Luke 6:48 - Sa Ugud Apudyus

⁴⁸ Isuna tagu we nantaḵad aḵ boḻoy. Ḵummaub aḵ adaḻom atte luta inggana'ḵ indasana batu woḵ insaadna boḻoyna. Lummitap ḵad, tinupaḵan ni danum boḻoyna, adipun paat nagitot te nagagaaman nisaadana.

Luke 6:48 ပူးပေါင်းရင်းမြစ်များ

Luke 6:47

Sa umali ḵan saḵon ya ḵoona da dingngoḻna, annaya mipaniyana.

Luke 6:49

Yaḵon sa andongoḻ ya adinapun igunay, isuna tagu we nantaḵad aḵ boḻoyna ya adinapun insaad si labaw ni batu. Pun tinoddaḵ ḵad ni danum boḻoyna, ḵawagase niwaḵas.”

John 16:33

Imbagaḵ sana ḵan diḵayu ta mipagapu ḵan saḵon lumin-awa ḵayu oḵyan. Ampaḵaḻamon diḵayu'tta adipun amati. Yaḵon tumuḻod ḵayu te illogyu da losane lawweng si annae lubung.”

Acts 14:22

ta papigsaonda pammatin da namati ya soḻgagonda dida ta popotpotanda da pammatida. Ḵananda, “Ḵasapuḻane adu ampaḵaḻaman taḵu si midog-an taḵu si ampangatan Apudyus.”

Ephesians 2:20

Pun maḵwae mipani ḵayu'tte partin ni templo we boḻoy Apudyus we taḵadona. Da apostol ya da profeta we an-uuggudon Apudyus mipanidae nisaadan ni sanae templo ya aḵ Apu Jesu Kristu ḵapatogane batu'tte sanae nisaadana.

2 Timothy 2:19

Yaḵon taḵon ay nu awad da isudae angituttudu si tinutuli, adipun paat mabaliwan tuttuwae Ugud Apudyus te isun di ampagdot nisaadanae tinaḵad Apudyus we adipun paat magitot. Awad de nigili ye ḵanana, “Igammun Apudyus da tagu we ḵuwana.” Sa osa bose nigili si awe, ḵanana, “Nu ngai ḵananae namati ḵan Apu, ḵasapuḻane an-awidana da lawweng.”

2 Peter 1:10

Pun susunudḵu ḵan Kristu, ipapatiyu we angunud si ambaḻu we antatagu ta amanoḵnoḵe inayagan ḵan pinilin diḵayu ḵan Apudyus. Te nu ḵoonyu da sana, adiḵayupun paat maottag si pammatiyu.

1 John 2:28

Pun sinsadi, diḵayu we aabengḵu, iinggaw ḵayu ḵan siya ta ippun umogyatan taḵu ḵan mabainan taḵu nu ḵasin umali.

Jude 1:24

Madaydayaw oḵyan os-ossaane Apudyus we anagu ḵan ditaḵu mipagapu ḵan Jesu Kristu we Apu taḵu. Lamogna saḻaḵniban diḵayu ta adi ḵayu maḵabasuḻ ya ippun madellaw ḵan diḵayu nu pasiḵadona diḵayu si sinagungna. Ḵad maganasan ḵayu we angitotollong atte sumilinge ḵinaapudyusna. Madaydayaw te siya ḵangatuwan ḵan maḵabooḻe Apudyus we naippun ḵigad ni ḵaḻabbongana inggan ni laplapuna, sinsana ya aḵ inggainggana. Amen.