Luke 18:32 - Sa Ugud Apudyus

³² Te mipuḻangaḵ atta Gentil ḵad ang-angyagonaḵ, ibabbainaḵ ḵan tuptuppaanaḵ.

Luke 18:32 ပူးပေါင်းရင်းမြစ်များ

Matthew 16:21

Inggan ni sadi ye timpu, insaḻad Jesus we angibagabaga'tta disipuluna mipanggob si maḵwa ḵan siya'tte umali ye aḻgaw woḵ ḵanana, “Ḵasapuḻane iyyaḵ ad Jerusalem ya ampaḵaḻamonaḵ atta pallakayon da Judyu ya da papangat da papadi ya da mimistulun ni lintog. Ḵade sadi impagongatda saḵon yaḵon sa miḵaḵlu we aḻgaw, taguwon Apudyus saḵon.”

Matthew 20:19

ya asidaot saḵon ipuḻang atta Gentil. Ḵad ang-angyagonda saḵon ḵan ap-aplitonaḵ, ḵade sadi ipattoḻda saḵon atte kros. Yaḵon sa miḵaḵlu we aḻgaw, taguwonaḵ ḵan Apudyus.”

Matthew 22:6

Da udum ḵad, dinoḵmaanda da sammilun ni ari woḵ nampaḵaḻamonda dida woḵ asidaot dida gongaton.

Matthew 26:67

Pun tinuptuppaanda, sinansantuḵda ya nilipalipaḵda bosaḻna,

Matthew 27:2

Pun binaḻudda woḵ inniyoyda ḵan Gobernor Pilate.

Mark 14:65

Nagangput ḵad, insaḻad da udume nanuptuppa ḵan siya woḵ binungutda atana woḵ ḵabiḵbiḵunganda. Ḵananda, “Nu lamognu pugtuwan, ibagam ḵan diḵani nu ngai da namiḵung ḵan siḵa?” Da nangguwaḻda ḵad os, nilipalipaḵda.

Mark 15:1

Wiḵwiḵis ḵad, nandatdatong da papangat da papadi, da pallakayon da Judyu, da mimistulun ni lintog ya da losane ḵuḵunsisaḻ woḵ nantutuḻagda nu ngai ḵoonda ḵan Jesus. Nagangputda ḵad nantutuḻag, binaḻudda. Pun intallayda woḵ impuḻangda ḵan Gobernor Pilate.

Luke 18:33

Ap-aplitonaḵ ya asidaot saḵon gongaton. Yaḵon sa miḵaḵlu we aḻgaw, umuliyaḵ.”

Luke 23:1

Pune sadi, losanda lummanibbat ta iyoyda'ḵ Jesus ḵan Gobernor Pilate. Dummatongda ḵad sidi,

Luke 23:11

Pun aḵ Herod nidoga bos atta suḻdadunae nanginsultu ya nangang-angyag ḵan Jesus. Sinilupanda si langgoyode isuna silup da ari woḵ naabus ḵad impaulida ḵan Pilate.

Luke 23:35

Summisiḵad da tagu we nambubuya yaḵon insassaud da papangat da Judyu we angigga'ḵ nges-el ḵan siyae ḵananda, “Tinaguna da udume tagu. Taguwona oḵyan long-agna nu tuttuwae siya Kristu we pinilin Apudyus.”

John 18:22

Imbagan ḵad ay Jesus anna, nilipaḵ ni osae guwaḻda bosaḻna woḵ ḵanana, “Ngaipa ḵaḵnat ansosongbatnu si ḵangatuwane padi?”

John 18:28

Wiḵwiḵis ḵad, illawada'ḵ Jesus atte boḻoy Caiaphas woḵ inniyoyda'tte palas Gobernor Pilate. Yaḵon adipun nillumnoḵ da Judyu ta adida mibelang aḵ ḵaissaw yaḵon maḵaḵanda'tte Gayagayae ngannonda Nallausan.

John 18:30

Ḵanan da Judyu, “Nu daḵampun aḵ lawweng da ḵingwan ni annae tagu, adinipun oḵyan impuḻang ḵan siḵa.”

John 18:32

Naḵwa da anna ta mituttuwa imbagan Jesus si mipanggob atte inonae matoy.

John 18:35

Summongbat aḵ Pilate woḵ ḵanana, “Judyuwaḵ ḵamman? Da ḵailiyam ya da papangat da papadi impuḻangda siḵa ḵan saḵon. Ngai ḵad ain ḵingwam?”

Acts 2:23

Aḵ Jesus, gagangaye simsimmoḵ Apudyus we ipuḻangna ḵan diḵayu te siya inḵoddongna si awe. Ḵad diḵayu, impaipattoḻyu'tte kros ya impagongatyu'tta tagu.

Acts 3:13

Daḵampun ḵan diḵani yaḵon sa Apudyus da Abraham, Isaac, Jacob ya da losane danaḵḵoḻ taḵu. Siya namataddaḻan si laḻaḵi ta maila ḵinaapudyus Jesus we nanserbi ḵan siya si annae lubung. Aḵ Jesus, siya impuḻangyu'tta papangat ya indiyanyu si sinagung Gobernor Pilate atte simsimmoḵnae piona puḵayan.