Jude 1:17 - Sa Ugud Apudyus

¹⁷ Yaḵon ḵan diḵayu we ay-ayatoḵe buḻbuḻun, ḵasapuḻane adiyu maliwatan da imbagan da apostol Jesu Kristu we Apu taḵu.

Jude 1:17 ပူးပေါင်းရင်းမြစ်များ

Acts 20:35

Sana pasigḵu ḵingwa ta awad unudonyu te ḵasapuḻane pumangog taḵu we anḵewaaḻ ta awad ibadang atta anḵasapuḻ, sosomḵonyu imbagan Apu Jesus we ḵanana, ‘Amo pian angitod nu sa an-awat.’ ”

Ephesians 2:20

Pun maḵwae mipani ḵayu'tte partin ni templo we boḻoy Apudyus we taḵadona. Da apostol ya da profeta we an-uuggudon Apudyus mipanidae nisaadan ni sanae templo ya aḵ Apu Jesu Kristu ḵapatogane batu'tte sanae nisaadana.

Ephesians 4:11

Ḵad siya bos nangitod atta nankalakalasi ye ḵabooḻan atte gimung da namati. Dinutuḵana da udum aḵ apostol ya da udum aḵ profetana. Da udum dinutuḵana'ḵ angiwaḻagawag si Ambaḻu we Damag atta ḵinailin di ili ya da udum aḵ pastor ya da udum aḵ mimistulu.

Hebrews 2:3

Pun ngai inon taḵu we angiligsi'tte madusaan taḵu nu adi taḵu patgan sanae nakaskasdaawe inonae anagu ḵan ditaḵu? Aḵ Apu Jesus we mismu ummunae nangipaigammu si mipanggob atte mataguwan taḵu. Ḵad da nangngoḻ atta tuttuduna, dida nangipaigammu ḵan ditaḵu'tta dingngoḻdae ḵatuttuwaan.

2 Peter 3:2

Pioḵe iḵagasmoḵyu da impadtun da profeta we nanserbi si awe ya da bilin Apu taḵu ya sa Anagu we impaigammuna ḵan diḵayu mipagapu'tta apostol we nantuttudu ḵan diḵayu.

1 John 4:6

Yaḵon ditaḵu da abeng Apudyus. Pun da buḻun taḵu we angigammu ḵan Apudyus, piondae andongoḻ atta ituttudu taḵu. Yaḵon da daḵampun aḵ abeng Apudyus, adidapun pione andongoḻ. Sanat angimatunan taḵu'tta mituttudu nu naḻpu si Ispiritu Santu we puun ni ḵatuttuwaan baḵon nu aḵ Satan we puun ni tuli.

Jude 1:3

Ay-ayatoḵe buḻbuḻun, ansagsaganaaḵe anuḻat ḵan diḵayu si mipanggob atte mataguwan taḵu losane namati. Yaḵon sinsadi, ḵasapuḻane anuḻataḵ ta bagbagaaḵ diḵayu we iggayu ḵabooḻanyu we angitaḵdog si pammati taḵu we namingpingsane intaḻgod Apudyus atta taguna.