Mark 14:41 - Sa Ugud Apudyus

⁴¹ Pun ummoy ḵasin nalluwaḻu. Piḵluna ḵade nipauli, ḵanana'tta disipuluna, “Na! Ngaipa ḵayu gay sissiyae masusuyop ḵan umiillong? Sadin! Dummatong timpu we inḵoddong Apudyus we saḵone Abeng Di Tagu, mipuḻangaḵ atta ḵabasbassuḻan.

Mark 14:41 ပူးပေါင်းရင်းမြစ်များ

Matthew 26:2

“Igammuyu we aḵ osan ḵabigatna Gayagayan da Judyu we ngannon taḵu Nallausan. Ḵad Saḵone Abeng Di Tagu, mipuḻangaḵ ta mipattoḻaḵ atte kros.”

Mark 14:10

Aḵ Judas Iscariot osa'tta nasawaḻan aḵ duwae disipulun Jesus, ummoy atta papangat da papadi ta antutuḻaganda inonae angituyuḵ ḵan Jesus ḵan dida.

Mark 14:18

Sa anḵaḵaḵananda ḵanan Jesus, “Ibagaḵ ḵan diḵayu ḵatuttuwaan, awad de osa ḵan diḵayu we maḵaḵane angituyuḵ ḵan saḵon.”

Mark 14:35

Bummattawa'ḵ aḵit woḵ nalluḵbube nalluwaḻu, nu maḵwa adi oḵyan mapagatupan ampaḵaḻamane maḵwa ḵan siya.

Mark 14:40

Nipauli ḵad atta disipuluna, anna bose nasuyopda te adidapun maḵaanuse mapuyatan. Pun ippun igammuda si isongbatda ḵan siya.

Mark 14:42

Lumibbat ḵayu ta intaḵun. Ilanyu, annate umali angituyuḵ ḵan saḵon.”

Mark 7:9

Pune sadi pinagatupan Jesus woḵ ḵanana, “Aginlalaing ḵayu! An-awidanyu bilin Apudyus ta unudonyu ugaliyu.

Mark 9:31

te nantuttudu'tta disipuluna. Ḵanana, “Saḵone Abeng Di Tagu, mipuḻangaḵ atta ḵabusuḻḵu ya gongatonda saḵon yaḵon umuliyaḵ atte miḵaḵlu we aḻgaw.”

John 12:23

Ḵanan Jesus, “Saḵone Abeng Di Tagu, dummatong timpu we midayawaḵ.

John 12:27

Pinagatupan Jesus woḵ ḵanana, “Sinsadi, an-aalimuunaḵ. Ngai nin ay ibagaḵ? Ama, iligsiyaḵ sinsadi ye oras. Naid te siya ummaliyaḵ ḵasapuḻane ampaḵaḻamaḵ sinsadi ye oras.”

John 17:1

Inabus ḵad Jesus imbaga da anna, nantangad ad langit woḵ ḵanana, “Ama, dummatong timpu we padayawam Abengnu ta padayawana bos siḵa.

John 7:30

Imbagan ḵad Jesus sadi, pinadas da papangat doḵmaan yaḵon adimpun Apudyus iyunud te daampun yan dumatong mituttuwaan ni planuna ḵan siya.

John 8:20

Inugudna anna si nantuttuduwana'tte paway ni templo atte adani si iiggaan da atod ḵan Apudyus. Imbagan ḵad Jesus sadi, pinadas da papangat doḵmaan yaḵon adimpun Apudyus iyyunud te daampun yan dumatong mituttuwaan ni planuna ḵan Jesus.

Acts 7:52

Awad ḵamman profeta'ḵ adin da danaḵḵoḻ taḵu nampaḵaḻamon? Gingngatda da imbuun Apudyus si awe ye ummoy nangipaigammu si umaliyan ni naun-unane aḵ Jesus ya sinsadi intuyuḵyu ya gingngatyu.