Luke 22:37 - Sa Ugud Apudyus

³⁷ Te ḵasapuḻane mituttuwa nigili ye Ugud Apudyus si mipanggob ḵan saḵone ḵanana, ‘Niyiyap atta tulisan.’ Ḵad annan madam-ane mituttuwa.”

Luke 22:37 ပူးပေါင်းရင်းမြစ်များ

Mark 15:27

Inninggaw os da duwae tulisane impattoḻda dida'tta krosda, sa osa'tte madawinanna ya sa osa'tte madawigina.

Mark 15:28

Sadi nituttuwaan ni Ugud Apudyus we ḵanana, “Niyiyap atta ḵabasbassuḻan.”

Luke 18:31

Pun imbattawana da nasawaḻan aḵ duwae disipuluna woḵ ḵanana ḵan dida, “Dongngonyu! Sinsadi anagada taḵu'd Jerusalem, ḵad da losane inggilin da profeta si mipanggob ḵan saḵone Abeng Di Tagu, mituttuwada.

Luke 22:22

Saḵone Abeng Di Tagu, ḵasapuḻane matoyaḵe mibatay si planun Apudyus atte awe. Yaḵon ḵaddagu tagu we angituyuḵ ḵan saḵon.”

Luke 22:36

Ḵanan Jesus, “Yaḵon sinsadi ḵad, sa awad pilaḵna ya baḵaḻna, ḵasapuḻane awitona ya sa naippun ispadana, ḵasapuḻane umoy oḵyan ngumina taḵon ay nu ḵasapuḻane inginana taḵḵop ni silupna ta maḵangina.

Luke 22:52

Pun ḵanana'tta papangat da papadi, da kapitan da guwaḻda si templo ya da pallakayon da Judyu we ang-angngit ḵan siya ta doḵmaanda, “Tulisanaḵ ḵamman ta ummali ḵayu we ampaḵ-odon aḵ ispada ḵan pang-oḵe umoy anoḵma ḵan saḵon?

Luke 23:32

Inninggaw os da duwae tulisane imbuḻunda ḵan Jesus ta umoyda midoga magongat.

Luke 24:27

Pun impaḵaawat Jesus ḵan dida da losane nigili'tte Ugud Apudyus mipanggob si long-agna, nisaḻad atte umunae iblun Moses inggana'tta losane inggilin da profetan Apudyus.

John 10:35

Nu ngannon Apudyus dida'ḵ Apudyus, ngai naḻpuwan ni Ugud Apudyus we ippun ambaliwana'ḵ inggana?

John 17:4

Indaydayawḵu siḵa sina'd luta si nangangputaḵ atta ḵewaaḻe innatodnu ḵan saḵone ḵooḵ.

2 Corinthians 5:21

Aḵ Kristu, ippun paat basuḻna. Yaḵon gapu ḵan ditaḵu, imbelang Apudyus aḵ ḵabasbassuḻan ta mipagapu si niyossaanan taḵu ḵan siya, aḵ Apudyus angwa si maun-unan taḵu.

Galatians 3:13

Yaḵon sinubut Kristu ditaḵu si madusaan taḵu te aditaḵupun lamog tuttuwaon da losane lintog si natoyana'tte kros para ḵan ditaḵu. Te sa nigili ye Ugud Apudyus ḵanana, “Ngaimane madusa ta matoy gapu si mitayunana'tte ḵayu, nadusa ḵan Apudyus.”