John 9:22 - Sa Ugud Apudyus

^22-23 Ḵaḵna imbagan da sin-abeng te maḵimutda'tta papangat da Judyu te nantutuḻagandae ngaimane angibabagga ḵanane, “Aḵ Jesus de Kristu,” adipun ogon maḵwae lumnoḵ atte sinagogan da Judyu.

John 9:22 ပူးပေါင်းရင်းမြစ်များ

Luke 6:22

Pian ḵayu nu sasangngaan diḵayu'tta tagu, ya nu laḵsigonda diḵayu, potogonda diḵayu, ya am-amsewonda diḵayu gapu'tte pammatiyu ḵan saḵone Abeng Di Tagu.

John 1:19

Annaya tinaḵdoḻan John. Sin-aḻgawan ḵad, imbuun da papangat da Judyu ad Jerusalem da udume papadi ya da udume ganaḵ Levi ta umoyda imuson ḵan John nu ngai'ḵ siya.

John 16:2

Paḻyawon diḵayu'tta sinagoga. Ḵad dumatong timpu we ngaimane angongat ḵan diḵayu, ḵananapun nu ḵoona ḵad ḵaḵna, anserbi ḵan Apudyus.

John 19:38

Naabus ḵad sadi, ummoy ḵan Pilate aḵ Joseph we iyArimathea we osa'tta disipulun Jesus yaḵon illimodna te maḵimut atta Judyu. Pun ḵindawna ḵan Pilate nu maḵwae opasona ladag Jesus atte kros ta itallayna. Iyyunud Pilate woḵ ummoyna impas ladag Jesus woḵ intallayna.

John 20:19

Ḵugḵugab ḵad si sadi ye aḻgawe sa umunae aḻgaw ni sindumingguwan, nidaḵig inggawan da disipulu te maḵimutda'tta Judyu. Nampaila'ḵ Jesus woḵ naḵataḵdog ḵan dida woḵ ḵanana, “Lin-awa oḵyan awad ḵan diḵayu.”

John 7:13

Yaḵon adidapun indangsoḻe angug-uggud si mipanggob ḵan siya te maḵimutda'tta papangat da Judyu.

John 9:18

Yaḵon da papangat da Judyu, sissiyae adidapun patiyone gagangaye naḵuḻap sadi ye laḻaḵi woḵ naḵaila. Pun ḵingwada ḵad, nangibuunda'ḵ ummoy nangayag atta sin-abeng ḵan siya.

John 9:21

Yaḵon naippun igammuni nu ngai inonae naḵaila ya nu ngai naniyat atta atana. Imusonyu ḵan siya te naangsan ḵan igammunae sumongbat.”

John 9:34

Ḵananda bos ḵan siya, “Ḵabasbassuḻanḵa inggan ni niyanaḵam. Ngaipam ay diḵani tuttuduwan?” Pune sadi, pinaḻyawda'tte lasin ni sinagogan da Judyu.

John 9:35

Dingngoḻ ḵad Jesus we pinaḻyawda laḻaḵi, ummoyna singngit woḵ indasana. Ḵanana ḵan siya, “Amatiḵa pagay si Abeng Di Tagu?”

Acts 4:18

Pun inayaganda bos da Peter ḵan John woḵ binilinda dida ta adida ogon an-ugud baḵon nu antuttudu'tta ngaimane tagu we usaronda ngadan Jesus.

Acts 5:13

Da adipun namati maḵimutdae umoy midoga ḵan dida. Yaḵon patgan da tagu dida.

Acts 5:40

Pun tinuttuwan da ḵuḵunsisaḻ imbagan Gamaliel. Inayaganda ḵad da apostol, impaaplitda dida. Pun imbilinda bose adida an-ugud si mipanggob si ngadan Jesus woḵ puḵayanda dida.

Revelation 21:8

Yaḵon ampaḵimut maḵwa'tta tagu we adidapun ipapuut pammatida gapu si ogyatda, da naippun pammatida, da lawweng ugalida, da pumappatoy, da angadaḻug atta daḵampun aḵ asawada, da andadawaḵ, da ambubuyun, da anaydayaw atta sinan-apudyus ya da losane tuliyan. Asida umoy inggaw atte igaw ni gumilgillayabe apuy ḵan sulfur. Sana ḵumagwae ḵatoy.”