Luke 12:48 - Sa Ugud Apudyus

⁴⁸ Yaḵon sa sammilu we adinapun igammu imbilin ni apuna nu ḵoona lawweng, aḵit dusana. Sa tagu we naittan aḵ adu, adu bos namnamaonae maḻpu ḵan siya. Ḵad sa tagu we nitaḻgodan ni ad-adu, ad-adu bos ḵodawonda ḵan siya.”

Luke 12:48 ပူးပေါင်းရင်းမြစ်များ

Matthew 13:12

Te sa anuttuwa si dingngoḻna, amo madog-an an-aawatna inggana'ḵ aduadu maawatana. Yaḵon sa tagu we adinapun ḵoon dingngoḻna, taḵon ay awad ḵan siya, maḵaan.

Matthew 23:14

“Ḵaddagu ḵayu we Pharisee ya da mimistulun ni lintog. Ḵapappaila ḵayu! Te allelawonyu da baḻu ta aḻanyu da ḵuḵuwada ya da boḻoyda ḵad anduanduwonyu da luwaḻuyu si sinagung da adu we tagu ta analingodyu'tta ḵoḵoḵḵonyu. Ḵad sana amo amadagson atte madusaanyu.

Luke 12:41

Ḵanan Peter, “Apu, abus ḵani ḵamman aḵ angibag-am si sadi ye pani baḵon nu da losane tagu?”

Luke 12:49

Ḵanan Jesus, “Gapu'tte ummaliyaḵ sina'd luta, ḵuwison Apudyus da losane tagu. Pioḵ oḵyane nisaḻad!

Luke 16:2

Pun impaayag ni baḵnang woḵ ḵanana ḵan siya, ‘Ngai dingngoḻḵu we mipanggob si nanangtanggaam atta ḵuḵuwaḵ? Idatongnu listaan da tinangḵonam te ḵaanoḵ siḵa si ḵewaaḻnu.’

John 15:22

Naippun oḵyan maḵabasuḻanda nu adiyaḵ ummali ya naḵaugud ḵan dida. Yaḵon sinsadi, ippun ogon allasunda'tta basuḻda.

Acts 17:30

Sa awe, inan-anusan Apudyus da ḵingwan da tagu te daandapun igammuwon. Yaḵon sinsadi, imbilinnae losane tagu ibabawida da basuḻda ya agaydae angwa.

1 Timothy 1:11

Sa ḵatuttuwaane intuttuduḵ, mibatay si Ambaḻu we Damag we intaḻgod ni ḵangatuwan ḵan madaydayawe Apudyus ḵan saḵon.

1 Timothy 1:13

Taḵon ay nu pupaḵ nan-ugudan aḵ lawweng si awe, ininsultuḵ ya nampaḵaḻamoḵ da nitun-ud ḵan siya yaḵon ḵinadaguwanaḵ pos pagay ḵan Apudyus. Te daanaḵpun amati ḵan Jesus ya ippun igammuḵe lawweng da ḵingwaḵ.

1 Timothy 6:20

Ḵan siḵa Timothy, ayyuwanam da intaḻgod Apudyus ḵan siḵa. Adayuwam da ug-uggude daḵampun aḵ mipanggob atte tuttuwae Apudyus ya da misullagi ye tuttudu we ngannonda laing yaḵon niḵawasda'tte ḵatuttuwaan.

Titus 1:3

Ḵad sa ustu we timpu, impaigammuna'tta tagu mipagapu'tte Ambaḻu we Damag. Ḵad sa sadi ye Ambaḻu we Damag, intaḻgodna ḵan saḵon ta siya iwaḻagawagḵu. Te aḵ Apudyus we nanagu ḵan ditaḵu, siya bos imbilinna ḵan saḵone ḵooḵ.

James 3:1

Susunudḵu ḵan Kristu, ambaḻu nu aḵit oḵyan ḵan diḵayu da ambalin aḵ angituttudu si Ugud Apudyus te igammuyu we nadagdagson maḵuwisan taḵu we angituttudu nu da udum.