Mark 14:28 - Sa Ugud Apudyus

²⁸ Yaḵon umuliyaḵ ḵad, umunaaḵ umoy atte probinsiya'd Galilee nu diḵayu.”

Mark 14:28 ပူးပေါင်းရင်းမြစ်များ

Matthew 16:21

Inggan ni sadi ye timpu, insaḻad Jesus we angibagabaga'tta disipuluna mipanggob si maḵwa ḵan siya'tte umali ye aḻgaw woḵ ḵanana, “Ḵasapuḻane iyyaḵ ad Jerusalem ya ampaḵaḻamonaḵ atta pallakayon da Judyu ya da papangat da papadi ya da mimistulun ni lintog. Ḵade sadi impagongatda saḵon yaḵon sa miḵaḵlu we aḻgaw, taguwon Apudyus saḵon.”

Matthew 26:32

Yaḵon nu umuliyaḵ, umunaaḵ nu diḵayu umoy atte probinsiya'd Galilee.”

Matthew 28:10

Ḵanan Jesus ḵan dida, “Adi ḵayu maḵimut. Inḵayu ibaga'tta disipuluḵe da ibelangku'ḵ susunudḵu si pammati ta umoyda'tte probinsiya'd Galilee. Ḵad ilanda saḵon sidi.”

Matthew 28:16

Ummoy da nasawaḻan aḵ ossaane disipulun Jesus atte beleg ni probinsiya'd Galilee te siya imbagan Jesus we ayanda.

Matthew 28:7

Pun ganasonyu ta inḵayu ibaga'tta disipuluna ḵanane, ‘Ummuli'ḵ Jesus. Ḵad umuna nu diḵayu umoy atte probinsiya'd Galilee. Ḵad ilanyu sidi.’ Sosomḵonyu we imbagaḵ ḵan diḵayu da sana.”

Mark 14:29

Ḵanan Peter, “Taḵon ay nu tenan da buḻunḵu siḵa, adiḵpun paat siḵa tenan.”

Mark 16:7

Inḵayu ibaga ḵan Peter ya da udume disipulunae ummuna'ḵ Jesus ummoy atte probinsiya'd Galilee nu diḵayu. Ilanyu sidi te siya imbagana.”

John 21:1

Naḻaḵpus ḵad anna, nampaila'ḵ Jesus ḵasin atta disipuluna si Baybay Tiberias. Ḵaḵna inonae nangipaila si long-agna.