Mark 14:35 - Sa Ugud Apudyus

³⁵ Bummattawa'ḵ aḵit woḵ nalluḵbube nalluwaḻu, nu maḵwa adi oḵyan mapagatupan ampaḵaḻamane maḵwa ḵan siya.

Mark 14:35 ပူးပေါင်းရင်းမြစ်များ

Matthew 26:39

Pun bummattawa ḵan dida'ḵ aḵit woḵ nalluḵbube nalluwaḻu. Nalluwaḻu woḵ ḵanana, “Ama, nu maḵwa oḵyan, iligsim saḵon si annae ampaḵaḻamaḵe sasangnguwoḵ. Yaḵon daḵampun oḵyan si pinioḵ mituttuwa nu adi sa piniom.”

Matthew 26:45

Nipauli ḵad, ḵanana ḵan dida, “Na! Ngaipa ḵayu gay sissiyae masusuyop ḵan umiillong! Dummatong timpu we inḵoddong Apudyus we saḵone Abeng Di Tagu, mipuḻangaḵ atta ḵabasbassuḻan.

Mark 14:41

Pun ummoy ḵasin nalluwaḻu. Piḵluna ḵade nipauli, ḵanana'tta disipuluna, “Na! Ngaipa ḵayu gay sissiyae masusuyop ḵan umiillong? Sadin! Dummatong timpu we inḵoddong Apudyus we saḵone Abeng Di Tagu, mipuḻangaḵ atta ḵabasbassuḻan.

Luke 22:41

Pun bummattawa'ḵ Jesus ḵan dida si isun ni tayud ni mibintuge batu, nanalluḵu woḵ nalluwaḻu.

John 12:23

Ḵanan Jesus, “Saḵone Abeng Di Tagu, dummatong timpu we midayawaḵ.

Hebrews 5:7

Sa inninggawan Jesus si annae lubung, indangsoḻna iyyibile nalluwaḻu ḵan nanḵodaw ḵan Apudyus we ḵallamog anagu ḵan siya si ḵatoy. Pun dingngoḻ Apudyus luwaḻuna te tummuttuwa ya impakumbabana long-agna.

Revelation 4:10

Ḵad umoy da duwampuḻu ya opate angipangpangu analluḵu si sinagung ni tutuḵdu si trono we sa matattagu'ḵ inggana ya andaydayawda bos ḵan siya. Ḵad ibadongda bos da koronada'tte sinagungna ya ḵanandae angiḵanḵanta,

Revelation 5:14

Pun ḵanan da opate matattagu we ḵingwam, “Amen.” Ḵad da angipangpangu, nanalluḵuda bose nandaydayaw.