de maila'd langite sinyal ni madam-an umaliyaḵe Abeng Di Tagu ya da losane grupun da tagu sina'd luta umibilda gapu'tte ogyatda. Ḵad ilanda saḵone Abeng Di Tagu we umali ye midoga'tta libuu ya ilanda bos ummamdane ḵabooḻaḵ ya sa ummamdane ḵinapaddan ni ḵinaapudyusḵu.

Matthew 26:64

Ḵanan Jesus we summongbat, “Siya imbagame sadi. Yaḵon ibagaḵ ḵan diḵayu, ilanyu saḵone Abeng Di Tagu we tumuḵdu si madawinan Apudyus we maḵabooḻ atta losan. Ḵad asiyu bos ilan umaliyaḵe mibuḻun atta libuu'd langit.”

Matthew 27:11

Aḵ Jesus ḵad, summiḵad atte sinagung Gobernor Pilate woḵ ḵanan gobernor we nan-imus ḵan siya, “Siḵa ḵamman Arin da Judyu?” Ḵanan Jesus we summongbat, “Siya imbagam.”

Mark 13:26

Ḵad ilanda saḵone Abeng Di Tagu we umali ye midoga'tta libuu. Ḵad ilanda bos ummamdane ḵabooḻaḵ ḵan ḵinapaddan ni ḵinaapudyusḵu.

Mark 15:2

Ḵanan Pilate, “Siḵa ḵamman Arin da Judyu?” Ḵanan Jesus, “Siya imbagam.”

Mark 16:19

Nagangput ḵad da imbagan Apu Jesus ḵan dida, nipangatu'd langit woḵ tummuḵdu'tte madawinan Apudyus.

Luke 22:69

Yaḵon sinsadi, saḵone Abeng Di Tagu, tumuḵduwaḵ si madawinan Apudyus we maḵabooḻ atta losan.”

Luke 23:3

Pun ḵanan Pilate we nan-imus ḵan Jesus, “Siḵa ḵamman Arin da Judyu?” Ḵanan Jesus, “Ustu imbagam.”

Hebrews 1:3

Sa Abeng angil-an taḵu si ḵadayawan Apudyus ya miyiissu ḵinaapudyusna. Ḵad siya amagatup atta losane mipagapu si ḵabooḻan ni ugudna. Ginangputna ḵad pinapoḻḵas da tagu'tta basuḻda, nipauli'd langit woḵ tutuḵdu si madawinan Apudyus we ḵangatuwan ya maḵapangat ḵan siya.

Hebrews 12:2

Isisimoḵ taḵu'ḵ Jesus te siya puun ḵan magangputan ni pammati taḵu. Ḵad adinapun imbaine natoy atte kros para ḵan ditaḵu gapu si gangganase anguuway ḵan siya. Pun sinsadi, awade tutuḵdu si madawinan Apudyus we maḵapangat ḵan siya.

Hebrews 8:1

Annaya pionni ye ibaga: Awad de ḵangatuwane padi taḵu we tutuḵdu si madawinan ni tronon Apudyus we ḵangatuwan ad langit ya maḵapangat ḵan siya.

Hebrews 8:10

Annaya baru we tuḻagḵu'tta ganaḵ Israel si umali ye aḻgaw, imuḻaḵ lintogḵu'tta somsomoḵda ya igiliḵ atta pusuda. Ḵad saḵon Apudyusda ya dida bos da taguḵ.

2 Peter 1:16

Te sa impaigammuni ḵan diḵayu mipanggob si ḵabooḻan Apu taḵu we Jesu Kristu ya sa ḵasinna umaliyan, adinipun imbatay atta daḵampun aḵ tuttuwae ug-uggud da nalalaing ḵan nasiḵape tagu. Te diḵani ye mismu nangila si ḵinangatuna ya sa ḵinaapudyusna.

Revelation 1:7

Sosomḵonyu anna, umali'ḵ Jesus we midoga'tta libuu ḵad ilan da losane tagu. Taḵon ay da nanuy-uḵ ḵan siya, ilanda ya da losane tagu sina'd luta sin-iibilda gapu'tte ogyatda. Tuttuwa da anna. Amen.

Revelation 20:11

Naabus ḵad, innilaḵ daḵodaḵoḻe itaḵe trono ya innilaḵ os tummutuḵdu sidi. Ḵad sa luta ya sa langit, mawawandae isun di umawidda umadayu ḵan siya. Ḵad adidapun ogon maila.